pichle kuch varshon se jyotish men jagrat ai hai evan anek vidvan ise sikhne ki akanksha rakhte hanai. vividh sansthaen jyotish sikha rahi hain, jismen akhil bhartiya jyotish sanstha sangh agraniya hai. vidyarthiyon ko adhikanshtah koi n koi samasya dimag men khatkti rahti hai isi ko lekar ham is pathshala dvara koshish kar rahe hain ki jyotish sanbandhi kuch mukhya samasyaon ka nidan kar saken -
prashna: jivan par janmakundli ka prabhav kaise parta hai?
uttara: janm samay par bachche ke mastishk aur sharir par grahon ka prabhav usi prakar se parta hai jaise- foto lene par drishya ankit hota hai. janm ke samay par grahon ki sthiti jatak ke karm v bhagya donon ko hi ankit kar deti hai. usi ke anurup uska svabhav tatha jivnshaili nirbhar karti hain.
janm ke samay ki grahon ki sthiti jatak ki kundli men sanvednshil bindu ke rup men ankit ho jati hai. in binduon par bhavishya men jab bhi koi grah ata hai, uska prabhav jatak ke manas patal par parta hai. yahi gyan hamen bhavishyakathan karne men sahyog karta hai.
prashna: kundli banane ke lie kaun sa janm samay lena chahie?
uttara: janm ek prakriya hai jo ki nau mah men purn hoti hai. is prakriya ke ant men bachche ka sir bahar ana, nal katna evan pratham rudan, ye tin kriyaen hain. pratham rudan ke sath hi bachcha pratham sans leta hai tabhi uske pran praranbh hote hain. atah pratham shvans hi jatak ka janm hai aur antim shvans hi jatak ki mrityu hai.
prashna: kundli nirman ka adhar kya hai?
uttara: kundli ke nirman ke lie janm tithi, samay aur sthan avashyak hai. vaigyanik drishtikon se kisi bhi ghatna ke nirdharan ke lie samay v sthan ka nirdharan kiya jata hai. janm tarikh v samay se ghatna ka kal nirdharan hota hai evan janm sthan se antriksh men sthan ka nirdharan hota hai. janmakal se grahane ki sthiti nirdharit hoti hai evan sthan se un grahon ka us sthiti men jatak par parne vala prabhav nishchit hota hai.
prashna: kundli kya hai?
uttara: bahar ka khancha bhachakra ko darshata hai. grah kis bhav, kis rashi men sthit hai yah kundli se jana jata hai. kundli ek prakar se janm ke samay akash men sthit grahon ka ek naksha hai. kundli ki sthul rup se dekhakar anek prakar ke gyan prapt hote hain jaise- janm din ka hai ya rat ka, tithi kya hai, janm krishn paksh men hua hai ya shukla paksh men, janm samay grahan tha ya nahin, samudra men jvar tha ya bhata adi. janm kis ritu ya mas ka hai yah bhi jana ja sakta hai.
prashna: lagn kya hota hai?
uttara: prithvi ke charo taraf taramandal hai. koniya sthiti ke anusar hi hamen tare (rashiyan) najar ate hain sadaiv kuch tare uday ho rahe hote hai to hamare sir ke upar hote hain aur kuch pashchim men ast ho rahe hote hain. jo tare ya rashiyan hamen purva men uday hote dikhai dete hanai use hi lagn rashi kahte hain. sukshm rup men us rashi ka ansh, kala evan vikla jis samay udit hota hai vahi lagn ka ansh kala/vikla hota hai. isi prakar se sir ke upar jo rashi v uske ansh hoti hai vah dasham bhav ki rashi, ansh v kala-vikla hoti hai.
prashna: rashi aur bhav men kya antar hai?
uttara:prithvi ke charo or sthit taramandal ko 12 bhagon men banta gaya hai. jinhen 12 rashiyon ke nam se jana jata hai. prithvi ke apni dhuri par ghumne ke karan sadaiv kai rashiyan uday v usse viprit rashi ast hoti rahti hai. 15 aprail se 15 mai tak jab surya mesh rashi men hota hai un dinon men pratah mesh rashi uday hoti hai. prithvi ke purva kshitij se lekar pashchim kshitij tak 6 bhav hote hain. sarva pratham purva kshitij men adha lagn bhav, taduprant barhvan bhav, gyarhvan bhav, sir par dasham bhav fir pashchim ki or navam v ashtam bhav ant men pashchim ki or adha saptam bhav hota hai. shesh chah bhav prithvi ke piche hote hain jo dikhai nahin dete. atah prithvi ke kisi bhi bindu par chah bhav v chah rashiyan sadaiv drishyaman hoti hain. kaun si rashiyan drishyaman hongi yah kal (tithi v samy) par nirbhar karta hai. jabki bhav prithvi ke kisi bhi bindu par sthir hai. rashiyan 30-30 ansh ki hoti hain. lekin bhav 30 se kam anshon ke bhi ho sakte hain har bhav men 2 rashiyan to hoti hi hain. kisi bhi grah ka pratham fal bhavanusar hota hai. taduprant rashi ke anusar fal hota hai. bhav kisi bhi grah ki janmasthan se koniya sthiti darshate hain jabki kal nirnay ke anusar rashi ki ganna hoti hai.
