kalasarp yog : karan evan nidan  

kalasarp yog: karan evan nidan dae. punit sharma bhartiya jyotish ke anusar kalasarp yog ek mahatvapurn yog hai, is arth men ki yadi yah shubh ho to jatak ka jivan sukhamay hota hai aur yadi ashubh ho to use jivanaparyant sangharsh ka samna karna parta hai. is yog ke pramukh adhar rahu aur ketu hain. atah kalasarp yog ko samjhne ke lie in donon grahon ko samjhna jaruri hai. bhartiya jyotish shastra men navagrah ki kalpana ki gai hai jinmen sat grah sapind hain aur unhen dekha ja sakta hai, kintu rahu aur ketu dikhai nahin dete, islie inhen chaya grah kaha jata hai. ye donon sanpatik bindu hain. donon ek-dusre se samasaptak hain tatha 1800 par rahte hain. angrejie men inhen draigan ka sir v draigan ka dhar kahte hain. shastron men ullekh hai ki samudra manthan ke samay ek rakshas ne chal se amrit chakh liya tha. bhagvan vishnu ne sudarshan chakra se uska sar dhar se alag kar diya, kintu iske pahle chunki usne amrit chakh liya tha, islie vah amar ho gaya. sudarshan chakra se katakar alag hue uske kati se upar ke bhag ko rahu aur niche ke bhag ko ketu ki sangya di gai. in donon chaya grahon ke karan hi grahan hota hai. isilie inhen papi grah ki sangya di gayi hai. donon atyadhik balshali hain aur donon ko ardhakay kaha jata hai. donon ki viprit grah ki rashiyon men sthiti us grah ke fal ko bigarti hai. rahu ka fal shani ke saman aur ketu ka mangal ke saman mana jata hai. kaha bhi gaya hai- shanivat rahu kujavat ketu. ye donon hi vakra gati se chalte hain tatha 1 rashi men lagabhag derh varsh bhraman karte hain. rahu ka dashakal 18 varsh v ketu ka 7 varsh mana gaya hai. prakar: kalasarp yog ko mukhyatah tin vargon men banta gaya hai - 1. purn ya anshik 2. vastavik ya viprit 3. sthan anusar. 1. purn ya anshik: jatak ke janm ke samay rahu aur ketu ke bich ek or anya sabhi grahon ki sthiti ko purn kalasarp yog kahte hain, kintu inmen se yadi koi grah ghere se bahar to is sthiti ko anshik kalasarp yog kaha jata hai. anshik kalasarp yog puri tarah prabhavi nahin hota. 2. vastavik ya viprit: yadi samast grah rahu ke agra bhag se paridhi men aen, to ise vastavik kalasarp yog kahte hain. iske viprit yadi samast grah rahu ke puchch bhag se paridhi men aen to ise viprit yog kahte hain. vastavik yog ka prabhav adhik jabki viprit yog ka apekshakrit kuch kam hota hai, kintu shanti donon prakar ke yogon ki karvani chahie. 3. sthananusar: sthananusar ka tatparya hai ki kalasarp yog kis sthan se shuru hai arthat rahu kis bhav men hai. alg-alag bhavon men rahu ki sthiti ke anusar iske 12 prakar hain. rahu ke pratham bhav men hone par anant kalasarp yog, dusre men kulik, tisre men vasuki, chaithe men shankhpal, panchven men padm, chathe men mahapadm, satven men takshak, athven mane karkotak, nauven men shankhchur, dasven men ghatak, gyarhven men vishadhar tatha barhven men hone par sheshnag kalasarp yog hota hai. kalasarp yog ke lakshan evan prabhav is yog se prabhavit jatak ko svapn men aksar sarp dikhai dete hain. use sarp se bhay lagta hai. jatak ko kare parishram ke bavjud ashatit saflta nahin milti. vah karna bahut kuch chahta hai, kintu kar nahin pata. aksar mansik tanav se grast rahta hai. mahapadm yog ki sthiti men uska svasthya bhi aksar kharab rahta hai. akaran hi logon se shatruta bhi ho jati hai. kabhi-kabhi (dasha antardashanusar) kanuni uljhnon ka samna bhi karna parta hai. takshak yog hone par vivah adi men pareshani hoti hai aur kuch log thak-har kar bhagya ke bharose baith jate hain. kuch logon ko nirasha gher leti hai. kuch rahu aur ketu ke kop ko hi jivan ki niyati man lete hain. upay: kalasarp yog ke dosh se mukti hetu nagon aur sanpon ke nath prabhu shiv ki aradhna karna ati uttam upay hai. bhagvan shri krishn ne kaliya nag ka mardan kiya tha atah is yog ke dosh se bachav ke lie bhagvan shri krishn ki bhakti bhi karni chahie. bhagvan shri ganesh vighnaharta hain, atah is yog ke dosh se mukti hetu unki puja aradhna bhi karni chahie. hanuman ji rahu aur ketu ki pira ke mukti dilate hain, atah unki aradhna bhi atyant karni chahie. bhagvan batuk bhairav ki aradhna se bhi is dosh se bachav ho sakta hai. rahu aur ketu ke mantra ka jap bhi karna chahie. in sab aradhna upasnaon ke atirikt kal sarp dosh nivaran ke kuch vishisht evan saral upay yahan prastut hain. nimnalikhit mantron ka yathasanbhav jap karen . (kam se kam 5 bar) ¬ han hanumte rudratmakay hun pafat. ¬ hin batukay apdudarnay kuru kuru batukay hin. ¬ devadatt dhananjyay namah. ¬ bhran bhrin bhraun sah rahvai namah. ¬ sran srin sraun sah ketvai namah’. ant men ‘he prabhu! mere kalasarp yog ke dushprabhavon ko samapt karo’ aisi prarthana avashya karen. sath hi kalasarp yog nivarak yantra sthapit kar use niyamit rup se dipak dikhaen tatha chandan ka tilak yantra ko bhi lagaen aur svayan bhi karen. iske atirikt nimnalikhit mantron ka jap bhi kar sakte hain. ardhakayan mahaviryan chandraditya vimardanam. sinhikagarbh sanbhutan tan rahu pranmamyaham.. palash pushp sankashan tarkagra mastakam. raudra raudratmakam ghoran tan ketu pranmamyaham.. ¬ namah shivay. kuch anya upay hanuman chalisa ka path niyamit rup se karen. pratyek somvar ko shivling ka jalabhishek karen. pratyek grahan men satnaja ya saptadhanya dan den. 7 shanivar sham ko sir se 7 bar nariyal utarakar bahte jal men pravahit karen. apne vajan ke barabar koyla tin bhag men bant len tatha tin shanivar lagatar jal men pravahit karen. har nag panchmi ke din shivarchan kar chandi ka ek jora sarp charhaen tatha ek jora chandi ka sarp bahte jal men pravahit karen. prabhav ganbhir hone par kisi yogya brahman se rahu aur ketu ke mantron ka jap karana chahie. sath hi rahu aur ketu ki vastuon ka dan ya tuladan karna chahie. atah anya yogon ki bhanti kalasarp yog ke dushprabhavon se mukti ke lie bhi kisi vidvan jyotishi se paramarsh lekar upay karne chahie.