tantra-mantra-tantra ek dusre se jure hue hain. yadi mantra ko devtaon ki atma kaha gaya hai to yantra ko unka sharir - ‘yantran devanan grihm’ tatha yantra mantra many proktan mantratma devtevhi. dehatmanoryatha bhedo yantra devyostatha. yantra vibhinn akritiyon, rekhaon, vinduon, ankon aur aksharon ka sanyojan hota hai. yantron ka nirman unke gunon ke anusar vibhinn dhatuon, bhojapatra lakri ki takhti, vrikshon ke patton, kapre charm, mitti ke bartan ke tukron adi par kiya jata hai. mantra vyakti ko sabhi prakar ki siddhiyan deta hai - ‘‘mannat trayte iti mantra’’. mantra vibhinn shabdon ka urjatmak samanvay hai jiske nirantar manan ya jap se ham abhisht ko prapt karte hain. yatha- mannan vishva vigyanan tranan sansar bandhnat. yatah karoti sansiddhan mantran ityuchyate tatah. mantra men apar shakti hoti hai. ‘‘mantra param laghu jasu bas vidhi hari har sur sarva.’’ mahamatt gajraj kahun bas kar ankush kharvan.. ramchrit manas. tantra ka arth bhi bahut vyapak hai. iska arth upay, vyavastha, vidhi ya pranali hoti hai. tantra men yantra ki apeksha bhautik vastuon ka adhik prayog kiya jata hai. mantron ke dvara tantrik vastuon men urja paida ki jati hai. tantra sadhna ke lie prachin granthon men bij mantra die hue hain. samved ki prarthana ke anek ansh siddh mantra hain.
tantra sadhna se sab kuch prapt kiya ja sakta hai. tantra vah vidhi hai jiske anusar karm karne par bhay se raksha hoti hai. yatha - sarve'rtha yen tanyante trayante ch bhayajjanan. iti tantrasya tantratvan tantragyaah parichakshate.. yantra-mantra-tantra ki sadhna men guru ka sthan pramukh hai. guru aur devta men koi antar nahin hai- ‘‘yasya deve parabhaktiah yatha deve tatha gurau. tasyete kathitahyarthaah prakashante mahatmanah..’’ guru se vidhivat diksha lekar hi in kriyaon men age barhna chahie. yadi ho sake to guru ke nirdeshan men hi yantra-tantra-mantra ki sadhnaen karni chahie. kyonki yadi in sadhnaon ke upyog men truti hone par karta par hanikarak pratikriya ho, to guru usse uski raksha kar lete hain. bharat men kai aise siddh tantrik aj bhi hain, jo matra bhabhut evan ashirvad ke dvara asadhya rogon ko thik kar dete hain. tantra sadhna ki do vidhiyan hain- dakshinmargi aur vammargi. dakshinmargi shuddh satvik sadhna hai jabki vammargi tantra sadhna aghoriyon ke aghor tantra se sanbandh rakhti hai. ye aghori shmashan evan pret shaktiyon ka sahara lete hain. ayurved granthon men bhut vidya ka ullekh milta hai. bhut-pret se sanbandhit badhaon ka ilaj aushdhiyon, jari-butiyon, khanijon, pashuon ke nakh, charm, shring adi ke tantrik prayog se kiya jata hai.
grahon ke dushprabhav ko dur karne ke lie tantra-mantra ka sahara liya jata hai. havan aur bhasm bhi ismen sahayak hote hanai. mantra jap se man men tarangen utpann hoti hain tatha ushma barhne par mastishk ki gupt smriti ka kosh khul jata hai aur manorath purn ho jate hain. tantra- mantra ke dvara sarvavish ka ilaj kiya jata hai. inke dvara mritatmaon se sanpark kiya jata hai. aur log bhut aur bhavishya ki ghatnaon ko dekhne men samarth hote hain. mantron ko siddh karne ke lie muhurt ka dhyan rakhna ati avashyak hai. mantron ko siddh karne men vishesh parvon jaise holi, dipavli, dashhra, navratri, surya grahan, chandra grahan, shivratri adi ka vishesh mahatva hai kyonki us samay bhumandal par grahon evan nakshatron ka prabhav vishesh tarangon ke dvara ek vishisht urja deta hai jisse tantra-mantra ki siddhi shighra ho jati hai. tantra ka sanbandh padarth vigyan, rasayan shastra, jyotish, ayurved adi se bhi hai. yog se bhi iska ghanishth sanbandh hai. kundli jagaran yadyapi yog ki kriya hai, lekin kundli jagaran hone par vyakti ko kai siddhiyan svatah prapt ho jati hain. shabar mantron ko bhi kaliyug men shighra prabhavi mana gaya hai. ye alp prayas se hi siddh ho jate hain. in mantron ko shankar ji ne jan kalyan ke lie prakat kiya hai. in mantron men shastriya mantron ki tarah viniyog, nyas, hridayanyas adi ki avashyakta nahin parti hai. ytha- kali vilok jag hit har girija. shabar mantra jal jahi sirja.. akhar anmil nam n japu. pragat prabhav mahesh pratapu..
