jaisa khaoge ann vaisa banega man (16 kakshon ki kalpana ke karan men bhojnalay bhi hai.) isliye rasoighar ghar ka sabse sanvednshil sthan hota hai. yah sarvavidit hai ki pratyek prani ke jivan men bhojan ka bahut mahattva hai. kyonki yah sharirik v mansik donon prakar ka svasthya pradan karta hai. svasthya hi sukhi jivan ka adhar hai isi par charon purusharth tike hain
bhojan banate samay agni tatva ka prachur matra men prayog hota hai. atah agni tatva vale kon men (dakshin-purva) men rasoi banana sarvottam hota hai. yadi rasoi ko anya kisi sthan par bana diya jaye to pet v hriday rog ho sakte hain kyonki un anya sthanon par agni dev ka svatah nivas n hone se bhojan dushit v kachcha pakka banakar hamara svasthya kharab ho sakta hai. rasoi thik jagah par bani ho to indhan v rashan ki bachat ke sath-sath bhojan svadisht evan svasthyadayak banta hai. agnikon ka devta agni hai
aur grah shukra hai jo ati mahatvapurn hai. ag aur shukra urja aur anand, tej aur vaibhav yahi jivan hai. “vastupurush namastestu bhushruyanirat prabho. madgrihan dhandhanyadismriddhan kuru sarvada.. bhumi shaiyya par shayan karne vale vastu purush apko mera namaskar hai. prabho! ap mere ghar ko dhan-dhanya adi se sanpann kijie. agni karak hai- urja ka, tej ka, kshamataon ka, ushma ka, prakash ka, shakti ka, bal ka, rasoighar se prasannata ka vatavaran banta hai. shukra karak hai- jaliya tatva ka (bhojan men) svad ka, sugandh ka, saf safai ka, saundarya ka, virya ka, prem tatha romans ka. madhumeh, urja, indriyon ka sukh, svasthya sharir adi ka vichar bhi pashchim disha men sham ke samay aksar dikhai dene vale is chamkile grah dvara kiya jata hai. sangit ke liye urja-vidyut chahie, kar meen daik, shadi vivah men sangit, anand tatha rasoi men mahila ka karak bhi shukra hai. isilie parivar ke sadasyon ka yauvan, saundarya, svasthya sab kuch rasoi men bane bhojan par hi nirbhar karta hai. rasoighar ki antrik vyavastha
- chulhe ka sthan purva men divar se thora hatakar rakhen.
- chulha rasoighar ke dvar ke bilkul samne n ho.
- khana pakane vale ka manuh purva ya pashchim disha men ho sakta hai.
- rasoi men pani ka nikas purva, uttara-purva, uttar men shubh hai. pashchim, uttara-pashchim men bhi ho sakta hai.
- bhojan pakate samay bhojan ka kuch ansh devtaon ke liye nikalen, fir pahli roti gay ko v antim roti kutte ko dalen.
- rasoighar men surya ka prakash v tajgi
- rasoighar men pradushan v durghatana se raksha ke sadhn
- vastu aur rang vyavastha, halke rang, halka pila, halka chakleti, safed, halka gulabi. bhojan pakane ka sthan- rasoighar men bhojan pakane ke sthan ka farsh ghar ke farsh se thora uncha hona chahie.
svachchata ki vajah se aisa hai kyonki isse gande pair, ganda pani adi ke dushit prabhav se bachengen. khana banane ki slaib ki unchai bhi khana pakane vali stri ke kad ke anurup suvidhajanak dhang se rakhi jani chahie. rasoighar ka dvar- purva, uttar ya uttara-pashchim ke pashchim men rakha ja sakta hai.
matantar se uttara-purva men bhi bana sakte hanai. agnikon ka upyog- bijli ke upakaran, bayalar, tranasfarmar, kaintin, parti sthal, suraksha vibhag, shastradhari longon ka sthan, hotal. agney kon mukhi bhukhandon men vyavsay- hotal, dhaba, restorent, halvai ki dukan, atomobail, vibhinn mashinon adi ke injan aur bhavan nirman ki samagri ka kam, byuti parlar ityadi. dakshin-purva- rup saundarya, laukik tatha bhautik suvidhaain, bhog aur vaibhav ka pratik, sundar paushaken, vahan, ratnabhushan tatha kam sukh ka pradata hai shukra. savdhaniyaen
- rasoighar ki jhadu, chappal, alag rakhen. ise uttara-pashchim rakhen. rasoighar ka dvar dakshin disha men n rakhen.
