dipavli ka mahatva davali ka parva kartik amavasya ke din, har varsh, manaya jata hai. kyonki ram ratri men ayodhya vapis aye the aur amavas ki rat thi, islie ayodhyavasiyon ne pure shahar ko dipkon se jagmga diya tha.
divali se do baton ka gahra sanbandh hai- ek to lakshmi pujan aur dusra ram ka lanka vijay ke bad ayodhya lautna. prachlit manyataon ke anusar is mahaparva par raghuvanshi bhagvan shri ram ki ravan par vijay ke bad ayodhya agaman par nagrikon ne dipavli ko alok parva ke rup men manaya. tabhi se yah dip mahotsav rashtra ke vijay parva ke rup men manaya jata hai.
dipavli apne andar prakash ka aisa ujiyara dharan kar ati hai, jiske prabhav se aniti, atank aur atyachar ka ant hota hai aur maryada,niti aur satya ki pratishtha hoti hai. bhagvan shri ram ki janmabhumi v rajya ayodhya men tha, islie dipavli ka mahaparva uttarapradesh, visheshakar ayodhya men, bare hi harshollas ke sath manaya jata hai. dipavli ke rup men vikhyat adhunik mahaparva svasthya chetna jagane ke sath shuru hota hai. trayodshi ka pahla din dhanvantri jayanti ke rup men manaya jata hai.
log ise dhanteras bhi kahte hain aur pahle din ka sanbandh dhan vaibhav se jorte hain. dhanvantri jayanti ka sanbodhan ghis-pitakar dhanteras ke rup men prachlit ho gaya. vastutah yah arogya ke devta dhanvantri ka avataran divas hai. chatudarshi ke din bhagvan shri krishn ne narkasur ka vadh to kiya hi tha, isi din hanuman ji ka janm bhi hua tha. adhyatmik drishtikon se dipavli bandhan mukti ka din hai.
vyakti ke andar agyanrup andhkar ka samrajya hai. dipak ko atm jyoti ka pratik bhi mana jata hai. atah dip jalane ka tatparya hai- apne antar ko gyan ke prakash se bhar lena, jisse hriday aur man jagmga uthe. is din chaturdik tamas men jyoti ki abha failti evan bikhrti hai. andhkar se satat prakash ki or barhte rahna hi is mahaparva ki prerna hai.
divali ka parva khas taur se lakshmi jayanti ka parva bhi hai aur hajaron varshonn se lakshmi pujan ke rup men manaya jata hai. lakshmi pujan ka sanbandh sukh, sanpatti, samriddhi, vaibhav adi se hai. lakshmi pujan aur vyapar ka sidha sanbandh hai. vyapari jagat divali ki pratiksha men pura varsh laga deta hai aur aisa bhi kaha ja sakta hai ki yadi divali achchi ho jae, to vah pure sal ke lie shubh sanket bhi ban jati hai.
divali se naye varsh ki shuruat bhi hoti hai aur divali, har admi men, har tarah se, naye utsah ka sanchar bhi karti hai. jis admi ka vyavsay bahut achcha n chalta ho, vah bhi divali se as lagaye rahta hai. divali uske vyapar ka vah bindu hai, jahan se vah vyapar ka vistar karta hai. bharatavarsh ke vyapari isi din dhan ki devi lakshmi ji ka ahvan karte hue bahi khate ki shuruat karte hain.
dipavli ka samanya parichay lakshmi puja ke utsav ke rup men hai. samudra manthan ke samay 14 ratn nikle the, jinmen pahle ratn lakshmi arthat ‘shri’ ke prakat hone ki antarkatha vala prasang dipavli ka pramukh sandarbh hai. shastrakaron ne lakshmi ke ath svarupon ka varnan kiya hai. ye sabhi svarup, adyalakshmi, vidyalakshmi, saubhagyalakshmi, amritalakshmi, kamalakshmi, satyalakshmi, bhogalakshmi evan yogalakshmi ke nam se prasiddh hain.
