sammohan upchar  

sammohan upchar je. pi. malik is ank men past laif rigreshan aur paira sammohan se sanbandhit prashnon ko liya gaya hai. anubhav ke adhar par hamne paya hai ki bahut sare logon men rigreshan ko lekar anekon bhrantiya hain. isse sanbandhit prashnon ko is ank men adhik jankari dene hetu shamil kiya gaya hai. prashna: past laif rigreshan thirepi kya hoti hai? uÿar: past laif ka arth hai pichla janm ya is jivan se pahle ka jivan, rigreshan ka arth hai yad karna ya piche jana tatha thirepi ka sanbandh upchar se hai arthat past laif rigreshan thirepi upchar ki ek paddhati hai jismen is jivan se purva ke jivan ko yad kiya jata hai tatha sanbandhit upchar kiya jata hai. yah ek atyant sanvednshil vishay hai kyonki punarjanm par vidvanon men matbhed hai. is paddhati ka prayog ham upchar hetu karte hain, n ki yah siddh karne ke lie ki punarjanm hota hai ya nahin. upchar hetu vyakti ke is kathan par vishvas karna bhi avashyak nahin hai kyonki use to apne anubhav hi mahsus karne hain. vigyan yah man chuka hai ki urja kabhi samapt nahin hoti, yah n banai ja sakti hai aur n mitai ja sakti hai. urja vibhinn rupon men parivartit ho sakti hai. is urja ke adhar par jivan ki urja bhi samapt nahin hoti hai arthat jo urja aj hai, vah pahle bhi thi aur bad men bhi rahegi. har jivit vyakti ke pas ek bhautik sharir hota hai aur sath men jivan urja ya atma hoti hai. jab ye donon sath-sath hoti hain to vyakti ko jivit kaha jata hai aur jab alg-alag hoti hain, to mrit kaha jata hai. jivan urja alag hone par bhautik sharir panchatatvon men vilin ho jata hai aur jivan urja apne uddeshyon ke anusar vibhinn bhautik shariron ka prayog karti rahti hai. hamare man ke pas anubhvon ko yad rakhne ki adbhut shakti hoti hai. ye anubhav ek shant vatavaran men dhyan ya sammohan ki dasha men yad kiye ja sakte hain. vyakti ko sanbandhit jivan ki ghatnaon ko yad karne ke lie margadarshan diya jata hai tatha unke0 prabhavon ko is jivan men nishkriya kiya jata hai. isi paddhati ko past laif rigreshan thirepi kaha jata hai. prashna: kya past laif rigreshan thirepi aur hipnothirepi donon ek hi hain? uÿar: past laif rigreshan thirepi upchar ki ek vidhi hai jo sammohan ya or bhi kai tarikon se ki ja sakti hai. ise hipnothirepi ke samakaksh (barabr) manna uchit nahin hai. rigreshan sammohan ke madhyam se bhi bare prabhavkari dhang se kiya ja sakta hai. yah sammohan ki anekon vidhiyon men se matra ek vidhi hai. sammohan brihat hai jabki rigreshan uska ansh matra hai. prashna: kya rigreshan ke madhyam se ve sabhi upchar ho sakte hain, jo sammohan se kiye jate hain? uÿar: past laif rigreshan thirepi ka istemal matra un karnon ke lie kiya jata hai jo purvajanm ki kisi ghatna ke prabhav se is jivan men sakriya ho gaye hain. inke atirikt kinhin aur karnon ke lie past laif thirepi ka prayog nahin kiya jata hai. udaharan ke taur par agar ek balak parhai men dhyan nahin laga pa raha hai to yah avashyak nahin hai ki vah purvajanm ke prabhav se aisa kar raha hai. iske anekon karan ho sakte hain. kabhi-kabhi kisi samasya ke nivaran ke lie uske karan par jate hue vyakti kisi anya jivan ka anubhav karne lagta hai. use kuch aisi baten yad ane lagti hain jo uske purvajanm se sanbandhit hoti hain ya vah aisa sochne lagta hai. rigreshan amtaur par anya vidhiyon ke prayog karne