shastranusar kundli milan men ashtakut milan evan manglik milan kiya jata hai. ashtakut milan men ham 36 gun milate hain. yadi 18 gun ya adhik gun mil jaen to ise shubh mante hain. isi prakar larka-larki manglik ya donane gair manglik ho to kundli milan shubh mana jata hai lekin vastavikta isse dur hai. aise men kundli milan karte samay kin-kin baton ka dhyan rakhna chahie? aj ham is pathshala men inhin vishyon par vichar karenge -
prashna: yadi gun milan men 18 se kam ank prapt hote hain to kya ashubh man lena chahie.
uttara: ek shodh ke anusar jinke vaivahik sanbandh achche rahte hain ya jinke sanbandh vichched ho jate hain donon samuhon ka ausat gun milan 21.5 raha hai. atah yah kahna thik nahin hai ki agar 18 ya adhik gun mil jaen to gun milan thik rahta hai. fir bhi gun milan ka prabhav apsi samanjasya ko darshata hai. adhik gun milne par samanjasya achcha rahta hai. lekin kam gun milne ka arth sanbandh vichched nahin hai.
15 ya adhik gun milne par gunon ka jyada vichar nahin karna chahie aur use shubh hi man lena chahie. bahut jyada gun milne par aur baki anya sabhi grahon ki sthiti achchi hone par hi melapak sahi mana ja sakta hai. adhik gun milne par bhi yadi anya grahon ki sthiti pratikul ho to sanbandh vichched ho sakte hain.
read more: yadi mangal dosh ke karan vivah men a rahi badha to karen ye upay
prashna: kya donon manglik hon ya donon gair-manglik hon to kundli milan thik hota hai.
uttara: shodh ke anusar do jatkon ka manglik hona ya na hona donon ke sanbandhon ki sthiti ko purnataya nahin darshata hai. ek shodh ke anusar manglik ki gair manglik se shadi utni hi safal rahti hai, jitni ki manglik ki manglik se aur gair manglik ki gair manglik se rahti hai.
prashna: kya 27 sal ke bad manglik dosh dur ho jata hai.
uttara:yah manna hai ki manglik dosh ka asar 27 varsh bad samapt ho jata hai, thik nahin hai. mangli dosh sarvada vidyaman rahta hai, lekin puja-path dvara iska prabhav kam kiya ja sakta hai. sath hi ayu barhne ke sath hi vyakti men sthirta ati hai evan akasmik krodh aur avesh men kami ati hai. atah mangal ka prabhav kuch kam hota hai lekin samapt nahin hota.
prashna: anshik manglik kya hota hai?
uttara:yadi kundli manglik ho arthat mangal pratham bhav, chaturth bhav, saptam bhav, ashtam bhav evan barhven bhav men hon lekin manglik dosh vibhinn yogon ke karan nishfal ho raha ho to aisi kundli ko anshik manglik kundli kahte hain jaise- kark lagn men uchch ke mangal ka dosh nahin hota. isiprakar mangal par uchch ke guru ki drishti ho to bhi mangal dosh nahin hota ityadi. aisi kundli ke jatak ka vivah manglik, gair manglik ya anshik manglik tinon se kiya ja sakta hai. iska koi ashubh prabhav nahin hota hai.
read more: kaalsarp & manglik dosha report
prashna: kya mangldosh ka prabhav har bhav men ek jaisa hota hai?
uttara: mangal saptam bhav men sarvadhik sanbandh vichchedak paya gaya hai. yah lagn men adhik anishtakari prabhav deta hai. lekin anya bhavon ke fal vishesh nakaratmak nahin hote hain. barhven bhav men mangal nyunatam ashubh hota hai. mangal lagn men ahankari bana deta hai. chaturth bhav men mangal ghar men ashanti ka karan banta hai. saptam men sanbandh vichched karata hai. ashtam ka mangal apsi sanbandhon ko tanavpurn bana deta hai. barhven ka mangal vaivahik sanbandhon ko prabhavit karta hai.
prashna: kya kanya ki kundli sas se bhi milani chahie.
uttara: vartaman samajik vyavastha ke anusar kanya vivah pashchat var ke ghar jati hai. atah kanya ki patri ka milan var se evan parivar ke anya sadasyon se milna avashyak hota hai. jabki var ki kundli ka apne sas sasur adi se milne ka adhik prabhav nahin parta. ghar men sarvapratham var se taduprant sas se aur fir nanad v jethani se uska mansik samanvay hona avashyak hai. agar sas se bhi kanya ki patri milti hai to avashya hi rishton men mithas rahegi, lekin kanya ki patri sabhi se milai jae to yah ek kathin prakriya ho jati hai. atah sas ki kundli se milan karna tabhi sarthak hai jab sas ka vyavhar ati kathor ho.
prashna: kaise karen kundli milan?
uttara: keval gun milan ya manglik milan se n to vaivahik jivan ke sukh ka nishchay hota hai aur n hi ye purn samadhan hain. shani ka mahatva mangal se adhik hai evan lagn ka mahatva chandra se adhik hai. atah kam se kam in donon ka vichar melapak men uprokt vivaran anusar avashya kar len. yadi 15 gun mil jaen aur lagn rashi ke gunon men talmel baith jae to samanjasya men pareshani nahin ati. manglik milan men yadi var v vadhu ki kundli men mangal satven bhav men n baitha ho to is par koi dhyan dene ki avashyakta nahin hai. keval satven mangal par shanti karaen v dusri kundli bhi manglik chunen, lekin uske satven men mangal n ho. satven bhav men shani ho to vivah 30 varsh ki umra ke bad karen. dusre sathi ki patri men shani satven bhav men kadapi nahin hona chahie.
