pratyek vyakti apne ghar men sukh-shanti purvak rahte hue svasth rahe yah vastu vigyan par adharit hai. agar ghar ya bhavan men vastu dosh hote hain to ghar men tarh-tarah ki pareshani, vighna-badha ati hai. jivan ashanti evan samasyaon se ghira rahta hai. vastu shastra purn rupen vigyan par adharit hai. vishva men bharat desh ki vastu ki visheshtaen hanai ki yah desh purva ki or jhuka hai jiske karan yah desh rishi, tapasvi, jagadguruon evan adhyatm men vishva ke deshon men sabse age hai. unhonne bataya ki bhumi ya makan char dishaen, char kon ishan, agni, nairritya evan vayavya kon lie rahta hai.
ab vastu ka vaigyanik karan vastu par prabhav dalne vali shaktiyan, vastu par surya kirnon ke atirikt chunbakatva, vayu pravah, pran vayu (aksijn) ki upasthiti ki matra gurutvakarshan tatha navagrahon evan brahmand ki kirnon ka prabhav parta hai. iske shubh prabhav tabhi prapt hote hain jab nirmit grih ki charon dishaen tatha charon vidishaen samyak hon. ye siddhant vigyan ki kasauti par khare utrte hain.
vastu vigyan surya evan prithvi ke sanbandh par adharit hai. prithvi apni chunbkiya shakti evan gurutvakarshan ke karan apni dhuri par purvottar ki or sarhe teis digri jhuki hui hai. iske karan iska uttari bhag ishan evan purvi bhag purva ki or thora jhuka hai. dakshin evan pashchim bhag kuch upar uth gaye hain. isse uttar aur purva se vishesh upyogi chunbkiya evan surya ki pratah kalin altravaylet kiran prithvi par parti hai, vidyut evan chunbkiya tarangen ishan se pravesh kar bhavan ke agney evan vayavya se hoti hui dakshin-pashchim nairritya men urja sangrah karti hai.
islie vastuvigyan ke anusar ishan kon men puja sthal, agney kon men rasoi ghar banaya jata hai. bhojan manav ka mahatvapurn tatva hai. dakshin-purva (agney kon) men rasoi banne se bhojan men jivan ke lie avashyak tatva surya ki sat rashmiyon se pratahkalin altravaylet kirnane, vitamin ‘di’ adi ka prakritik rup se samavesh ho jata hai. is prakar bhojan se gyanbuddhi, vidya sanskar evan mati sabhi sahi hote hain. grih svami ke sone ka kamra dakshin-pashchim men hona chahie tatha shauchalay nairritya kon men hona chahie. snan ghar purva disha men ya pashchim men hona chahie. saiptik taink uttara-pashchim men rakhna chahie, sirhiyan dakshin evan pashchim bhag men honi chahie. sirhi ki sankhya visham honi chahie. purva ishan kon men pani ka srot shubh hota hai.
shauchalay dakshin-purva ya uttara-pashchim men hona chahie. bhavan ka mukhyadvar uttar ya purva disha men hona chahie. vastu vigyan apne ap men purn vigyan hai. atah vastu shastra ke anusar bana bhavan purn sukh, shanti, dhan-samriddhi evan svasthya dene vala hota hai. agar vastu men truti hai to makan men tarh-tarah ki samasyaen jivan bhar bani rahti hai. yah satya hai ki adhunik samay men kisi bhi makan ka nirman shat pratishat vastu niyamon ke anusar karna aj sanbhav nahin hai. parantu yadi 70 pratishat bhavan bhi vastu ke anusar banaye jayan to jivan men sukh, shanti, dhan, svasthya tatha tvarit nirnay lene ki kshamata prapt hoti hai. bhumi bhavan evan vriksh vichar ghar ke purva disha men pipal ashubh tatha am, baragad shubh hota hai. agney kon men anar ka per shubh hota hai.
dakshin disha men gullar shubh hota hai. nairritya disha men ninbu, imli, semar shubh hain jabki pashchim disha men ashok, anvla tatha bilva vriksh shubh hote hain. uttar disha men kela, papar, shami vriksh shubh hote hanai. kisi bhi makan ke aspas ashok ka per avashya lagana chahie kyonki jiske dvar par ashok ho us ghar men kabhi shok nahin hota hai.
- vastu shastra ka nirman shri vishvakarma ji ne manav kalyan hetu kie the.
- vastu vigyan ke anurup makan sukh shanti, samriddhi se yukt hote hain.
- vastu dosh se yukt bhavan men tarh-tarah ki pareshaniyan utpann hoti hain. vastu dosh nivarn: makan ki lakri ka do jora ganesh ji evan do jora svastik bana len evan kisi bhi shukla paksh ke budhvar ko mukhya darvaje men andar se upar ki or ek ganesh evan donon or ek ek svastik laga den fir mukhya darvaja men bahar ki or se bhi shrignesh evan donon svastik laga den. isse ghar men sukh-shanti ati hai.