udyog kisi bhi rashtra ki arthavyavastha ki rirh hote hain. audyogik pragti se n sirf kisi desh ki arthik sthiti ka pata chalta hai varan udyog lakhon logon ki ajivika ke sadhan bhi hote hain. malik, kamgar evan anya staf ki samriddhi udyog ki unnati par nirbhar karta hai. kisi udyog ka parfaermens malik, sheyar holdar evan kamgaron ko saman rup se prabhavit karte hain. atah kisi faiktri ke le aut ki yojna savdhani purvak banana avashyak hai.
vastu audyogik prakriya tatha pravah ke bich talmel evan lay sthapit karne men mahatvapurn bhumika ada karta hai. vastu ka pramukh udeshya panchatatvon ke bich santulan sthapit karke hamare bahya evan antrik vatavaran ko behatar evan samanjasyapurn banana hai. vastunurup banae gae audyogik pratishthan evan faiktri niahsandeh safal evan munafa kamane vale hote hain.
vastunurup vyavastha vatavaran men sakaratmak prabhav utpann karta hai tatha karya pranali, gunavatta, utpadan tatha munafe men ashatit vriddhi karta hai. vastusammat pratishthanon men yadi choti-moti samasyaen ati bhi hain to unka hal asani se mil jata hai. aie dekhen ki vastunurup audyogik pratishthanon evan faiktri ke nirman ke lie kya-kya karna avashyak hai.
suniyojit abhinyas (le aut) audyogik pratishthan evan faiktri nirman ke lie abhinyas ke samay is bat ka khyal rakhna avashyak hai ki as-pas ke kshetra saf-suthre, sarkon evan strit lait ki antrik evan bahya vyavastha uchit ho. audyogik kachre, rasayan evan kude ke nishkasan ki achchi vyavastha avashyak hai.
audyogik kshetra ka safaikaran evan saundaryikaran karmachariyon ke svasthya evan samriddhi ko behatar disha pradan karta hai. bhukhand ka chayan audyogik pratishthan evan faiktri hetu bhukhand chayan men savdhani bartni avashyak hai. bhukhand har hal men vargakar athva aytakar hi hona chahie. aytakar hone ki sthiti men bhi lanbai-chairai ka anupat 1ah1.5 se adhik nahin hona chahie.
yadi kisi disha men katav ya vriddhi hai to use thik kar lena avashyak hai. bhukhand ki dhalan uttar ya purva ki or honi chahie tatha pashchim evan dakshin ki or bhukhand thora uncha hona chahie. yadi kisi prakar ki visangti hai to use thik kar lena avashyak hai. dakshin evan pashchim ki or dhalan hone se utpadan, vriddhi evan unnati men nirantar kami ati hai tatha anavashyak kharch barh jate hain. mashinen arddhavyavhrit rah jati hain tatha dhan evan shramikon ki kami ho jati hai.
bhukhand ke dakshin, pashchim evan dakshin-pashchim men gaddha, dhalan, kuan, talab ityadi atyadhik ashubh mane jate hain. yadi do bare bhukhandon ke bich koi chota bhukhand ho to use kadapi n khariden. sath hi yadi apke bhukhand se laga dakshin disha men koi bhukhand ho to use bhi n khariden. yah nuksan evan durbhagya lata hai. nirman se purva hi chahardivari yani kanpaund vael ka nirman kar lena chahie.
dakshin evan pashchim ki divaren unchi tatha moti to uttar evan purva ki divaren apekshakrit nichi evan patli honi chahie. pravesh dvar 81 grid vastu ke anusar upyukt sthan par hi hona chahie yani pravesh dvar uttara-purva ke uttar, uttara-purva ke purva, dakshin-purva ke dakshin athva dakshin-pashchim ke pashchim rakhna chahie. pravesh dvar kadapi dakshin-pashchim, uttara-pashchim ke uttar athva dakshin-purva ke purva disha men n banayen.
kuan evan borvel vastu ke sabhi shastriya granthon men kuan, borvel tatha andaragraund vatar taink, talab, sviming pul adi jal srot bhukhand ke uttara-purva men banane ki salah di gai hai. iska vaigyanik karan yah hai ki surya se subah men nikalakar prithvi par ane vali parabaingni kirnen (altravayalat re) labhdayak hoti hain aur ye hanikarak kitanuon evan jivanuon ko nasht karti hain.
