parashar ji ne ayu ke sat prakar batae hain
- balarisht, yogarisht, alp, madhya, dirgh, divya v amitayu ye sat prakar ki ayu hoti hai. ab inki avdhi ke bare men vichar karte hain. ayu prakar avdhi balarisht 8 varsh yogarisht 20 varsh alpayu 32 varsh madhyayu 64 varsh dirghayu 120 varsh divya ayu 1000 varsh amitayu sabse adhik amitayu yog: jab chandra v guru lagn men, budh v shukra kendra men tatha shesh pap grah 1, 3, 6, 11 bhav men ho to amitayu hoti hai.
divya ayu yog: jab sabhi grah kendra trikon men tatha sabhi pap grah 3, 6, 11 men ho tatha ashtam men shubh grah ki rashi ho to divya ayu yog hota hai. ayu ka nirnay jaiminiya paddhati dvara bhi kiya jata hai jiska ullekh is prakar hain: pahle ham inhen tin bhagon men bantenge lagnesh $ ashtamesh chandrama $ shani hora lagn $ lagn ye tinon kis rashi men sthit hain
jaise: char, sthir ya dvisvabhav rashi. udahrn: agar lagnesh shani 9vin rashi men sthit hain to vo dvisvabhav rashi hui.
vishesh: tula lagn v mesh lagn ki kundli men lagn aur ashtam bhav ki rashi ek hoti hai aise men ham ashtamesh se ashtamesh bhi lete hain. jaise - mesh lagn ki kundli men ashtamesh mangal v tritiyesh budh kin rashi men hai aur tula lagn ki kundli men ashtamesh shukra v tritiyesh guru kin rashi men inki sthiti ka bhi pata lagaenge.
tinon yogon par vichar is prakar hai:
- jab char $ char hogi ya dvisvabhav $ sthir hogi to dirgh ayu yog hoga.
- dvisvabhav $ dvisvabhav rashi ya char $ sthir hogi to madhya ayu yog hoga.
- sthir $ sthir rashi ya char $ dvisvabhav rashi hogi to alp ayu yog hoga. visheash: jo ayu do prakar ya tinon prakar se ae, use hi manenge. yadi tinon prakar se bhinn ayu mile tab lagn $ hora lagn se antim nirnay karen ya agar chandra lagn men hain ya saptam bhav men sthit hain to chandra $ shani se nirnay karenge ki ye kis rashi men sthit hain aur kaun si ayu darshate hain.
- yadi tinon tarah se dirghayu ho to 120 varsh, do tarah se 108 varsh tatha ek tarah se 96 varsh ayu hain. - yadi isi tarah se madhyayu ho to kramshah 80, 72, 64 ye varsh hain. - alpayu yadi tinon tarah se ae to 32 varsh, do tarah se ae to 40 varsh samjhen. chalie ise parashrokt ayu chakra ke dvara samjhie. yugna/tisra alp madhya dirgh alp 32 64 96 madhya 36 72 108 dirgh 40 80 120 jaise: kisi vyakti ki ayu do prakar se dirgh v ek prakar se madhya ae to uski ayu 64 se 96 ke bich ya 80 se 96 ke bich kah sakte hain.
vishesh: keval anek prakar ke ayu yogon se ham sahi ayu nirnay nahin kar sakte islie marak bhavon, marak grahon v dashantardasha ka bhi nirnay karen. marak lakshana:- 2, 7 bhavon ke malik - 2, 7 bhavon men sthit papi grah - dvitiyesh v saptamesh ke sath rahne vale pap grah ye sab marak grah kahlate hain. marak dasha ka nirnaya: marak grahon ki dasha men manushyon ki mrityu sanbhav hone par hoti hai sanbhav hone se tatparya hai yadi vah alpayu ho to 32-64 ke madhya ane vali marak grahon ki dashaon ka nirnay karen. yadi dirghayu ho to 64-100 ke madhya ane vali marak grahon ki dashaon ka nirnay karen. yadi uttamayu ho to 100 varsh ke bad men ane vali ukt marak dashaon se mrityu ka nirnay karen.
vishesh: balarisht aur yogarisht men prayah 20 varsh tak nishchit ganitagat ayu v marak ka vichar vishesh sahi nahin hota kyonki is umra tak balkon ki mrityu unke mata, pita v uske apne purva janmon ke kramon se mrityu ho sakti hain aise men agar kisi ki 20 varsh ki ayu tak ashubh grahon ki dasha a rahi ho to use apne svasthya ko lekar sachet rahna chahie. anya marak grah: - yadi dvitiyesh ya saptamesh ya inke sath baithe pap grahon ya in bhavon men sthit pap grahon ki dasha khandanusar ati n dikhe tab lagn se dvadshesh tatha saptam se shashthesh ka vichar karna chahie.
vishesh: 6, 12 bhavon ka vichar purvokt marak dashaon ki sanbhavna n hone par hi hoga. - mrityukhand men kabhi-2 shubh dasha arthat lagnesh, trikon v kendra ke svamiyon ki dasha men bhi mrityu sanbhav hai. - ashtamesh ki dasha ka vichar bhi karen. - yadi ye sab dashaon men bhi kisi karan se marak pratit n ho to pap grah (surya, mangal, shani, rahu) ki dasha men mrityu ka nishchay karen. - jis rashi men adhik pap grah sthit ho us rashi ki dasha men mrityu sanbhav hai. - papi shani arthat pap faldayi hone par yadi marak grahon ke sath sanbandh banaega to vo sabko piche hatakar svayan ko marak ban jata hai. - yadi marak grah ki mahadsha men shani ki antrdsha a jae to bhi akasmik mrityu sanbhav hoti hai.
- yadi marak grah chidra grah ho ya chidra grah ki dasha chal rahi ho to bhi mrityu ka nishchay karen. - chandra rashi se 2, 12 bhavesh bhi yadi papi ho to marak ho sakta hai. yadi shubh ho to rogaprad hote hain. - yadi kisi bhi prakar se marak dasha ka nirnay hota n dikhe to 6, 8, 12 bhaveshon men se jo sabse bali ho vahi marak hota hai. - 10 ya 12 bhav men rahu pap drisht ho to apni dashantardasha men prabal marak hain. vishesh: - yadi marak grahon ki dasha ho aur use guru dekh raha ho to mrityu asani se nahin hogi. - yadi atmakarak grah marak grah ko dekhta ho to bhi mrityu asani se nahin hoti hai.