janie apki kundli par grahon ke gochar ki stithi aur unka prabhav, abhi fyuchar point ke prasiddh jyotishacharyo se paramarsh karen.
prashna: sampatik kal kya hota hai? iska kya mahatva hai?
uttara:yadi ham prithvi se dur taron par khare ho jaen aur vahan se ham prithvi ko dekhen to 365 din men prithvi hamen 366 chakkar lagate hue dikhai degi. prithvi ki surya ke charo or parikrama bhi dur se aisi hi pratit hogi jaise ki prithvi apni dhuri par chakkar laga rahi hai.
atah taron par sthit bindu se prithvi 365 din men 366 chakkar lagati hai. yadi ham aisi ghari banaen to yah ghari lagabhag char minat pratidin tej chalegi or is ghari ke samay ko sampatik kal kahte hain. yah ghari varsh men ek bar 21-22 sitanbar ko prithvi ki ghari se mel khati hai. taduprant pratimah yah 2 ghante age hoti jati hai evan pratidin 4 minat. udahrntah yadi ham ek jun ko sanpatik kal janna chahe to yah tarikh 21 sitanbar ke bad 8 mas 10 din age hai. atah ek jun ko arthat ghari lagabhag 16 ghante 40 minat age hogi. sampatik kal ki ganna ka mahatva dasham bhav v lagn bhav se pratyaksh rup se jura hua hai. isilie iski ganna ka mahatva hai. jab sampatik kal 0 hota hai to sayan dasham bhav bhi 0 ansh par hota hai. prati do ghante par dasham bhav ek rashi age ho jata hai. atah yadi sampatik kal 6 ghante ho to sayan dasham bhav tin rashi, arthat kark 0 ansh hoga. sayan lagnansh dasham bhav se lagabhag 90 ansh adhik hote hain. atah is sampatik kal par lagabhag sayan lagnansh tula 0 ansh hoga aur aynash 240 ansh ghatane par yah kanya 0 ansh hoga.
apni kundli men sabhi dosh ki jankari paen kampalit dosh riport men
prashna: rahu-ketu kya hai? aur inki jyotish men kya mahatta hai?
uttara: rahu aur ketu ko chaya grah mana gaya hai. rahu aur ketu khagoliya bindu hain jo chandra ke prithvi ke charon or chakkar lagane se bante hain kyonki ye keval ganit ke adhar par bante hain, islie kalpanik hain aur inka koi bhautik astitva nahin hai. chaya grah ka arth kisi grah ki chaya se nahin hai. apitu jyotish men ve sab bindu jinka bhautik astitva nahin hai, lekin jyotishiya mahatva hai, chaya grah kahlate hain. prithvi surya ki parikrama ek samatal men karti hai. chandra bhi prithvi ki parikrama ek samatal men karta hai lekin yah prithvi ke samatal se ek kon par rahta hai. donon samatal ek dusre ko ek rekha par katte hain. ek bindu se chandra upar aur dusre se niche jata hai. inhin binduon ko rahu aur ketu ki sangya di gai hai. jab chandrama, surya aur dharti ke bich a jata hai to surya grahan aur jab surya, chandra aur prithvi ke madhya a jata hai to is sthiti ko chandra grahan kaha jata hai. grahan ke karan hi rahu/ketu ka mahatva hai. anya grahon ke bhi rahu/ketu hote hain. lekin kyonki bahut dur hai aur unki chaya prithvi par nahin parti hai islie jyotish men unka adhik mahatva nahin hai.
prashna: yurenas, nepchyun pluto aur anya nae grahon ka jyotishiya prabhav hai?
uttara:sabhi grah surya ki parikrama keval ek gurutvakarshan bal ke karan karte hain. khagol shastra men grahon ki ganna ke lie bhi keval isi bal ka upyog karte hue unki bhut evan bhavishya ki sthiti ka nirnay kiya jata hai. atah yurenas, nepchyun evan pluto atidur evan suksham hone ke karan anya sabhi grahon ke anupat men keval 4ah se bhi kam prabhav dalte hain kyonki jyotish vishuddh vigyan nahin hai, apitu yah ek sanbhavit vigyan hai isilie 4ah prabhav ko tyajya kar, kam binduon par kendrit kar adhik satik faladesh kiya ja sakta hai. isilie anya nae grah jo pae ja rahe hain unka prabhav to 0.1ah se bhi kam paya jata hai. yahi karan hai ki jyotishiya faladesh men inhen shamil nahin kiya jata hai. dusre jyotish men grah ki ek rashi men punah pravesh uske faladesh ki punarvritti karta hain dur sthit grah jatak ke jivan kal men punah nahin a pate hen. atah unki upyogita jyotish men kam hai. yahi karan hai ki shani ki upyogita jyotish men sarvadhik hai. kyonki yah tin ya char bar manushya ke jivan men parikrama karta hai evan jab ek sthan par sthit hokar shubh/ashubh fal deta hai to vah fal dirgh kalin hota hai aur yad rahta hai. iske viprit shighragami grahon ka prabhav tatkalin fal janne ke lie hi liya jata hai.
apki kundli ke anusar kaun si puja apke lie labhkari hai janne ke lie prasiddh jyotishacharyo se paramarsh karen