1. vishay pravesh hamare vedon aur puranon men bharat ki satya aur shashvat atma nihit hai aur inhen samjhe bagair bhartiya parampara evan drishtikon ko samjhna sambhav bhi nahin hai. shastron men jyotish ko vedon ke netra (jyotisham vedanan chakshu) ki sangya prapt hai aur prachin samay se hi jyotishiya gyan dvara manav ki seva ki jati rahi hai. samay ke sath-sath iski alg-alag shakhaen niklti rahin, jaise samudrik vigyan, vastu shastra, ank vigyan, tairo adi. sabhi ka lakshya jan-sadharan ki seva hi hai, jisse manav ane vale samay ki sanbhavnaon ko jan kar svayan ko pratyek paristhiti ka samna karne ke liye sabal evan saksham bana sake aur jivan ke lakshya ki or nirantar agrasar hone se n bhatke. jivan ka lakshya kya hai aur use prapt karne ki or agrasar hone men jyotish kaise sahayak hota hai, isi ki charcha ham is lekh men karenge.
2. janm chakra aur karm bandhan sarvapratham, ham jivan adhar ko samjhne ka prayas karte hain. isse jivan adh aar aur jivan lakshya par pari dhumilta ki parat saf ho jayegi. gita ke adhyay 2.13 men bhagvan krishn kahte hain ki jis prakar jivatma is sthul sharir men kramshah kumar, yauvan aur vriddhavastha prapt karta hai, thik usi prakar marnoprant jivatma ko anya sharir prapt hota hai. dhir vyakti is jivan ya sharir ke vishay se mohit nahin hote. arthat, hindu vaidik shastron men purvajanma-janma-punarjanm chakra ko purn manyata prapt hai jiska adhar karm hai. jyotish ka adhar bhi karm siddhant hi hai. tatparya yah hai ki manushya ko sharir apne purva janmon ke sanchit karmon ke adhar par aur karm falon ko bhogne ke liye hi milta hai. jitna fal hamen is janm men bhogna hai usi ke adhar par hamen sharir, vansh aur vatavaran prapt hota hai. yahi hamara is janm ka bhagya ya prarabdh bhi hai jo hamari janm kundli men grah-sthiti dvara ankit hota hai.
3. jivan lakshya jivan ka adhar karm hai aur uddeshya rin se urin (mukta) hona hai. shri bhagavatam ke pratham skandh ke dvitiya adhyay ke anusar bhog vilas ka fal indriyon ko tript karna nahin hai, uska prayojan hai keval jivan nirvah. jivan ka fal bhi tatva jigyasa hai. bahut karm karke svargadi prapt karna uska fal nahin hai. sochiye ki agar koi adhar aur lakshya hi n ho to jyotishiya ganna aur shastron ki kya avashyakta hai? adhikanshtah log jyotishiya gyan prapt karte-karte keval bhavishyavakta ya dosh-sudharak ki bhumika hi nibhate rah jate hain aur antim satya ki or kadam nahin barhate ya fir jatkon ko us or jane ki prerna nahin de pate jabki antim satya tak pahunchna beshak kathin ho par us or ek kadam barhana itna kathin nahin. gita men moksh prapti ko hi jivan ka sarvottam lakshya bataya hai. moksh se tatparya hai jivan rupi chakra se mukti prapt karna arthat bhagvan se apne vastavik sambandh ko jan kar use punarjivit karna. uske liye karm bandhan se mukt hona hoga. karm bandhan kis prakar utpann hote hain aur kis prakar hamen bandh lete hain, ise lekh men diye gaye chitra dvara samjhen. gita ke adhyay 5.15 men kaha hai ki avidya (agyan) dvara jiv ka svabhavik gyan dhanka hua hai (jis prakar shishe par dhul ki parat ho to vyakti svayan ko pahchan bhi nahin sakta) aur isi agyan se samast jiv mohit ho rahe hain. uprokt chitra ke pratham varg men is janm se purva janmon ka chakra darshaya gaya hai. arthat, janm ke uprant agyanavash kriyaman karm karte-karte manav ki ichchaen aur apekshaen utpann hoti rahti hain, jinmen manav asakt ho jata hai aur isi karanavash karmon ke bandhan se bandhta chala jata hai. karmon ke falon ko bhogne ke liye manav badhya hai. is prakar janma-janmantar se bhogne vale karmon ka paiket (chitra men bara gola) barhta hi rahta hai. us bare gole ka ek chota hissa hamen is janm men (chitra ka chota gola) bhagya ke rup men bhogne ke liye milta hai. bhogya falon ke anusar hi jivatma koi sharir dharan karti hai. prarabdh anusar hi hamen sharir, vansh aur vatavaran milta hai. is janm men fir se vahi chakra chalta hai aur is prakar yah janma-janmantaron ka chakra chalta hi rahta hai. sanbhvtah chairasi lakh yoniyon ke jikra ka tatparya bhi kabhi n khatm hone vale chakra se hi hoga.