- rasoighar ka dvar kisi bhi kone men n ho.
- rasoighar ka dvar kisi bhi kone men n ho.
- rasoighar ka eksast fain, frij, vash besin, maigjil flor sadaiv saf suthre v uchit disha men rakhen.
- bachchon ko ya anya logon ko jutte le jane se roke.
- rasoi men bhojan banate samay annapurna devi ko, agni dev ko, jal dev ko pratah namaskar karna n bhule
- rasoighar ko snanaghar ya shauchalay ke sath sata hua nahin hona chahie.
- rasoighar ka dvar shauchalay ya snanaghar ke samne nahin hona chahie.
- rasoi men daining tebal kuch vastuvid sadaiv ashubh mante hain (magar prachin kal men rasoighar men bhojan karne se rahu sadaiv shubh fal data rahta hai aisi manyata thik thi. jinka rahu ashuubh falkari ho unhen rasoi men hi bhojan karna chahie.
- rasoighar ka mukhya dvar dakshin-pashchim ke pletfarm ko dekhte hue nahani hona chahie. rasoi men hi bitta hai to iska sabse pahle ashubh prabhav vahaen kam karne vali strai par hi hoga aise men strai sadasya puri tarah parivar men ghul-mil nahin pati. isse parivar ke sadasyon ke bich sanvad nahin baith pata hai aur sanvad ke abhav men mamuli sa vivad bhi asadharan ghatna ka rup dharan kar sakta hai.
- grenait n lagaye hit nahin sokhta- pet tutta hai harniya adi ho sakta hai.
- rasoighar ki khidkiyaen badi ho, sam sankhya men rakhna uchit hai.
- sidhiyon ke niche rasoi n banayen, achanak durghatanaain hoti hai aurat jal kar mar sakti hai.
- bhavan ke pravesh dvar se rasoi sati hui nahin honi chahie varna atithiyon ke agaman men vriddhi hoti hai.
- rasoighar men khali dibbe rakhna ashubh hota hai.
- rasoighar men mandir n banayen kyonki jhuthe bartan chode ja sakte hain.
- ari tirchi ya sankli gali sarikhi rasoi ghar men matbhed, vair-virodh tatha ajivika men badha deti hai.
- rasoi ke bhitar hi geheue-chaval bhandar ki vyavastha ho to parivar ke purush sadasyon ke karyakshetra men vidhn v badhaain ati hai. kharcha barhne se dhan sanchay kathin ho jata hai.
- rasoighar men yadi snanaghar ho to purush sadasyon ko rog, pira v dhan ki kathinai hoti hai.
- yadi shayan kaksh ka darvaja rasoi men khule ya rasoi men se hokar shayan kaksh men jana pade to pati-patni ke bich galtfhmi se tanav rahta hai aur purush sadasyon ka acharan kul ki parampara ya maryada ke viruddh rahta hai.
- yadi rasoi ke samne bana shayan kaksh tatha donon ke darvaje bhi amne samne hone se sneh v sahyog to parivar men barhta hai kintu svasthya ki hani hoti hai.
- yadi rasoighar men kua ya jalashay sthit ho to parivar men matbhed badhta hai grihasvami ka apman hota hai ya purush dur desh, pardesh adi men jyada rahte hain. vishesh
- yadi rasoi bhojan kaksh ka ang ho to patni ka apne mata-pita v bhai-bahnon se manmutav hota hai bachche skul men pichar jate hai, padhai se ji churate hai. purush sadasya apne mitron ke sath amod pramod men ghar se bahar jyada samay bitate hain aur unke pathabhrasht rahne ki ashanka rahti hai. (jabki prachin kal men rasoi men khana shubh mante the)
- yadi shayan kaksh tatha rasoi ka darvaja amne-samne ho to pati-patni romansapriya tatha vivahotar sanbandh banane vale hote hain.
