parashri jyotish paddhati v lal kitab jyotish paddhati men kuch bhinnata pai jati hai. parashri paddhati men lagn ko bahut mahatva diya gaya hai. kisi vyakti ke janm ke samay purvi kshitij par jo rashi udit ho rahi hoti hai vah vyakti ki lagn rashi kahlati hai. us rashi ka nanbar lagn men likh kar kundli banai jati hai. 10-10-1973 ko dopahar 12-40 par dilli men janme ek vyakti ki kundli is prakar hain- ab is kundli se lal kitab ki kanudli banane ke lie lagn men 9 nanbar n likhakar 1 nanbar likha jaega jaise ki kal purush ki kundli banai jati hai. ab grahon ko unke bhav ke hisab se unhin bhavon men hi likh diya jata hai. ab yah kundli is tarah ki ban jaegi- parashri paddhati se kundli men rahu, ketu v guru nich ke the jo ki lal kitab paddhati se kundli banane par nich ke nahin rahe.
lal kitab men jo nich v uchch ke grahon ki bat ki gai hai unhen bhavon ke hisab se samjha jae. parashri paddhati ke hisab se guru makar men nich ka hoga chahe vo kisi bhi bhav men ho lekin lal kitab ke hisab se guru dasven bhav men nich ka mana jaega. isi prakar se anya grahon ka bhi uchch v nich samjha jae. soya grah jis grah ki drishti men koi bhi grah n ho to vah grah khud hi soya hua mana jaega. yadi koi grah apne pakke ghar men baitha hoga to vah soya grah nahin mana jaega. soe hue grah ka matalab hai ki vah grah usi ghar men kaid rahega aur uske shubh ya ashubh prabhav usi ghar tak simit rahenge. (mangal satven men hai aur pahla ghar khali hai. to mangal soya hua grah kahlaega.) soya hua ghar jis ghar men koi grah n ho ya jis ghar par kisi bhi grah ki samanya drishti n par rahi ho to vah ghar soya hua kahlata hai.
us ghar se sanbandhit chijon ka fal tab tak nahin milta, jab tak us ghar ko jagaya n jae. kis ghar ko jagane ke lie kis grah ki madad len yah agralikhit talika se janen: soya ghar jagane men sahayak grah 1 mangal ka upay karen 2 chandra ka upay karen 3 budh ka upay karen 4 chandra ka upay kar 5 surya ka upay karen 6 rahu ka upay karen 7 shukra ka upay karen 8 chandra ka upay karen 9 guru ka upay karen 10 shani ka upay karen 11 guru ka upay karen 12 ketu ka upay karen sathi grah jab koi do grah apne pakke gharon ko adl-badal kar baith jaen to vah shatru hone par bhi ek dusre ka sath hi denge, bura nahin karenge. jaise surya ka pakka ghar panchvan hai aur shani ka pakka ghar gyarhvan hai.
surya gyarhven men baith jae aur shani panchven men baith jae to vah apni dushmani kafi had tak bhula dete hain. ratandh grah ya andha teva lal kitab ke anusar ratandh grah ko nahorata ke grah bhi kahte hain. ye grah din men dekhte hain, parantu yahi grah ratri men andhe ho jate hain. ye grah arddha-andh kahe jate hain. arthat chaithe khane men surya aur satven khane men shani ho to vah teva adha andha teva kahlayega. is prakar ka teva jatak ke vyavsayik jivan men, man ki shanti ke lie aur grihasth sukh ke lie kafi had tak ashubh asar dalta hai. satven khane men baitha shani bahut shaktishali ho jata hai. jyotish shastra ke anusar saptam khane ke shani ko digbal prapt hota hai.
is bhav ka shani apni dasvin sanpurn drishti se sukh sthan men sthit surya ko shani prabhavit karna hai. shatru drishti se surya ke shubh fal ashubhta men parinat ho jaenge. chaturth sthan se surya ki saptam drishti karm bhav par par kar karm fal ko ashubh kar degi. kundli par ashubh prabhav dene vala shani aur uski drishti hai. atah surya ke upay ki upyogita nahin. matra shani ki ashubhta nasht karne ke lie shani ka upay karna chahie. dharmi teva lal kitab ke anusar kuch dharmi teva hote hain. dharmi teva men ashubh grahon ka prabhav bahut had tak kam ho jata hai.
jis teva men brihaspati ke sath shani sthit ho to aisa teva dharmi teva ho jata hai. dharmi teva vale jatak ko mushkil ya kasht ke samay, jab uski sabhi rahen avruddh ho jati hanai us samay ishvar apne rashi fal ke grah hathon se uski sahayta karte hain. shani grah mushkilon ka evan hamare bhagya ka karak bhi lal kitab ke anusar hota hai. teva men brihaspati aur shani se sanbandh bahut se doshon ko dur kar deta hai. 6the, 9ven 11 ven evan 12ven gharon men shani brihaspati ka sanyog hona bari samasyaon ka shaman, evan jivan ke utar-charhav ko niyantrit kar deta hai. iske prabhav se (kundli) teva ki ashubhta samapt aur sari vipdaon ka ant ho jata hai. nabalig teva lal kitab ke usulon ke anusar kuch halaton men barah sal ki ayu tak kuch nabalig teve hote hain. us dasha men barah sal tak ke balak ki kundli ka prabhav nahin hota, uske pichle janm ke bhagya ka asar hi prabhavi rahta hai.
nabalig teva usko kahte hain jab teva ke 1, 4, 7 aur 10ven khane arthat kendra sthan khali ho athva sirf papi grah shani, rahu aur ketu ho ya akela budh hi ho to vah nabalig grahon ka teva kahlata hai. aise balak ki kismat ka hal 12 sal tak shakki hota hai. lal kitab ke anusar nabalig teva vale jatak par barah varshon tak pratyek varsh ek-ek grah ka prabhav nimnarupen para karta hai. jivan par parne vale dushit prabhav ki anukulta hetu nimnalikhit bhav sthit grah ka upay karna chahie:
1. umra ke pahle sal men satven ghar ke grah ka asar parta hai.
2. umra ke dusre sal men chaithe ghar ke grah ka asar parta hai.
3. umra ke tisre sal men nauven ghar ke grah ka asar parta hai.
4. umra ke chaithe sal men dasven ghar ke grah ka asar parta hai.
5. umra ke panchven sal men gyarhven ghar ke grah ka asar parta hai.
6. umra ke chathe sal men tisre ghar ke grah ka asar parta hai.
7. umra ke satven sal men dusre ghar ke grah ka asar parta hai.
8. umra ke athven sal men panchvane ghar ke grah ka asar parta hai.
9. umra ke naven sal men chathe ghar ke grah ka asar parta hai.
10. umra ke dasven sal men barhven ghar ke grah ka asar parta hai.
11. umra ke gyarhven sal men pahle ghar ke grah ka asar parta hai.
12. umra ke barhven sal men athven ghar ke grah ka asar parta hai. yadi bimari adi men bachche ke lie upay karna ho to uski ayu ka varsh aur ghar nan. ke grah ko dhyan mane rakhakar hi upay karne chahie. in barah varshon men jo ghar khali ho aur us ghar ka upay karna ho to jo khali gharon ke malik hain us grah ka upay karen. us ghar ke karak grah ka nahin. us ghar ka malik kahin bhi baitha ho, keval uska dhyan rakhta hai. usi grah ka upay karne se kasht talega. ghar ka malik not: jo grah rashi fal ke hote hain unka upay ho sakta hai. parantu jo grah grah fal ke hote hain. unka koi upay nahin hota. unke upay ke lie dusre grahon ka sahara lena parta hai.