1. kangres parti: kangres ka punah gathan sva. shrimti indira gandhi dvara 02 janvri 1976 dopahar 11 baje dilli men hua tha. kangres ki janmakundli men mangal, shani vakri aur chandrama ast hai. guru, shukra, shani, mangal balvan evan yogkarak hai. janmakundli men ‘gaj kesri yog’ rashi parivartan yog, rajyog adi yogon ka srijan ho raha hai. vartaman men janvri 2013 se rahu mahadsha men shukra ki antardasha chal rahi hai. loksbha chunav men kangres ko matra 80 se 100 siton par hi santosh karna parega. uske anek diggaj neta, uske sahyogi is chunav men asafal rahenge. 2014 farvri-march ke bad kangres ke kandhe se kandha milakar chalne vale uske sahyogi dhire-dhire uska sath chorne lagenge.
2. bhartiya janta parti bhartiya janta parti ka gathan 6 aprail 1980 dopahar 11-40 dilli men hua tha. bhajpa ki kundli is prakar hai. bhajpa ki kundli men guru, mangal, shani vakri hain aur chandrama nich rashigat hain. mangal, guru, shani evan shukra balvan evan yogkarak hain. kundli men gajkesri yog, nich bhang yog, dhan yog adi balvan yogon ki utpatti ho rahi hai. vartaman men bhajpa ki surya ki mahadsha aprail 2012 se chal rahi hai. surya men rahu ki antardasha mai 2014 tak chalegi. chunav men bhajpa ko 180 se 210 siten prapt ho sakti hain. apne sahyogi ke madhyam se bhajpa kendra men sarkar banane men safal rahegi kintu purn bahumat use prapt nahin hoga.
3. samajvadi parti - samajvadi parti ka janm 5 navanbar 1992 sham 6-00 baje lakhnau (u. pra.) men hua hai. samajvadi parti ki janmakundli men guru, shani, budh balvan grah hain. do nich bhang yog anshik rup se ban rahe hain. 2014 ke lok sabha chunav men samajvadi parti sarkar banane ya banvane ki sthiti men nahin ayegi. 2014 ke lok sabha chunav men samajvadi parti ko matra 15 se 20 siten hi uttar pradesh men prapt ho payengi.
4. sushri mayavti: purva mukhya mantri kumari mayavti ka janm 15 janvri 1956 sham 6-35 par badlpur ganv, dilli (ab noeda men) hua hai. unki janmakundli is prakar hai. sushri mayavti ki janmakundli men dekhen rajniti ka karak mangal, shani, guru aur chandrama balvan evan karak hai. 24 sitanbar 2013 se budh ki mahadsha ka aranbh hua hai. budh men budh ki antardasha chal rahi hai. atah mayavti ki bahujan samaj parti koi vishesh chamatkar is 2014 ke loksbha chunav men nahin dikha payegi. 15 se 20 siten b. s. pa. ko uttar pradesh men prapt hogi. dilli ki sarkar banane men kisi bhi prakar ka b. s. pa. ka sahyog nahin hoga.
vishesh: 2014 ke loksbha chunav ki sabse bari visheshta yah hogi ki is chunav men rajniti ke bare-bare dhurandhar athva rajniti ke tismar khan munhki khayangee. 2014 ki loksbha ka gathan khichri sarkar ke rup men hoga. iske bad 2019 men loksbha ka gathan purn bahumat se hoga.