ye kirnen uttara-purva disha se hi ati hain tatha jal srot inhen avshoshit kar lete hain. in labhdayak kirnon ka purn labh lene ke lie uttara-purva ko yathasanbhav khula rakhna chahie tatha jalasrot isi disha men honi chahie.
dusri or dakshin-pashchim disha men avarakt kirnen (infrared re) surya se ati hain aur ati hanikarak hain. isilie dakshin-pashchim men divaren unnchi rakhne tatha per-paudhe lagane ki salah di jati hai. brahm sthan 81 grid vastu ke madhya ke 9 grid brahm sthan kahe jate hain. parmshayika mandal athva bhukhand ke thik madhya ka kshetra brahm sthan hai. brahm sthan vastu purush ka nabhi kshetra hai. is 9 grid kshetra ko bilkul halka evan nirman se mukt rakhna chahie.
sath hi kisi bhi prakar ka khanbha, pilar athva divar ka nirman brahm sthan ke urja rekha par nahin hona chahie. yah kshetra bilkul khula rakhen to behatar hai. yadi is kshetra ka istemal karna avashyak hi ho to yahan angnnuma laen athva karmachariyon ke lie chota mandir nirmit karva sakte hain. bilding yojna evan nirman nirdesh audyogik pratishthan evan faiktri ka mukhya bhavan adhikanshtah bhukhand ke dakshin-pashchim hisse men nirmit kiya jana chahie tatha uttar evan purva men adhikadhik khuli jagah chorni chahie. nirman ke samay nimnankit baton ka dhyan rakhna avashyak hai:
1. bhavan ki dakshini divaren hamesha uttar se unchi honi chahie. isse svasthya uttam bana rahta hai tatha samriddhi barhti rahti hai.
2. pashchimi divaren purvi divaron ki apeksha adhik unchi honi chahie. yah anukul vriddhi evan unnati ke lie avashyak hai.
3. dakshin-pashchim ki divaren uttara-pashchim ki divaron se unchi honi chahie. isse chahunmukhi vikas ka marg prashast hota hai tatha svasthya bhi behatar rahta hai.
4. uttar evan purva dakshin evan pashchim ki tulna men khula evan halka rahna chahie.
5. prashaskiya karyalay ka bhavan uttar ya purva ki or audyogik bhavan athva faiktri bhavan se nichi honi chahie.
6. kisi bhi paristhiti men uttara-purva kona band athva kata hua nahin hona chahie.
7. staf kvartar dakshin-purva athva dakshin-pashchim men banvaya ja sakta hai.
8. taeylet blaek bhukhand ke uttara-pashchim athva dakshin-purva men banaya ja sakta hai. taeylet kabhi bhi madhya kshetra, uttara-purva athva dakshin-pashchim men nahin banana chahie.
9. kuan, borvel, samp athva andaragraund vatar taink bhukhand ke uttara-purva kshetra men hi banana avashyak hai.
ovrhed pani ki tanki jal bhandaran ke uddeshya se pani ki tanki audyogik athva faiktri bhavan ke dakshin-pashchim kshetra athva pashchim kshetra men banvana chahie. iski sthapna dakshin-pashchim athva uttara-purva aksh par nahin kiya jana chahie. chat ke upar pani ki tanki ek plaitfaerm banakar us par rakhna chahie.
is bat ka dhyan rakhen ki dakshin-pashchim men rakha gaya ovrhed taink ovaraflo athva lik nahin kare. yah nuksan evan anavashyak kharch ka dyotak hai. septik taink septik taink uttara-pashchim ke uttar athva uttara-pashchim ke pashchim men banvaya jana chahie. septik taink kanpaund athva bhavan ki divaron se thori duri par honi chahie. septik tanaik ki unchai satah tak nahin rakhni chahie tatha kisi bhi halat men iski unchai plinth leval tak nahin honi chahie. septik taink ki purva-pashchim ki lanbai adhik tatha uttara-dakshin ki choti rakhni chahie.
jivan men jarurat hai jyotishiya margadarshan ki? abhi bat karen fyuchar point jyotishiyon se!