ke bad kiya jata hai. yah janna kafi kathin hai ki kaun-sa karan purvajanm se jura hai aur kaun-sa nahin. lekin anubhav ke adhar par paya gaya hai ki kuch samasyaen bahut bar anya karnon ki apeksha adhik punarjanm se juri hoti hain. jaise motapa, foviya, dama, vyaktigat sanbandh, sthaniya dard ityadi. lekin keval yahi samasyaen pai jati hain, aisa bilkul nahin hai.prashn ah past laif rigreshan thirepi ka vaigyanik adhar kya hai? uÿar: past laif rigreshan thirepi ka upchar men yogdan sarvamanya hai. yah ek prabhavkari vidhi hai lekin vidvanon men punarjanm ke upar kafi matbhed hain aur iske sanbandh men anekon prakar ki vyakhyaen upalabdh hain. duniya bhar men anekon anusandhan is vishay par ho chuke hain aur ho bhi rahe hain. in sabhi anusandhanon ke adhar par anekon aise tathya hain jo punarjanm se sanbandhit sabit karte hain agar unhen sabut bhi manen, to tathyon se nakara nahin ja sakta. yah janna hamari ruchi nahin hai ki punarjanm hota hai ya nahin, balki uska prayog upchar men kafi maddgar hai yah hamare lie harsh ki bat hai. man ke lie vahi sachchai hai, jo vah sach manta hai. vah insan agar andhere se darta hai, to uske lie yahi sachchai hai. andhere men kya hai ya nahin, yah janna itna jaruri nahin hai. hamari anubhuti hi hamare vyavhar ka adhar hai. past laif rigreshan thirepi avchetan man ki shakti ka prayog karti hai jo ki vaigyanik rup se sahi hai jinke adhar par hamare mastishk men nyuropath ban jate hain aur vyavhar men parivartan ho jata hai. prashna: kya har vyakti apne purvajanm men ja sakta hai? uÿar: adhikatar log apne purvajanm men ja sakte hain. lagabhag adhe log bare aram se ja sakte hain tatha baki log kai seshnon ke pashchat chale jate hain jabki kuch log bilkul nahin ja pate hain. yah avashyak hai ki ap bina kisi purva agrah ke ayen. rigreshan ke bad upchar hetu kai aur seshan bhi lag sakte hain. yah manakar n ayen, ki ap ankh band karenge aur chitra chalna shuru ho jaenge. yah ek dhyan ki prakriya hai, ismen sanyam aur sahaj bhav ki avashyakta hai. yah prakriya 1 se 2 ghante tak chal sakti hai kabhi-kabhi to isse bhi jyada samay lag jata hai. prashna: punarjanm men ham apne ko pahchante kaise hain? uÿar: hamare sharir ka punarjanm nahin hota balki atma ek naye sharir ko dharan karti hai. sharir to atma ka ek yantra ya kapra matra hai. jaise ham apne purane kapre pahchante hain. ham apne ko us sharir se jura hua mahsus karte hain jaise ki ham vahi jivan ji rahe hon. ab tak ve anusandhanon se yah vidit hua hai ki alg-alag janmon men kuch samantaen bhi hoti hain jaise sharir ki banavat, chehre ke aks, ankhen tatha vyavhar ityadi. prashna: kya past laif rigreshan thirepi surakshit hai? uÿar: sammohan ki anya vidhiyon ki tarah yah vidhi bhi purnatah surakshit hai. lekin avashyak hai ki ap ek uchit shiksha prapt nirdeshk/ sammohak ki hi sevaen prapt karen. is vidhi se apko anekon nai jankariyan prapt ho sakti hain tatha apka jivan ke prati drishtikon bhi badal sakta hai. yah bahut sukun dene vali atyant labhkari prakriya hai. yah n matra pichle lagavon se picha churane men madad karti hai balki is jivan men behatar soch paida kar sakti hai. prashna: ham past laif rigreshan thirepi kaise sikh sakte hain? uÿar: agar apko sammohan aur upchar ki vidhiyane ki jankari hai to ap rigreshan asani se sikh sakte hain.