man lakshmi ki puja se insan ko dhan ki prapti hoti hai. agar ap kafi samay se arthik tangi men hanai to apne kam ke sath-sath man lakshmi ka pujan avashya karen. shastron ke anusar lakshmi ko chanchla kaha jata hai arthat jo kabhi ek sthan par rukti nahin. atah lakshmi arthat dhan ko sthayi banane ke lie kuch upay, pujan, aradhna, mantra-jap adi ka vidhan hai. man lakshmi ko shastron-puranon-vedon ke anusar alg-alag rup men puja jata hai. aisa shastron men varnan ata hai ki mahalakshmi ke ath svarup hain. lakshmi ji ke ye ath svarup jivan ki adharshila hai. in athon svarupon men lakshmi ji jivan ke ath alg-alag vargon se juri hui hain. man mahalakshmi ka dhanalakshmi ya vaibhavalakshmi, gajalakshmi, adhilakshmi, vijyalakshmi, aishvarya lakshmi, vir lakshmi, dhanya lakshmi aur santan lakshmi ke rup men pujan kiya jata hai.
ve rup is prakar se hain- 1. adyalakshmi 2. vidyalakshmi 3. saubhagyalakshmi 4. amritalakshmi 5. kamalakshmi 6. satyalakshmi, 7. vijyalakshmi, 8. bhogalakshmi evan 9. yogalakshmi . ham yahan apko asht lakshmi ke bare men batane ja rahe hain ki- ashtalakshmi ko kis rup men puja jata hai aur asht lakshmi ke nam kya-kya hain aur inki puja -upasna-aradhna-jap se kis prakar ke sukh ki prapti hoti hai.
atah asht (ath) lakshmi ke, nam ye hain-
1. dhanalakshmi asht lakshmiyon men sabse pahle jo lakshmi hoti hai use dhan lakshmi ke nam se jana jata hai. lakshmi man, dhanalakshmi ke rup men apne sabhi bhaktajanon ko arthik samasyaon, dinta evan garibi ko uske ghar parivar se dur karke use dhan-daulat se paripurn kar, ghar men riddhi-siddhi (barkt) deti hain. dhanalakshmi ki kripa yadi kisi ke ghar-parivar men ho jati hai to samjho uske parivar se vyarth ka vyay, karja aur samast prakar ki arthik pareshaniyan samapt ho jayengi. dhan lakshmi mantra - un dhanalakshmyai namah (divali ke din lakshmi pujan ke samay kam se kam 11 mala is mantra ka jap karna dhan men barhottari karta hai).
2. yashalakshmi kai logon ko apne yah kahte hue suna hoga ki- ham jo bhi kam karte hain usmen hamen man-samman, yash aur aishvarya ki prapti nahin hoti hai. karte ham hain shabashi kisi aur ko milti hai. aise men vyakti ko jise apne karya men yash ki prapti nahin milti use yash, aishvarya lakshmi ka pujan karna chahie. yashalakshmi ya aishvarya lakshmi rup men lakshmi ji ki puja-jap-upasna-upvas- aradhna karne se vyakti ko sansar men man-samman, yash, aishvarya ki prapti hone lagti hai. yash dene vali yah devi apne sabhi bhaktajanon ko vidvatta aur vinamrata ke gun pradan karti hain aur sansar se milne vali samast shatruta jar se samapt kar deti hain. yashalakshmi - un yashalakshmyai namah.. (divali ke din lakshmi pujan ke samay kam se kam 11 mala is mantra ka jap karna yash men barhottari karta hai).
3. ayulakshmi jab parivar men kisi ki santan hoti hai tab samast parivar kamna karta hai ki us balak ki raksha ho, vah dirghayu (lanbi ayu) aur nirogi rahe. islie manokamna purn karne ke lie ayulakshmi ke rup men man lakshmi ki puja karni chahie. man ka yah rup sharirik aur mansik kashton se hamare parivar ki raksha karta hai aur samast parivar, bhaktajanon v vyakti vishesh ki ayu men vriddhi karta hai. ayulakshmi - un ayulakshmyai namah (divali ke din lakshmi pujan ke samay kam se kam 11 mala is mantra ka jap karna ayu men barhottari karta hai).
4. vahanalakshmi jab kisi ke upar man lakshmi ki kripa shuru ho jati to uske ghar men sukh-samriddhi barhni shuru ho jati hai. parivar ki ichcha anusar vahan ki jarurat hone par is devi ko prasann kiya jata hai. vahan ki kamna purti hetu man vahan lakshmi ki aradhna karni chahie. vahanalakshmi ki kripa se vahan sukh prapt hota hai aur vahnon ki sahi tarike se raksha, shubh mangal yatra aur vahnon se shubh labh ki prapti vahan ke dvara milne lagti hai. vahanalakshmi- un vahanalakshmyai namah.. (divali ke din lakshmi pujan ke samay kam se kam 11 mala is mantra ka jap karna vahan men barhottari karta hai).
5. sthiralakshmi kahte hain man lakshmi ka ek nam chanchla bhi hai. lakshmi rupi man chanchla ki vriddhi aur sthirta ke lie sthiralakshmi ki puja upasna se man lakshmi ghar men man parvati aur annapurna rup men sthayi rup men nivas karti hain. inki kripa se ghar men kisi bhi prakar ki koi kami nahin rahti aur ghar men sadaiv dhan-dhanya ki samriddhi se ghar-parivar hamesha bhara rahta hai. sthiralakshmi - un sthiralakshmyai namah.. (divali ke din lakshmi pujan ke samay kam se kam 11 mala is mantra ka jap karna sthiralakshmi men barhottari karta hai).