4. mukti marg yah sab kuch-kuch samajh men ane ke bad ek nirashavadi prashn ka man men ana sanbhav hai ki n jane kitne janmon se karmon ka sanchay ho raha hai jinka fal hamen abhi bhogna hoga. sanbhvtah uska akar himalay parvat se bhi prachand hoga, arthat ham is chakra rupi bhanvar se to kabhi nikal hi nahin sakte. iske atirikt, karm to ham is jivan men bhi prati kshan kar hi rahe hain aur unmen se kuch us prachand pahar ka akar aur barha denge. samanyatah manav ko unhin karmon ke fal ko bhogna hota hai jiske nirnay men man, buddhi aur ahankar ne yogdan diya ho. tabhi to kahte hanai “bhagvan sab dekhta hai” kyonki hamare andar ki jivatma hi to parmatma ka ansh hai aur fir svayan se chipa kar koi karm kaise karoge? arthat, bhavishya ka nirman to ham svayan hi karte hain aur har pal karte hain. apke uprokt prashn ka uttar bhi shastron ne dikhaya hai. jis prakar anek sukhi lakriyan ek choti si chingari se dhu-dhu karke turant bhasm ho jati hain, thik usi prakar is janm chakra ko torne ke liye aur purva sanchit aprarabdh ko turant bhasm karne ke liye gyan rupi divya agni ki avashyakta hai. gita ke adhyay 9.27 aur 9.28 men kaha hai ki tum jo bhi karm (bhojan, dan, arthik karya yani sabhi karya) ka anushthan karte ho, jo bhi tap karte ho vah mujhe samarpit karte hue karo. is prakar shubh-ashubh fal ke bandhan se mukt ho jaoge. mukti aur moksh paryayvachi hain. jivan chakra se atma ki mukti aur atma ka parmatma ko prapt kar lena hi moksh prapti hai. shri bhagavatam ke pratham skandh ke dvitiya adhyay ke anusar karmon ki ganth bahut majbut hai aur gyani purush bhagvan ke chintan ki talvar se us ganth ko kat dalte hain. shastron aur gita ke updeshon se sikh lekar hamen pratyek karm ko prabhu ko samarpit karte hue hi karna hai. is sandarbh men gita ke dvitiya adhyay ke 2.47 ka shlok to sabhi ko gyat hain: arthat, manushya ka adhikar keval karm karna matra hai aur fal par koi adh iakar nahin. n to manushya ko svayan ko karta manna chahiye aur n hi karm n karne ke lie asakt hona chahiye.
5. nishkarsh nishkarsh yah hai ki gyan (jivan ka adhar, lakshya aur karm siddhant ko janakar us par amal karna) se hi manav, jivan chakra se mukt ho sakta hai. is marg par hamare karya evan vatavaran badhak ho sakte hanai jisse niptne ke liye jyotish hamen ane vali sanbhavnaon se sachet karta hai aur ham unka vahan aur samna karne ke liye svayan ko sabal evan saksham banate hain aur apne mukti-path par nirantar chal sakte hain. iske sath-sath jyotish dvara ham karmon ke siddhant ko bhi achchi prakar samajh pate hain aur apne jivan lakshya ki or nirantar agrasar hote rahte hain. ismen jyotish evan uski sabhi shakhaen apni-apni sarahniya bhumika ada kar rahi hain.