- ramchrit manas mantra, tantra aur yantra ka prayog jan kalyan ke lie hi kiya jana chahie. inki siddhi men shraddha, vishvas, bhakti, niyam, sanyam, sadacharan adi ki anivaryata rahti hai. hamen apni sukh samriddhi hetu purvajon dvara sujhae gae yantra, mantra aur tantra ka sahara avashya lena chahie. yahan kuch saral evan upyogi mantra, tantra, yantra prastut hain. mantra nirog aur dirgh jivan hetu: mantra -
‘‘¬ jun sah mam palay - palay sah jun ¬. is mantra ka niyampurvak jap karna chahie. yadi koi vyakti pratah kal pavitra hokar un ke asan par baithakar uttar ki or munh karke ghi ka dipak jalakar shivpujan kar is mantra ka rudraksh ki mala se ek mala jap niyamit karta rahe, to vah sharirik vyadhiyon se surakshit rahakar dirghayu hoga. rajya karya siddhi hetu: bhagvti tripur sundri ka nimnalikhit mantra niyamit rup se ek-ek mala pratah aur sayan japne se rajya se sanbandhit karyon men saflta milti hai mantra -
¬ ain klin hrin shrin tripursundayai namah. prasannata prapti hetu - durga saptashati ke nimnalikhit mantra ko pratahkal snan karne ke bad ek mala pratidin japte rahne se man sukhi evan prasann rahta hai. prantanan prasidatvan devi vishvartiharini. trrailokya vasnamidye lokanan vardabhav.. ramchrit manas ki har chaipai mantra ka kam karti hai. yah chaipai vidyarthiyon ke lie atyant labhdayak evan vidya prapt karne men sahayak hai. guru grih parhan gaye raghurai. alp kal vidya sab ai.. niyamit rup se pratah aur sayan 108 bar padhen.
û adhashishi dard nivaran ke lie ah yah mantra guru gorkhnath se sanbandhit hai. jo vyakti adhashishi (maigren) se pirit ho, use nimnalikhit mantra se jhar den. pirit vyakti ko apne samne baithakar lohe ki dhar vali kisi bhi vastu jaise chaku se rekha khinchte jaen tatha mantra parhte jaen. yah kriya pratah aur sayan ikkis ikkis bar karen, adhashishi ka dard dur ho jaega. ¬ namo van men binayi bandari. khay duphriya, kachcha pafal kandari. adha khay ke adhi deti giray. hunkat gorkhnath ke adhi shishi jae.
û raksha mantra: yah svayan siddh hanuman ji ka shabar mantra hai. kisi bhi mantra, tantra, yantra ki siddhi karne se pahle ya kahin jhar funk karne se pahle yadi ise tin bar parh liya jae to sharir ki raksha hoti hai.
¬ namo vajra ka kotha. jismen pind hamara paitha. ishvar kunji. brahma ka tala. mere atho yam ka yati hanumant rakhvala. tantra najar dosh nivaran ke lie: jab kisi balak, yuva ya vriddh vyakti ko najar lag jati hai to vah asvasth rahne lagta hai. use jvar rahne lagta hai aur uska. khana chut jata hai. aisi sthiti men koi dusra vyakti chupchap chairahe se thori si dhul le ae. ismen thora sabut namak, rai (sarson), sat lal mirchen (sabut) milakar shanivar v ravivar ko subah, dopahar aur sham arthat din men tin bar us pirit vyakti ke sir par sat bar ghumakar jalti hui ag men (chulhe men) dal den, vah vyakti shighra thik ho jaega. ghar men sukh shanti hetu: yadi kisi vyakti ke ghar men roj jhagre hote hon, karyon men badhaen a rahi hon aur us ghar ke logon ko shanti nahin mil rahi ho, to yah prayog 21 din tak suryast ke samay kare. gay ka adha kilo kachcha dudh le aur usmen shuddh shahad ki nau bunden mila de. fir snan kar pavitra hokar dhule hue saf vastra pahanakar apne avas ki khuli chat se us dudh ke chinte dete hue niche ki or ae tatha pratyek kamre men dudh ki chinte mare. angan adi khuli jagah men bhi dudh ke chinte mare tatha mukhya darvaje par akar bahar dudh ki dhar dalte hue pure dudh ko vahin gira de. is kriya ke dauran apne ishtadev ke mantra ka jap karta rahe. isse ghar men shanti, sukh, samriddhi vapas a jati hai.
û shatru shant karne hetu - yadi koi vyakti apke viruddh bolta hai ya badhaen dalta hai, to ravivar ya manglvar ko uthakar basi munh apne man men use tin bar gali den. fir safed kagaj par us shatru ka nam kali syahi se likhakar kale dhage men lapetakar rakh len. sayankal use pipal vriksh ki jar men niche daba aen. vahan fir jane ki jarurat nahin hai. is prayog se shatru shant ho jaega. yantra bhaynashak yantra: nimnalikhit yantra ko bhojapatra par ashtagandh ki syahi se kisi shubh muhurt men likhen aur vidhivat pujan kar ise tabij men rakhakar gale men dalen. isse bhay se mukti mil jaegi. dhan vriddhikar yantra - niche likhe yantra ko chameli ki kalam aur ashtagandh ki syahi se likhen aur pujanakar dan punya karen tatha yantra ko tabij men rakhakar gale men dharan karen. isse ghar men dhan-sanpatti men vriddhi hogi. bhut pretadi ki badhaon se mukti hetu - is yantra ko anar ki kalam aur kesar ke ghol se safed kagaj par likhen aur fir bhutapret badha se grast vyakti ko pani men gholakar pila den. vyakti svasth ho jaega. karya siddhi hetu: jab kisi adhikari se koi karya apne hit men karvana ho, to nimn yantra ka prayog karen. is yantra ko kisi shubh din tulsi ki lekhni aur ashtagandh ki syahi se pipal ke akhandit shuddh patte par likhen aur vidhivat pujan kar svarn ke tabij men rakh len. jab bhi apne karya hetu kisi adhikari se milna ho, to is tabij ko apni bhuja par bandhakar jaen. karyasiddh hoga.