6. satyalakshmi satyalakshmi aur bharya lakshmi, ek hi hanai. man satyalakshmi ki kripa jab kisi vyakti par hoti hai tab vyakti ko ghar ki lakshmi arthat man ki ichcha ke anusar subharya (patni) milti hai jo ek achchi mitra, salah dene vali, apke jivan men bhakti, dharm ki vriddhi karne vali dharmapatni banakar hamesha apka sath nibhati hai. satyalakshmi - un satyalakshmyai namah.. (divali ke din lakshmi pujan ke samay kam se kam 11 mala is mantra ka jap karna satyalakshmi men barhottari karta hai).
7. santanalakshmi jab kisi ki santan nahin hoti hai to is sthiti men santan lakshmi ki puja ki jati hai. sabhi striyon ko jinki santan nahin hoti un manon ko santan lakshmi ki puja karni chahie. santanhin stri ke dvara santanalakshmi ki upasna karne se santan ki prapti aur unke garbh ki raksha bhi hoti hai aur jinki santan hai unki santan ki raksha bhi man santan lakshmi karti hain. sath hi unke vansh ki vriddhi karne men bhi man santan lakshmi ki puri kripa danpatti parivar par rahti hai. santanalakshmi ke rup men devi man unhen unki ichcha anusar var, ashirvad rup men santan deti hain. santanalakshmi - un santanalakshmyai namah.. (divali ke din lakshmi pujan ke samay kam se kam 11 mala is mantra ka jap karna santanalakshmi men barhottari karta hai).
apne jivan men roti, kapra aur makan ki avashyakta hoti hai. jis manushya ko makan ki avashyakta hai unhen man grihalakshmi ke rup men man lakshmi ki puja jap karna chahie. man grihalakshmi ke pujan se man lakshmi prasann hoti hanai aur apne bhakton ke svayan ke ghar ka sapna purn (pura) karti hain aur jo manushya kiraye ke makan ya kisi bhi sarkari makan ya rishtedaron ke makan men rahta tha. aj man grihalakshmi ki kripa se unke diye hue prasad rup men unhen makan, grih ki prapti shighra ho jati hai. is rup men man sukh-sanpda apne sabhi bhakton ko deti hai. grihalakshmi - un grihalakshmyai namah .. (divali ke din lakshmi pujan ke samay kam se kam 11 mala is mantra ka jap karna grihalakshmi men barhottari karta hai). janmakundli men ashtalakshmi uprokt vivechan men hamne shastrokt rup se ashtalakshmi ji ko jana.
aiye ab ham asht lakshmi ko jyotish ke madhyam se janne ka prayas karte hain. jyotish shastra hamara margadarshan karta hai ki hamari janmakundli men kaun sa grah kamjor ya pirit hai. usi ke anusar asht lakshmi ji rup ko prasann karne hetu upay kar labh prapt kiya ja sakta hai. jyotish men navagrah hote hain aur navagrahon ki nav prakar ki lakshmi hoti hai evan nau hi prakar ki alakshmi bhi hoti hai. upayon ke dvara nav prakar ki alakshmi ko dur kar lakshmi ko prapt karne ki cheshta ki ja sakti hai. yah sarvavidit hai ki pratyek grah prasann hone par vishesh prakar ki prasannata deta hai evan aprasann hone par vishesh prakar ki hani deta hai.
surya grah aur shri lakshmi - surya prasann hone par khub sari daulat, vipul sampatti evan rajya lakshmi deta hai evan aprasann hone par arajya lakshmi deta hai.
chandra aur shri lakshmi - isi prakar janm kundli men chandrama ki sthiti anukul ho to arogya ki prapti hoti hai, chandrama arogya lakshmi deta hai. pratikul hone par anarogya alakshmi deta hai. aise jatak ke sare rupye davai v rogon ke ilaj men kharch ho jate hain.
mangal grah aur shri lakshmi - mangal ko rinmochan mana jata hai. anukul hone par vyakti par kisi prakar ka karja nahin rahne deta, yah urin lakshmi deta hai. pratikul hone par vyakti ko sada ke lie karjadar bana deta hai tatha kurin alakshmi deta hai.
budh grah aur shri lakshmi - budh buddhidayak grah hai. yah anukul hone par sugyan lakshmi deta hai tatha pratikul hone par kugyan alakshmi deta hai. aisa jatak bure vyasnon evan kubuddhi, galat nirnayon se sare ghar ka dhan funk deta hai.
guru grah aur shri lakshmi - guru grah santan pradata hai. yah susantan sulakshmi deta hai viprit hone par kuputra kulakshmi deta hai.
shukra grah aur shri lakshmi -shukra grah stri pradata hai. anukul hone par subharya sulakshmi deta hai tatha pratikul hone par kubharya kulakshmi deta hai.
shani grah aur shri lakshmi - shani vyakti ko karorpti bana deta hai shreshtha lakshmi deta hai evan aprasann hone par fakir, mahadridri bana dalta hai.
rahu grah aur shri lakshmi - rahu sumitra lakshmi deta hai evan dusri avastha men shatru alakshmi deta hai. ketu grah aur shri lakshmi -ketu kirtidayak, yash, pataka, dhvaja ka pratik hai. yah sukirti sulakshmi deta hai evan pratikul hone par apkirti alakshmi deta hai. atah jab kundli men yah yah pata chal jata hai ki amuk grah ke karan nuksan ho raha hai to us grah ki vishesh shanti alag se vishisht rup se kara leni chahie. jo vyakti in nau prakar ki lakshmi evan alakshmi ke rahasya ko janta hai evan unke sahi nidan ko janta hai vah vyakti bhagya badlne ka samathrya rakhta hai.