kalasarp dosh ke nivaran ke anek shastrasammat vidhan jyotirvidon evan vidvanon ne batae hain jinke apnane se abhisht labh prapt hota hai. in upayon men trividh sadhan yani tantra-mantra-yantra sarvopri hain. tantra sadhna amjnon ke vash ki bat nahin hai. atah isilie, vidvanon ne kalasarp dosh nivaran yantra ki sthapna karke vidhivat uske pujan tatha kalasarp mantra ke uchcharan ko shreshth evan sarvasadharan ke lie sarvatha upyukt mana hai. kalasarp dosh ka nam sunte hi log saham jate hain tatha bhavi khatre ki ashanka se chintatur ho jate hain. kalasarp yog ek bhayanak, dukhdayi v pidakarak yog mana jata hai. aj bharat ke jyotish jagat men kalasarp yog har am evan khas vyakti ki juban par hai.
is yog ke pakshadhar vidvanon ke anusar yah yog jis jatak ki kundli men hota hai, uske jivan men pag-pag par badhaen ati hain. visheshakar rahu evan ketu ki dasha/antardasha ke samay men jatak arthik, vyavsayik evan mansik uljhnon se nikal nahin pata tatha bahudha dinta ya hinta ka shikar ho jata hai. aisa mana jata hai ki yadi anya grah yog balvan n hon to kalasarp yog men janme shishu ki mrityu tatkal ho jati hai. janmakundli men jab sare grah rahu-ketu ke ek hi or avasthit hon to kalasarp yog ka nirman hota hai. atah kalasarp yog jis kisi bhi jatk/jatika ke janmang men hai, aise vyakti ko apne jivan men kafi sangharsh karna padta hai.
ichchaon ki purti nahin ho pati, yash nahin mil pata, sukh-samriddhi evan parivarik jivan men nirantar badha upasthit hoti hai. kuch bhi kafi vilanb evan mashakkat ke uprant prapt hota hai. kalasarp dosh ke nivaran ke anek shastrasammat vidhan jyotirvidon evan vidvanon ne batae hain jinke apnane se abhisht labh prapt hota hai. in upayon men trividh sadhan yani tantra-mantra-yantra sarvopri hain. tantra sadhna amjnon ke vash ki bat nahin hai. atah isilie, vidvanon ne kalasarp dosh nivaran yantra ki sthapna karke vidhivat uske pujan tatha kalasarp mantra ke uchcharan ko shreshth evan sarvasadharan ke lie sarvatha upyukt mana hai.
vyavhar men aisa dekha gaya hai ki yadi kalasarp dosh nivaran yantra ki vidhivat puja evan mantrochchar kie jate hain to kalasarp yog se utpann dosh ka nivaran evan shaman ho jata hai tatha jatak apni manovanchit kamnaen purn karne men safal ho pata hai, uski pida evan har prakar ke kasht samapt ho jate hain. vyavhar men aisa dekha gaya hai ki kalasarp dosh nivaran yantra ki vidhi sammat puja-archana n sirf dosh ka nivaran karne men saksham hai apitu yah har prakar ke labh evan dhan-dhanya se vyakti ko bhar deta hai tatha vyakti har prakar ki sukh, shanti ka anubhav karne lagta hai tatha purn rup se santusht ho jata hai.
jivan ki har kamna tript ho jati hai. jatak men dridh ichchashakti ka sanchar hona praranbh ho jata hai tatha vah svayan ko bhagyashali evan asadharan vyaktitva ka dhani samjhne lagta hai. uska vyavhar bhi dayalu, paropkari evan kartavyanishth ho jata hai. usmen jivtta ka samavesh ho jata hai tatha samajik nyay ke prati apna yathesht yogdan dene ke lie vah tatpar ho jata hai. uske is asadharan vyaktitva se samaj men uski garima evan pratishtha badhti hai tatha sab use kafi samman ki nigah se dekhte hain.