ek achcha bhala makan bhut bangla kaise ban jata hai iska karan matra vastudosh hai. aise makanon men koi bhi parivar sukh-chain se nahin rah pata. kisi ko vyapar men ghata hota hai, kisi ko putra ki hani hoti hai, to sarkari mukdme ka samna karna parta hai. uÿar-purva kata hua ho, tircha ho golakar ho, vahan sirhiyan hon, shauchalay bana rakha ho to, narvas sistam bigar jata hai, aur vyakti mansik rogi ho jata hai.
nairritya men mukhya dvar ho, agney men kuan ho ya age ka bhag barha hua ho, dakshin-pashchim bhag kata ya barha hua ho, brahm sthan men kuan ho, bhatti, sirhiyan, gadrha ya koi bara per ho to yah brihad vastudosh kahlata hai. vibhinn vastudoshon ke karan koi bhi aise makan men sukh nahin pata, koi n koi dukh ya pareshani hamesha lagi rahti hai. ashubh bhukhand men bimari, klesh, daridrata ya mansik tanav barh jata hai, vyapar men hani hone lagti hai, man-samman danv par lag jata hai.
kabhi kisi bhukhand par koi majar rahi ho, uske niche manav ya pashu ki asthiyan pari hon, us par koi gay mar gai ho, shmashan veshyalay ya juakhana raha ho, to us par ghar banakar rahna bhi ashubh mana jata hai. aisi ashubh jaghon ko ya to chor dena chahie, aur yadi chorna sanbhav n ho, to dosh nivaran ke upay kara lene chahie. jahan tak ho sake makan ya bhukhand kharidte samay uske bare men purva jankari hasil kar leni chahie taki bad men jan-mal ka nuksan n uthana pare.
adhure, tute-fute, bina chat ke, bina khirki darvaje vale makan men rahna bhi ashubh mana jata hai. aise kisi bhi makan men vas nahin karna chahie jismen purani lakri ke darvaje ya khirkiyan lagi hui hon, jang lage hue lohe v purani inton ka prayog hua ho.
jivan men jarurat hai jyotishiya margadarshan ki? abhi bat karen fyuchar point jyotishiyon se!