amerika ke sath parmanu samjhaute ka e lake r jo varta chal rahi hai, desh ki prabhusatta ko prabhavit karne vale is varta ko lekar bharat sarkar evan loksbha ke sadasyon ke bich jo sangharsh chal raha hai uska parinam logon ki samajh se bahar hai. yah ek mahatvapurn mamla hai lekin abhi shuruati charan men hai.
is samjhaute ko antim rup die bina bharat sarkar gir sakti hai kyonki vartaman samay men bharat ki kundli ke chaturth bhav (sukh bhav) men shani aur ketu ki yuti hai. iske atirikt 16 aktubar 2007 se 22 navanbar 2007 tak shani evan ketu barabar ansh men rahenge jo desh ke lie hitkari nahin hai kyonki un par guru ki drishti nahin hai islie is avdhi ke andar desh men kuch anhoni ghatnaen ho sakti hain aur chunav ki sanbhavna bhi ban sakti hai.
22 navanbar 2007 ke bad guru dhanu rashi men pravesh karega aur shani v ketu par drishti dalega. is grah sthiti se desh men shanti a sakti hai aur chunav sucharu rup se ho sakte hain. mangal, shani evan ketu gochar men bharat ki janm rashi ke donon taraf papakartari yog men hain islie bharat ka chintit hona avashyak hai.
bharat ki janm kundli men vartaman samay men shukra ki mahadsha men budh ki antardasha chal rahi hai aur shukra evan budh kark rashi men chandra ke sath baithe hain. gochar men guru ki drishti 22 navanbar 2007 tak janm rashi par rahegi, islie tab tak paristhitiyan jatil hone ke bavjud desh chunav se bach sakta hai. uske bad guru ki drishti hat jaegi aur paristhitiyan kabu se bahar ho jaengi. pradhanmantri manmohan sinh ji ki kundli bhi kark rashi ki hai.
un par rahu ki mahadsha ketu ki antardasha 7 farvri 2007 se chal rahi hai aur 25 farvri 2008 tak chalegi. is avdhi ke dauran unki sthiti adhik jatil hogi kyonki kark rashi se ashtam bhav kunbh rashi men rahu gochar men sthit hai jo ki shubh nahin hai aur shani ki sarhesati ka antim charan chal raha hai.
unke bhagya sthan men gochar men shani evan ketu sinh rashi men sthit hain aur mithun rashi men mangal papakartari yog men chandra rashi ko pirit kar raha hai. islie 25 farvri 2008 ke madhya unke hathon se satta niklna prayah nishchit hai. vartaman samay men soniya ji ki budh ki mahadsha guru ki antardasha 14 disanbar 2009 tak chalegi.
islie unka samay pahle se adhik anukul hai. guru lagn se sukh bhav men sukhesh shukra ke sath aur budh lagn se pancham bhav men sthit hai. vah shani ki sarhesati se mukt ho chuki hain islie agle chunav men adhik balshali hokar ubhrengi. unka samay achcha hone ke karan loksbha chunav men kangres parti ki sthiti majbut hogi.
parantu gochar men guru lagn se chathe aur rashi se saptam bhav men chalan karega. yogkarak grah mangal lagn se chathe bhav men, jo ki panchmesh aur dashmesh hai. bhagyesh brihaspati gochar men mangal ke upar 22 navanbar 2007 se chalan karega. shatru sthan men prakritik pap grah mangal shatruon ka daman karega. bhagyesh karmesh mangal evan guru ka sanbandh evan unki ek dusre par drishti hai. mithun rashi se mangal dhanu rashi men guru ko dekhega.
yah yog 30 aprail 2008 tak rahega islie unko shatruon par vijay subukeprapt hogi aur pradhanmantri banne ka saubhagya bhi mil sakta hai. jahan tak amerika ke sath parmanu samjhauta ka saval hai, yah khatai men par sakta hai. chunav ke pashchat jo dusri sarkar aegi vahi is samjhaute ko age barhaegi ya usmen kuch sanshodhan bhi ho sakta hai.
vartaman samay men eshiya mahadva ip men bharat, pakistan, chin, nepal, bangladesh aur shrilanka men rajnitik paristhitiyon men uthal puthal islie ho rahi hai ki shani sinh rashi men ketu ke sath agni tatva rashi men baitha hai aur mangal prithvi tatva rashi vrish men baithakar shani v ketu ko dekh raha hai. isi sthiti ke karan nepal men satta men parivartan hua. pakistan ki sthiti bhi najuk hai.
musharraf evan navaj sharif ka sangharsh jagjahir hai. bharat men kamyuniston ke sath samjhaute men bhi darar si a gai hai. shrilanka men bhi yahi sthiti bani hui hai parantu pashchim disha ka svami shani purva disha ki rashi sinh men gochar men baitha hai.
if you are facing any type of problems in your life you can consult with astrologer in delhi