din men char prahar hote hain subah, dopahar, sayan aur ratri. isi prakar jivan ki char avasthaen hain brahmacharya, grihasth, vanaprasth aur sannyas tatha jivan men char vikaron se manushya grast rahta hai kam, krodh, moh aur lobh. jivan men moksh prapt karne ke char pad dharm, arth, kam aur moksh kahe gae hain. vishesh puja se ham in charon vikaron par vijay prapt kar sakte hain.
islie char prahron ki puja ka vidhan shastron men varnit hai. shani pradosh, mahashivratri, somvti amavasya ka 25, 26, 27 farvri ko adbhut punyadayak sanyog ho raha hai. mahashivratri pujakal se ek din purva shani pradosh ka parna tatha usmen shiv puja vidhan se sabhi grahon ki aur vishesh kar shani ki pira ko bholenath prasann hokar har lete hain.
yah pujakal 26 farvri ko sayankal 6 baje se 8ah40 tak rahega. 27 farvri ki mahapunyadayini, paphrni, grahakleshhrni mahashivratri, jo sati evan bholenath ki sangam ratri hai, ka punyakal sayankal 6 baje se praranbh hokar 28 farvri ki subah 6 baje tak chalega. ismen bhaktagan char prahar ki puja kar kam, krodh, mad, moh aur lobh par vijay prapt kar lete hanai.
bhaktagan is ratri ko bhagvan shankar ki nagri kanakhal (haridvar), jahan sati aur bholenath ka is din vivah hua tha, pahunchakar char prahar ki pujakar punya prapt karte hain. isse agle din samast pitri doshon ka nivaran evan anek grah kashton se mukt karne vali somvti amavasya ka parna kai guna fal dene vala rahega. yah parva 27 farvri ki subah 9ah48 ke bad par raha hai. ismen pipal ki 108 parikrama samast bhay aur vyadhi se mukti tatha grah pira nivaran ke lie achchi mani gai hai.