yadi shani ki satven bhav par drishti ho to shadi ke turant bad shani ke upar shani ka gochar nahin hona chahie arthat shadi 30 varsh ke pashchat ho to dosh nahin rahta. adhikanshtah jyotishi ke pas ya to kanya paksh ya var paksh donon men se ek paksh ki or se hi kundli milan ke lie patri ati hai aur yadi kanya paksh se var ki kundli milane ke lie ai hai to kanya ki kundli to ham badal nahin sakte keval var hi aisa dhundh sakte hain jo ki kanya ki kundli se milan karen. yadi kanya ki kundli men dosh hai aur aisa lagta hai ki kuch samay pashchat ve dosh nishfal ho jaenge to kanya paksh ko yah avashya hi bata dena chahie ki uske lie upay karen ya vivah ke lie pratiksha karen.
apni kundli men sabhi dosh ki jankari paen kampalit dosh riport men
kuch anya pahlu bhi hain jinko avashya dekhna chahie
1. sarvapratham var kanya ki rashi v lagn donon ka vichar karen. barah rashiyon ko do bhagon men bant sakte hain ek dev v dusri rakshas. guru, mangal, chandra v surya ki rashiyan mesh, kark, sinh, vrishchik, dhanu v min ka daiv grup men man len v anya 6 rashiyan shukra, shani v budh ki rashiyon ko rakshas grup men man len. yadi kanya ki lagn v rashi donon daiv grup ki hon aur var ki bhi aise hi hon to man sakte hain ki donon ki pravritti ek saman hogi evan donon men antadvand kam honge. isi prakar donon ki rashi v lagn daiv v rakshas donon grup se hon to bhi achcha taltel rahega. lekin yadi var ek gurap ka ho evan kanya dusre grup ki ho to vicharon men bhinnata sadaiv rahegi.
2. gun milan ko keval ank prapti tak hi dekhen. yadi gun milan men 36 men se 15 gun bhi mil jaen to bhi use thik hi samjhen. usmen age vistar men jakar yah n dekhen ki gun nahin mile ya bhakut nahin mila ya nari nahin mili kyonki koi n koi karan to hoga hi ki 36 gun prapt nahin hue. gun melapak jatak ki mansikta ka ek dyotak hai- khushhal vaivahik jivan ka nahin.
3. nari dosh ko santan ka ya svasthya ka dyotak n manakar keval gun melapak ka ek paeint manakar aur total gun ko hi adhar manakar nirnay len. brahman varn ke lie nari dosh jaruri hai, iska sankhyikiya vishleshan men koi praman nahin milta hai.
4. yadi grah maitri ho to bhakut dosh naganya ho jata hai aur is prakar 5 paeint grah maitri ke evan 7 paeint bhakut ko milakar 12 paeint ho jate hain. atah keval grah maitri achchi ho to bhi gun melapak ko thik mana ja sakta hai kyonki kuch bhi yadi milega to 15 gun se adhik to ho hi jaenge.
5. mangal ka prabhav keval saptam bhav men anisht hone ke praman milte hain. yadi mangal svagrihi ho ya mitra ke sath ho to utna anisht nahin rahta. uchchata evan nichta donon hi anishtata ko barhati hai. yadi ek ki kundli men mangal saptam men ho to dusri kundli men mangal saptam men nahin hona chahie, anyatha anisht hokar hi rahega. dusri kundli men mangal 12, 1, 4 ya 8ven bhav men 7ven mangal ke dosh ko katta hai.
janie apki kundli par grahon ke gochar ki stithi aur unka prabhav, abhi fyuchar point ke prasiddh jyotishacharyo se paramarsh karen.
6. mangal yadi 12, 1, 4 ya 8 ven sthan men baitha ho to use anshik manglik man lena chahie. aise jatak ka vivah manglik, sada v anshik manglik kisi se bhi kiya ja sakta hai.
7. shubh vaivahik jivan men shani ka mahatvapurn rol hai. yadi shani 7ven ho to shadi ke yog banata hai. aise men shadi 30 varsh se purva ho jae to jab 30 varsh ki umra men shani ke upar gochar karta hai to sanbandh vichched kara deta hai. atah aise men shadi 30 varsh ki umra ke bad karne se vivah men sthayitva rahta hai. kabhi-kabhi 7ven ghar men shani hone se akaran vivah men vilanb ya tika hone ke bad sanbandh vichchedan bhi dekhne men ata hai.
8. 7ven bhav par shani ki drishti 10ven bhav se, lagn se v pancham se bhi kashtakarak rahti hai. isse vivah to vilanb se hota hi hai kabhi-kabhi nahin bhi hota hai. pancham shani ki sthiti 7ven ghar men shatru rashi hone par anishtakari hoti hai.
9. mangal ya guru ka 7ven bhav se sanbandh ho to kisi bhi bhav men guru mangal ki yuti vivah men vilanb karti hai.
10. saptam bhav men keval chandrama ko chorakar sabhi grah vivah men vilanb karate hain. isi bhav men saumya grahon ko chorakar anya grah vaivahik jivan men kalah karak hote hain. shani v mangal atikashtakari hote hain.
11. shani ki sarhesati ya dhaiyya vivah to kara sakti hai lekin yadi ye shadi ke turant bad a jae to vaivahik khushhali ko kam karti hain kabhi-kabhi vivah vichched bhi kara deti hain.
apki kundli ke anusar kaun si puja apke lie labhkari hai janne ke lie prasiddh jyotishacharyo se paramarsh karen