- yadi rasoighar ka praveshadvar mukhyadvar ke sammukh ho to vichar vaimanasya ke karan paraspar sneh, sahyog v samman men kami hoti hai. parivar ke sadasya ek dusre ko nicha dikhane ka prayas karte hain v paraspar shatrutapurn vyavhar karte hain.
- hamare sharir ke khun men prati sau kyesik saintimitar men chini ki matra 90 se 110 miligram honi chahie. sharir ko itni avashyakta hoti hai isse kam chini ho to sharir par asar ata hai bhavnatmak svabhav bigar jata hai.
- vitamin e ki kami se chidchidapan ata hai. nirasha ki bhavna ati hai.
- vitamin bi ki kami se avsad, hatya ka vichar, bhay ki pravriti ati hai.
- adhik protin se bhi mansik santulan bigdta hai-pratyek svasth vyakti ko ek din men 10-15 gram protin chahie hota hai. yah mans ya ande men jyada hota hai isse jyada ho to mansik santulan bigrta hai.
svasthya ki drishti se ahar par vichar- sardi, garmi, varsha (pramukh rituen hai) ki ritu ka ahar alag alag hota hai isi prakar pratah kal, madhyanh, sanykal ka ahar alg- alag ho sakta hai. pramukh disha v updishaon men rasoighar hone ke parinam
1 uttara-purva- parivar ke varishth sadasyon ka apman, sir ke pichle bhag, gardan v kandho men pira, pati-patni men tanav, jivan men bada nuksan sahna par sakta hai. vanshvriddhi ki gati dhimi hoti hai. mansik klesh se durghatana ka bhay rahta hai.
dhan sanbandhi chintaen sankuchit manovriti se grih klesh, mahilaon ko sharirik kasht ho sakta hai. kuch avpad svarup hotal ki rasoi uttara-purva men banai ja sakti hai.
2 purva- dhan vaibhav barhta hai. prasiddhi aur unnati ke karyon men thore se prayas se labh milta hai. purush kraudh svabhav ke ho sakte hai. tatha achanak badha pane vale aur ghar ki mahilayen snayuvik durbalata v mahilaon ko kabhi-kabhi gupt rog bhi ho jate hai. mahilaon ko sab sukh milne par bhi kabhi khush nahin rahti.
3 dakshin-purva- atyant shubh sthiti, dhan vaibhav, sukh-santosh ki vriddhi, bhojan svadisht v svasthayavardhak rahta hai. kam kharch men jyad kam.
4 dakshin- mahilaon ko mansik santap, udvignata, baichaini, avsad, arthik sthiti davadol, bhojan pushtivardhak nahin ban pata hai. atah svasthya thik nahin rahta. yamraj ka bulava samay se purva.
5. dakshin-pashchim jivan men sangharshon ka samna karna parta hai. rog barhte hain. ag se khatra rahta hai. parivar ke sadasyon ki mansik shanti bhang, ek dusre se kalah v shikayten jivan men unnati v saflta pane ke liye sabhi prayason men kathinaiyan, pati-patni men anaban, mahilaen vat rog se pirit, avsad pirit. apvad- mahilaon ko romantik tatha pathabhrasht banata hai athva kabhi rog v kabhi santan ki chinta rahti hai.
6. pashchim-parivar men matbhed, mahilaon ka shasan chale, yadi grihni ghar ki mukhiya ho to sukh badhe varna hani ki sanbhavna rahti hai. vyay bhar badh jata hai. mahilaen mansik tanav ya pira jhelti hai dhan sanchay men badhak, bachat shunya.
7. uttara-pashchim- parivar ki varishth mahilaain mansik tanav jhelti hai. parivar men kalh-klesh, kharcha jyada, karj ki sanbhavnaen, pragti ki dhimi gati, garm pani ya ag se jalne ka bhay sanbhav, purushon ka romantik svabhav, parivar ki shanti nasht, ghar ke sadasya (tin-terh) asthir durbal vyaktitva ke ho sakte hain pardara sakt, agni bhay. apvad- sanyukt parivar ho to parivar ki bahuon ka kam karne men man nahin lagta aur ek dusre par arop pratyarop lagati rahti hai.
