pichle mah aprail men pandit ji dubai vastu vijit ke lie gae. vahan hamari edvans leval patrachar pathayakram ki ek chatra ko vastu vijit karne ka mauka diya gaya aur usi sandarbh men vah pandit ji ko arebiyan rachenj men bane ghar ka vishleshan karane ke lie le gai.
unhonne bataya ki jabse apne is ghar men shift hui hain unke bachchon ki sehat v parhai donon men vanchit parinam nahin a rahe. unke pati ek prasiddh kampani ke si0 i0 o0 hain tatha jyadatar ghar se bahar rahte hain. bachche amerika men parh rahe the. ghar men partiyan hoti rahti hain tatha der rat tak pine-pilane ka daur chalta rahta hai. donon ka svasthya bhi thik nahin rahta tatha badan men dard hota rahta hai.
vastu parikshan karne par pae gae vastu dosh :
- plaet ka uttara-purva ka pichla kona lakri ki chatri numa parti sthan banne se band tha jo ki bachchon ke svasthya evan vikas men avrodhak tatha mansik tanav ka karan hota hai.
- uttara-purva men uncha pletfarm bhi bana tha jo ki ghar ki sukh-shanti men badhak hota hai.
- uttara-pashchim men bar bana tha jisse sharab ki jyada khapat hone ki sanbhavna bani rahti hai.
- uttar men barbikyu bana tha jo ki jal tatva ki jagah agni hone se ganbhir vaicharik matbhed ka karan hota hai.
- dakshin-pashchim men mukhya dvar tha jo ki malik ko ghar se dur rakhta hai tatha anchahe kharche hone ka karan hota hai. is taraf jamin ka leval svatah kam tha jo jivan men sanshay v nakaratmak soch barhata hai.
- unke shayan kaksh men palang ke samne dakshin ki almari par shisha laga tha jo ki svasthya hani mukhyatah badan dard v apsi manmutav rahne ka prabhavi karan hota hai.
sujhav :
- plaet ka uttara-purva ka kona turant kholne ki salah di gai tatha baithne ka kavard eriya bilding ke uttara-purva ki or satakar banane ko kaha gaya. ise living rum se dvar dvara andar se jorne par samast parivar ka chahunmukhi vikas avashya hota hai.
- uttara-pashchim men bani bar ko uttar ki or karne ko kaha gaya.
- uttar men bane barbikyu ko uttara-pashchim men karne ko kaha gaya.
- ho sake to dakshin-pashchim ke mukhya dvar ko dakshin ki or karne ko kaha gaya. halanki usse gari bahar rhakakar khari karni padegi.
- uttara-purva ke unche pletfarm ko torne ke lie kaha gaya.
- bimari v avanchit kharche ghatane ke liye dakshin ki almari par lage shishon ko hatane ki salah di gai.
pandit ji ke bataye sabhi sujhav karyanvit karne ke pashchat kuch din pahle hi unhonne sansthan men fon karke dhanyavad diya tatha kaha ki unke ghar par pandit ji ke vijit karne par n keval use vastu vishay vyavharik taur par sikhne ko mila apitu saral vastu parivartan karne se jivan ki lagabhag har samasya men apratyashit labh bhi hua.
jivan men jarurat hai jyotishiya margadarshan ki? abhi bat karen fyuchar point jyotishiyon se!