kuch din purva pandit ji, baingluru ke ek vyapari ke yahan vastu nirikshan karne gae. unke ghar men batchit ke dauran unki patni ne bataya ki lagabhag 7-8 mah pahle is ghar me ane ke bad arthik samasyaen barh gai hain tatha hamare bich men kafi larai v apsi vaicharik matbhed utpann ho gae hain. isi dauran ghar men chori bhi ho chuki hai.
vastu nirikshan karne par pae gae vastu doshah-
- lift dakshin-purva (agney) kon men sthit hai aur ghar ka agney kon bhi kata hua hai jiske karan dhan ki kami v chori ki sambhavnaen barh jati hain.
- ghar ka pravesh dvar dakshin-purva men hai. yah purush varg ko ghar se jyada bahar rakhta hai.
- baithak ki dakshini divar par ghari hone se har shubh kam mane vilamb hota hai.
- rasoi ke dakshin kon mane gais-chulha hone se striyon ka svasthya kharab rahta hai.
- rasoi men mandir dakshin men sthit hai.
- mukhya shayanakaksh uttara-purva (ishan) kon men hai jiske karan svasthya samasyaen evan pati-patni ke bich men vaicharik matbhed utpann hote hain.
- uttara-purva (ishan) kon men bhari gamle aur kanton vale ful nahin rakhne chahie isse mansik tanav utpann hota hai.
sujhav :
- lift dakshin-purva (agney) men ghar se bahar hai. islie iska asar kam hota hai. fir bhi lift ke donon taraf ek-ek paudha rakhna labhdayak rahega.
- ghar ke dakshin-purva men ek hariyali ka chitra lagayane.
- ghar ke pravesh dvar ke bahar tin chote ya ek bara piramid lagayen, svastik lagane se bhi ghar men shubh urja ka sanchar hoga tatha sabhi samasyaen kam hongi.
- baithak kaksh men ghari dakshin se hata kar uttar ki divar par lagaen. anavashyak kharche kam honge.
- rasoi men dakshin se gais-chulha hata kar use purva ki taraf rakhen. pani aur ag ek disha men hone par unke madhya ek divar khari kar den. matbhed kam honge.
- rasoi men mandir nahin hona chahie, use hata kar baithak kaksh men uttara-pashchim ke kone par le aen ya rasoi ke uttara-pashchim (vayavya) ke kone par lagayen.
- mukhya shayanakaksh uttara-purva (ishan) se badal kar pashchim men kar den, piche vali divar ke upar pahar ka chitra lagayen jisse sthirta bani rahegi aur vaicharik matbhed madhurta mane parivartit honge.
- uttara-purvi shayanakaksh ko atithi, adhyayan ke lie prayog men laya ja sakta hai.
- bachche ke kamre men adhyayan mej dakshin-pashchim (nairritya) se hata kar kamre ke uttara-purva (ishan) men kar den aur kitabon ki almari ko dakshin-pashchim (nairritya) men kar den aur bistar ko uttar se hata kar pashchim men kar den, isse bachchon ko achchi nind aegi athva parhne men bhi man laga rahega.
- uttara-purva (ishan) ki balkni se bhari gamle hata kar dakshin-pashchim ki balkani ke kone men rakh den aur uttara-purva (ishan) men ek favvara lagaen. dhan ka avagaman v sukh shanti badhegi.
prashn 2:-pandit ji main apni larki / damad ke liye diye gaye vibhinn vikalpon men se munbai men ban rahi ek bahumanjila imarat men ghar kharidna chahta hun. kripya batane ki kripa karen ki akela kaun sa flait lena chahie tatha yadi jora len to kaun sa lena chahie.
uttara:- flait na0 1 sarvottam hai. uttar, uttara-purva men vistar hone ke karan yah chahunmukhi vikas dene men sahayak hai.rsoighar purva disha men hona achcha hai. donon shauchalyon ka pashchim v uttara-pashchim men hona bhi achcha hai. dakshin men mukhya dvar v shaft ke karan pashchim ka kuch bhag kam hona bhi anya achche gunon ke karan bhula ja sakta hai. yadi jora lena ho to 1 aur 2 achche hain kyonki ismen dvar bhi dakshin-purva ka mil jayega tatha akar bhi thik ho jayega. dakshin-purva ka mukhya dvar sehat v utsah ke liye shreshth hai tatha dakshin ke dvar se bahut jyada labhdayak hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!