rudraksh ki janch kaise kare  

rudraksh ki janch kaise karen asli rudraksh ki pahchan karna kathin karya hai kyonki ekmukhi aur ekadhik mukhi rudraksh mahange hone ke karan nakli bhi bana lie jate hain. adhik labh lene ke lie kam mukhon vale rudrakshon men atirikt mukh ki dhariyan bana di jati hain. rudraksh sahi hai ya nahin is tathya ki janch ke lie use bich se katakar fankon ki ginti ki ja sakti hai. is tarah kritrim aur prakritik dhariyon men antar bhi kiya ja sakta hai. kabhi-kabhi do rudrakshon ko jorakar bhi ek mahanga rudraksh bana liya jata hai. nakli ganesh ya trijuti athva gauri shankar rudraksh isi prakar banae jate hain. kai bar nakli rudraksh ko bhari karne ke lie chidron men para ya sisa bhar diya jata hai. kai bar dekhne men ata hai ki rudraksh par sarp, ganesh, trishul adi bane hote hain. ye sabhi akritiyan banavti hoti hain. aise men rudraksh kisi vishvasniya pratishthan se hi kharidna chahie, bhale hi vah mahanga ho. prayah yah kaha jata hai ki pani men dubne vala rudraksh asli aur tairne vala nakli hota hai. parantu yah satya nahin hai. rudraksh ke dubne athva tairne ki kriya usmen vidyaman ardrata, uske ghanatva tatha uske kachche ya pakke hone par nirbhar karti hai. yadi koi rudraksh kachcha hoga to usmen maujud tailiyata evan ardrata ki matra kam hogi aur vah vajan men halka hoga, falasvarup pani men tairega. kintu uske pake hone par sthiti viprit hogi arthat vah pani men dub jaega. atah pani men dubne ya tairne se rudraksh ke asli ya nakli hone ki pahchan nahin ho sakti hai. isse keval yah jana ja sakta hai ki rudraksh kachcha hai ya pakka. tanbe ke do sikkon ke bich rudraksh ko rakhakar dabaya jae to vah ek jhatke ke sath disha badalakar ghum jata hai. kintu yadi dabav jyada ho, to rudraksh nishchit hi kisi n kisi disha men ghumega islie yah prayog shuddh rudraksh ki pahchan men khara nahin utrta. ek bhranti yah bhi hai ki donon anguthon ke nakhunon ke madhya rudraksh ko rakhne se yadi vah kisi bhi disha men ghume to asli hoga, anyatha nakli. vastav men kisi bhi gol vastu ko is prakar do anguthon ke madhya men rakhen to vah kisi n kisi disha men avashya hi ghumegi. rudraksh asli hai ya nakli yah dekhne ke lie use sui se kureden. kuredne par agar resha nikle to vah asli hai, anyatha vah rasayan ka bana hua hoga. jis prakar do vyaktiyon ke fingar print ek saman nahi hote hain, usi prakar do asli rudrakshane ki upri satah ke pathar ek saman nahin ho sakte. kintu nakli rudrakshon ke upri pathar ek saman ho sakte hain. kuch rudrakshon par shivling, trishul, sarpadi akritiyan bani hui milti hanai, jo prakritik nahin balki kushal karigri ka namuna matra hoti hain. rudraksh ko barik pis kar uske masale ke madhyam se use anya kisi rudraksh ke upar chipka diya jata hai. kabhi-kabhi do ya tin rudraksh prakritik rup se jude pae jate hain jinhen gauri-shankar ya gauripath rudraksh kaha jata hai. gauri-shankar evan gauripath rudraksh kafi mahange hote hain, atah inke nakli hone ki kafi sanbhavna rahti hai. kushal karigar do ya tin rudrakshon ko lekar patthar par pani ki sahayta se ghisakar athva katakar masale aur fevikael, erldait adi ke solyushan ke sahare is prakar chipka dete hain ki ve purnataya jure hue aur asli dikhai dete hain. is tarah kabhi-kabhi asli garai i-shakan r rudara ksh m ne ek anya rudara ksh ko jorakar use gauripath (trijuti) rudraksh bana liya jata hai. ekmukhi golakar rudraksh ke ati durlabh aur vartaman men aprapya hone ke karan iska mulya hajaron-lakhon men anka jata hai. 14 se 21 mukhi rudraksh bhi kam pae jate hain. atah inke bhi nakli hone ki sanbhavna rahti hai. prayah panch ya panch se kam mukhon vale rudraksh ke mukhon ko masale se band kar use ek mukhi bana liya jata hai. gaur se dekhne par nakli ekmukhi rudraksh men bhara hua masala spasht dikhai deta hai. kabhi-kabhi panch ya isse jyada mukhon vale rudraksh men kushal karigar dhariyan lagakar mukhon ki sankhya men vriddhi kar dete hain. prakritik taur par bani hui dhari aur nakli dhari men ekrupta nahin hoti hai. prakritik dhari ke donon or bane hue pathar kuch ubhre hue hote hain jabki karigar dvara banai gai nakli dhari men ve sapat ya kuch dabe (baithe) hue hote hain. iske alava prakritik dhari purnataya sidhi nahin hoti jabki nakli dhari prayah sidhi hoti hai. savdhanipurvak dekhne se asli-nakli ka yah antar spasht dikhai deta hai. kabhi-kabhi ber ki guthli par rang charhakar use asli rudraksh ke rup men bech diya jata hai. saste damon men bikne vali rudraksh ki malaen prayah rudrakshon se n bani hokar ber ki guthliyon se bani hoti hain. vajan men bhi ye prayah rudraksh se halki hoti hain aur inka akar prayah madhyam ya chota hota hai. rudraksh ki pahchan hetu nimn vidhi ko apnana chahie- pani ko khub ubalen. is ublte hue pani men rudraksh ko dalen tatha 5-14 minat ke bad katore ko chulhe se utar kar dhak den. jab pani thanda ho jae to dhakkan utar kar rudraksh ka dana nikal len. use gaur se dekhen. yadi jade laga hage a ta e usak e tukde ho jaenge. masale ki sahayta se banae gae shivling, trishul, sarpadi chihnon vale rudraksh men chipchipa solyushan spasht rup se dikhlai parega tatha jor dhila ho jaega athva tukre alag ho jaenge. jin rudrakshon men para ya shisha bharakar ekmukhi rudraksh banaya gaya hoga, unke band kie hue mukh spasht dikhai dene lagenge. aise men yadi rudraksh prakritik taur par kuch fata hua hoga to vah thora aur fat jaega. yadi ber ki guthli ko rudraksh banaya gaya ho, to is kriya se vah guthli mulayam par jaegi jabki asli rudraksh men vishesh antar nahin aega. asli gauri-shankar aur gauripath rudraksh ki pahchan yah bhi hai ki unapar bani hui dhariyan prakritik hongi aur unmen paraspar duri saman n hokar alg-alag hogi. asli gauri- shankar evan gauripath vajra ke saman kathor hote hain. kafi shakti lagane par bhi unhen torna ya alag karna kathin hota hai. yadi parikshan ke dauran unhen tor bhi diya jae to unke tute hue bhag saman sapat nahin honge, unka tutna prakritik rup se vikhandit hoga jaise koi patthar are, tirche ya terhe tutta hai. asli gauri-shankar aur gauripath rudraksh ki pahchan yah bhi hai ki unapar bani hui dhariyan prakritik hongi aur unmen paraspar duri saman n hokar alg-alag hogi. asli gauri- shankar evan gauripath vajra ke saman kathor hote hain. kafi shakti lagane par bhi unhen torna ya alag karna kathin hota hai.