kuch upyogi totak brajvasi sant baba fatah sinh chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai. bachchon ke lie totke kapur ki chaktiyon ki mala pahnane se balak ke dant sarlta se nikal ate hain. bachche ko kasht nahin hota hai. bachchon ke hathon men lohe athva tanbe ka kara pahnane se bachchon ke dant asani se nikal ate hain. yadi kisi bachche ko najar lag gai ho to sat mirch sukhi lekar bachche ke sir se tin bar utara karke jalti ag men dal den. yadi bachcha najar dosh se pirit hoga to mirchon ki dhans nahin lagegi tatha shighra thik ho jaega. yadi bachche ko hichki a rahi hai to man ke kapre se ek tukra farakar use pani men bhigo kar bachche ke sir par rakhne se hichki band ho jati hai. sut ke andar akrkra ko bandh kar balak ke gale men bandhne se mirgi ka daura thik ho jata hai. nilkanth ka pankh manglvar tatha shanivar ko lakar bachche ke palang par rakh dene se rona band ho jata hai. kaue ki bith ko kapre ki thaili men bandhakar gale men latka dene se khansi chali jati hai. rithe ke fal ko dhage men dalakar bachche ke gale men bandh dene se najar nahin lagti v hichki bhi nahin ati. kale rang ke kutte ka ek bal v akrkra ka dana gale men bandh dene se uske amashay ke rog chale jate hain. pratah kal uthakar brahm muhart men nimnankit mantra ko 108 bar jap kar apni dukan men ya apne vyavsay ke karyalay men charon konon men 10-10 bar mantra ko parhakar charon or funk mar den isse bandish ghat jaegi. mantra : un namah kali kankali mahakali mukh sundar jiye kali char vir bhaira chaurasi bat to puj manae mithai ab bolo kali ki duhai. daridrata dur karne ka mantra : ''un shrin hrin daridray vinashay dhan dhanya samriddhi dehi dehi dakshinavart shankhay namah''. dakshinavarti shankh bahut bhagyashali hota hai. kunkum se shankh par svastik ka chihn ankit kar den. fir bayen hath se akshat ka ek-ek dana shankh men arpit karte hue japen. agle din bhi isi mantra ka jap karen. akshat arpit karte rahen. jis din shankh pura bhar jay. tab yantra prayog band kar den tatha chaval ke danon ke sath shankh ko usi reshmi lal vastron men bandhakar puja ke sthan par apne ghar, faiktri ya kanpni ke afis men sthapit kar den. yah jahan rahega vahan jivan men nirantar arthik unnati hoti rahegi. yadi ghar men lakshmi ka vas chahte hain tatha buri atmaon se ghar ki raksha chahte hain to kunkum ke panv ghar men pravesh dvar, sirhiyon ya chaukhat par bana den. suryoday ke samay lakshmi atithi rup men ghar men pravesh karengi. to fir vah us ghar se vapas nahin jayegi. lal rang ka riban ghar ke mukhay dvar par bandhe. isse ghar men sukh samriddhi ati hai aur kaisa bhi vastu dosh ho vah dur ho jata hai lekin kisi shubh muhurt men riban bandhen.
Kya aapko lekh pasand aaya?
Subscribe