8 uttar - not jalakar khana banta hai. jitni kamai usse jyad kharcha, arthahani, ghar ki jarurten bhi puri nahin hotin divaliyapan, sampati bhi bik sakti hai. magar sanbhvtah ghar ki mahilaen dhan v uchch gharane ki ati hain ya hoti hai. bevajah bhai-bandhu v rishtedaron ka tanta laga rahta hai. kuch mahatvapurn sujhav
- surya satven men ho to roti pakakar pahle agni men bhojan ki ahuti de.
- rat ko roti pakane ke bad ki ag ko dudh se bujhave- yadi dobara kam karna ho to is barnar n jalaye.
- vivahit achche rahengen. stri rogi nahin rahegi. safed dag thik tatha sarkar se thik sanbandh rahengen.
- rahu chaithe men men ho to sidhiyon ke niche rasoi n rakhen. shauchalay ki jagah n badlen. chat par indhan n rakhen.
- rahu athven men ho to dakshin disha men mukhyadvar n rakhen.
- ketu gyarhve men ho to rasoi men kala safad chakla rakhna chahie. mata ya nar santan donon ki umra lambi hogi, mansik pareshaniyon se chutkara milega.
- rahu barhven men ho to ghar ke angan men dhuaen n karen, rasoi men (chimni) dhuadani n rakhna. rahu (1, 4, 8, 10) ki shubhta badhane ke liye ghar men ya angan men dhua n karna, dakshin disha ka darvaja n rakhen. navvdhu dvara pak karm muhutrt pakarambh muhurta- vivah ke pashchat pahli bar sasural men ane ke bad vadhu dvara pahli bar rasoi men khana banaya jata hai. iske liye nimn muhutrt chahie. shubhvar som, budh, guru evan shanivar matantar se shukravar bhi grahriya hai. shubh tithi krishn paksh ka parva-ekam-pratipda- shukla paksh ki 2, 3, 5, 6, 7, 8, 10, 12 ismen rikta tithiyan (4, 9, 14), kshayatithi v amavasya chor den.
nakshatra kritika, rohini, mrigshira, pushya, uttaratray arthat tinon uttara nakshatra, vishakha, jyeshtha, shravan, dhanishtha, shatbhisha aur revti (kul 13 nakshatra) shubh lagn sthir lagn 2, 5, 8, 11 vishesh lagn balvan ho, lagn ki shuddhi ho saptam v ashtam bhav men koi papagrah n ho chaturth bhav grah rahit ho. rasoighr: bhojshala ya pakshala apke bhavan men ek pavar haus ke rup men kam kar rahi hoti hai. jismen bana bhojan apko svasth v nirogi banata hai. isliye japan ke log apne rasoighar men man sarasvati ki foton lagate hain ve log aisa sochte hai sarasvati devi rasoi men bane bhojan men sab rason ko bharti hai jisse bhojan svadisht v poshtik banta hai. vahan bhi sarasvati ke hatha men vina hai arthat bhojan banate aur bhojan karte samay layabaddh madhyam svar sangit bhojan ki gunavatta ko barhata hai. ve log bhi bhartiyon ki tarah bhojan banakar agni dev ko samarpit karte hai
ise hamare yahan ‘hom’ kahte hai ve log ise gom kahte hain. apni rasoi men man sarasvati ki foto lagayen man sarasvati ji ke janm din yani basant panchmi ko iski vishesh puja archana karen (magh shukla panchmi ko basant panchmi kahte hai). bhartiya paranpra men rasoi men annapurna devi ka chitra lagana tatha unka stotra ya dhyan karke bhojan banana ghar men sukh-shanti v samanjasya barhane men sahayak siddh hota hai. vyanjan dvadshi vrat- jaisa ki nam se hi spasht hai ki is tyauhara/vrat karne se pure varsh bhojan banane men shalinta v dhairya se svadisht v paushtik bhojan banane ki yogyata bani rahti hai aur grihni prashansa ki patra ban jati hai.