patipran aachinmayi lakshmi sabhi pativrataon ki shiromni hain. bhrigu putri ke rup men avtar lene ke karan inhen bhargavi kahte hain. samudra manthan ke samay ye hi kshir sagar se prakat hui thin, islie inka nam kshirodtnya hua. ye shri vidya ki adhishthatri devi hain. tantrokt nil sarasvati ki pith shaktiyon men inka bhi ullekh hua hai.
pauranik mahatva ke sath yah ek vyavharik sachchai bhi hai ki lakshmi ki prasannata sabhi ke lie abhisht hai. dhan vaibhav har kisi ko chahie. islie usi adhishthatri shakti ki puja-aradhna ke lie dipavli ka mahaparva vyapak rup se prachlit hai. divali parva ka jikra tantra granthon men milta hai. kamla jayanti, ya lakshmi jayanti ke nam se yah parva prasiddh hai. lakshmi pujan ka havala tantrasar granth men hai.
sanpatti, sukh aur samriddhi ke lie divali pujan kiya jata raha hai. iske atirikt tantrasar men jikra hai ki divali parva khas taur se tantrikon, shaktiyon aur lakshmi jayanti ka parva hai. das mahavidyaon men lakshmi pujan ka jikra hai aur yah shastrasammat bhi hai. divali ka parva shakton ka parva bhi kaha jata hai.
shakt ve log hote hain, jo multah shakti ke upasak hote hain. ve shakti ki puja kar ke apni antarnihit shakti ko barhana chahte hain. saundarya evan samriddhi ki pratik ‘shri’ arthat lakshmi ka pujan apne rashtra ki sarvadhik shreshth sanskritik paranpra hai. jyoti parva dipavli to isilie prasiddh hai. vaidik kal se lekar vartaman kal tak lakshmi ka svarup atyatan vyapak raha h.ai rigvade ki richaon men ‘shri’ ka varnan samriddhi evan saundarya ke rup men anek bar hua hai.
atharvaved men rishi, prithvi sukt men ‘shri’ ki prarthana karte hue kahte hain ‘‘shriya man dhehi’’ arthat mujhe ‘‘shri’’ ki sanprapti ho. shri sukt men ‘shri’ ka avahan jatvedas ke sath hua hai. ‘jatvedomavh’ jatvedas agni ka nam hai. agni ki tejasvita tatha shri ki tejasvita men bhi samya hai. vishnu puran men lakshmi ki abhivyakti do rupon men ki gai hai- shri rup aur lakshmi rup. donon svarupon men bhinnata hai.
donon hi rupon men ye bhagvan vishnu ki patniyan hain. shridevi ko kahin-kahin bhu devi bhi kahte hain. isi tarah lakshmi ke do svarup hain. sachchidanandmyi lakshmi shri narayan ke hriday men vas karti hain. dusra rup hai bhautik ya prakritik sanpatti ki adhishthatri devi ka. yahi shridevi ya bhudevi hain. sab sanpattiyon ki adhishthatri shridevi shuddh satvamyi hain. inke pas lobh, moh, kam, krodh aur ahankar adi doshon ka pravesh nahin hai.
yah svarg men svarg lakshmi, rajaon ke pas rajalakshmi, manushyon ke grih men grihalakshmi, vyapariyon ke pas vanijyalakshmi tatha yuddh vijetaon ke pas vijayalakshmi ke rup men rahti hain. vaidik purush sukt se puran aon tak, lakshmi parmeshvar ko aishvarya shakti ke rup men svikrit hain.
is sanbandh men mahatvapurn tathya yah hai ki lakshmi keval bahri vastu nahin hai, yah vastutah atmavibhuti hai jo is rup men sare praniyon ke andar vidyaman hai, parantu jo apni atm jyoti ko prakashit kar pata hai, vahi isse yatharth rup men labhanvit ho pata hai.
maharshi markandey bhi ise bahya vastu n batakar antrik tatva ki sangya dete hain. manav ke abhyantar men jo sarvabhaum shakti vidyaman hai. vahi bahya sanpatti ka arjana-visarjan karti rahti hai tabhi to lakshmi kamal par asin hain.
if you are facing any type of problems in your life you can consult with astrologer in delhi