kalasarp yog evan shanti prem prakash ‘vidrohi’ ‘‘ yatha shirvamyuranan, naganan manyo yatha. tadvadvedang shastranan jyotishan murdhani sthitam..’’ jyotish men grahon, rashiyon v lagnon ki sthiti ke anurup anek shubhashubh yog hote hain, jinmen kalasarp ek pramukh yog hai. kya hai kalasarp yog? janmapatrika men rahu v ketu ke bich jab samast sat grah a jaen to kal sarp yog kahte hain. iske mukhyatah do bhag vidvanon ne bataye hain. 1. udit kal sarp yog: yadi rahu dvara sabhi grah grasit ho to ise udit kal sarp yog kahte hain. 2. anudit kal sarp yog: yadi ketu grah dvara samast grah grasit ho to ise anudit kalasarp yog kahte hain. yadi koi ek grah grasit hone se rah jaye to use anshik kalasarp yog kahte hain. prabhav: kalasarp yog ka prabhav rahu-ketu ki janm lagn ki sthiti ke anusar jatak par shubhashubh hota hai, anek jatkon ko isne dhan v kirti pradan ki hai, pandit javahar lal nehru, film gayika lata mangeshakar, kriket khilari saurav ganguli, filmi abhineta raj kapur adi pramukh hai. kintu yah bhi satya hai ki yah yog kathor parishram karvata hai, v mansik chintaen deta hai. yah charon jatk/jatika apne-apne kshetra mane suvikhyat hai, parantu inhonne kathor parishram dvara dhire-dhire prasiddhi prapt ki hai. vyaktigat rup se inka jivan uthl-puthal bhara raha hai. yah sab kalasarp ka prabhav hai. nehru ji anek bar jel gaye, putra v stri sukh se vanchit rahe. saurabh ganguli yogyata hote hue bhi kaptan pad se chyut hue. aise sangharsh shri raj kapur v lata ji ke jivan men bhi upasthit hue. kalasarp yog ki avdhi kal sarp dosh yukt kundliyon men kuch shubh yog sath hone se jaise panch mahapurush yog, budhaditya yog adi hone se inka prabhav kuch avdhi ya gochar v dasha ke karan kuch samay adhik prabhavi hota hai. ganbhir prakar ke kal sarp yog vale jatkon ko yah jivan bhar pareshani ya mansik ashanti pahunchata hai. kalasarp yog ke bhed mukhyatah kalasarp yog lagn v rahu ketu ki sthiti ke anusar dvadash bhag men bant sakte hain. 1. anant 2. kulik 3. vasuki 4. shankh pal 5. padm 6. mahapadm 7. takshak 8. karkotak 9. shankh chud 10. patak 11. vishadhar v 12. shesh nag. udaharan ke lie, jab jatak ki kundli men rahu lagn men v ketu saptam bhav men ho to ise anant kalasarp yog kahte hain. isi tarah age bhi samjhna chahie. adhik anishtakari samay kalasarp dosh ka adhik kuprabhav prayah jatak ke jivan men nimnankit avastha men parta hai. 1. rahu ki mahadsha men rahu ke antar pratyantar ya shani surya v mangal ki antardasha men 2. grah sthiti ke anusar jivan ki madhyamayu lagabhag 40 se 45 ke as-pas. 3. gochar kundli men jab 2 kal sarp yog banta ho tab-tab kuprabhav barh jata hai. aise jatkon men kuch n mansik chintaen ya karya badhaen jivan bhar lagi rahti hain. shanti ke saral upay nagon ke guru ya svami shri shivshankar bhagvan hain, inka abhishek, shiv tandav stotra v ved mantron se puja upasna vidhivat karne se iski shanti ho sakti hai. shanti jivan men jab-jab gochar men kalasarp yog bane ya ashubh dasha ho karte rahna parmavashyak hai, ek bar shanti se purn labh nahin samjhna chahie. sarp sukt ke path kar shivling par chandi ke s rp - s irp n a i vidhipurvak charhaven, yagya s p t dh y a n , mahamrityunjay mantra ke sava lakh jap, dashansh havan brahman kanya bhojan adi saral upay hai. pradosh, nag panchmi, shravan ke somvaron ko anya shubh muhurton men iski shanti karakar siddh kal sarpanashak yantra ki ghar men sthapna kar pujan karna shubh rahega. agar yah karya trayambakeshvar, pashuptinath nepal, ujjain maha kaleshvar man anya siddh pithon men kiye jaye to adhik prabhavshali rahega, parantu yahan vyay bahut hota hai, atah svayan bhi kisi vidvan pandit se ghar par bhi karva sakte hain.
Kya aapko lekh pasand aaya?
Subscribe