mansagri men likha hai - lalat pahe likhita vidhata, shashthi dine ya'kshar malika ch. tam janmatri praktin vidhÿo, dipo yatha vastu dhanandhakare. (man sagri) arthat ishvar ne bhagya men jo likh diya, use bhogna hi parta hai. janmapatri ke adhyayan se is bat ka asani se pata chal jata hai ki usne purva janm men kaise-kaise karm kiye hanai aur is janm men use kaisa kya sukh bhog milega. matulo yasya govindah pita yasya dhananjyah. so'pit kalvshan praptah kalo hi burtikramah.. arthat abhimanyu yuva tha, sundar tha, svasth tha, vir tha, navvivahit tha. bhala kya uski marne ki ayu thi ya sthiti? bhagvan shri krishn uske mama the,
uske pita arjun mahabharat ke apratim yoddha the. kintu abhimanyu kal se n bach saka. tab sadharan jan kaise bach sakta hai. mrityurjanmavatan vir dehen sah jayte. ath vashdashatante va mrityuvai praninan dhuravah.. dehe panchatvamapanne dehi karmanugo'vanshah. dehantaramanuprapya praktanan tyajte vapuah.. (shrimad bhagavat 10/013/8-39) arthat kans vasudev-devki ko sneh se pahunchane ja raha tha. marg men akashvani hui ‘asyastvabhastama garbho hanta yan vahse'budh.’ he murkha! jise tum pahunchane ja rahe ho iska athvan garbh tumhane mar dalega.’ kruddh kans devki ke keshon ko pakarakar uski jivan lila hi samapt kar raha tha, tabhi vasudev ji ne use samjhaya - he vir! janmadharan karne valon ke sath hi unki mrityu bhi utpann ho jati hai. atm karmanusar dehantar prapt kar purva deh chor deta hai. kahne ka arth yahi hai
ki jiv ko karmanusar vividh dehane ki vibhinn prakar ke sukhon ki rogon ki, abhavon ki prapti hoti hai. tab janm patri ko dekhakar kaise samjha jae ki grah ek sath jivan ke kitne kshetron ko prabhavit karta hai. is tathya ki satyata hetu kuch kundaliyon ka adhyayan karte hain. yah sonipat shahar men rahne vali ek aisi stri ki kundli hai, jiske vivah ko sat varsh bit gae lekin ise santan nahin hui. is aurat ki kundli janm lagn, chandra lagn, surya lagn, shukra lagn se mangli hai. lagn sinh hai aur pratham bhav men hi mangal hai aur chandrama bhi sinh rashi men hi hai. lagnesh surya lagn se chathe bhav men hai. parantu mangal surya se ashtam bhav men hai. panchmesh evan pancham karak guru santan bhav (pancham bhav) se dvadash hai tatha brihaspati par pap grah mangal ki chaturth drishti hai.
santan bhav par kisi bhi shubh grah ki drishti nahin hai. kuntunb bhav (dvitiya) pap kartari yog men hai yani is bhav ke ek or mangal hai v d usri or ketu pap grah hai, lagn par rahu ka tatha kuntunb bhav par shani ka dushprabhav hai. isi karan santan nahin ho payi. is vyakti ko uthne baithne chalne-firne adi men atyant kathinaiyon ka samna karna parta hai kyonki yah putthe ki kshinta se grast ho gaya hai. dekhte hain aisa kin grah sthitiyon ke karan hua. yadi koi grah shashth, ashtam ya dvadash sthanon men sthit ho aur is par shubh drishti n ho to vah atyant nirbal ho jata hai. aisa grah jis dhatu ka karak hota hai, vah usmen rog utpann kar deta hai. uprokt kundli men mangal putthon ka karak hai jo mrityu bhav arthat ashtam sthan men sthit hai. vah nich (karkastha) bhi hai.
mangal par rahu ki pancham ki drishti hai. iske alava mangal par shubh grah shukra ki drishti hai, parantu shukra bhi shashthesh tatha ekadshesh hokar marak bhav men sthit hai shukra shashth se shashth arthat ekadash bhav ka svami hone se bhi rogdayak hai. yahi nahin shukra do pap grahon shani tatha surya ke bich bhi hai jo uski nirbalata barha rahe hain. isi karan putthon ki kshinta atyant kathinaiyon ko paida kar rahi hai. yah purush jatak vyabhichari hai. yah apni patni ko utpirit karta rahta hai. use kai bar marne ki koshish bhi kar chuka hai. do bar pulis kes bhi ho chuka hai. iske anya mahilaon ke sath bhi yaun sanbandh hain. i
janmakundli ki grah sthitiyon ka adhyayan kar in karnon ko janne ka prayas karte hain. yadi lagnesh chaturth bhav men ho, chaturth evan saptam bhav mangal ya rahu se pirit ho, chaturthesh, saptamesh ek sath ho tatha rahu se prabhavit ho to jatak vyabhichari, bahustri bhogi, kalankit hota hai. uprokt kundli men lagnesh-chaturthesh budh chaturth bhav men hai tatha saptamesh guru shatru rashisth hokar lagnesh ke sath sukhesh budh trik bhav ke svami surya ke sath hai. iske atirikt dhanesh chandrama kemudram yog bana raha hai tatha shatru rashisth hokar dvadash bhav men hai. bhog karak shukra rog, rin v shatru bhav men grihasth bhav se dvidrvadash yog bana raha hai. saptam bhav papakartari yog men hai. pancham bhav men shani se drisht hai. lagn evan pancham bhav par rahu ki drishti hai. chandrama par mangal ki drishti bhi hai. isi karan yah vyabhichari hai. yah kundli ek aise vyakti ki hai, jisko kai varshon se pet men gais ki taklif rahi hai. bina davaiyon ke yah shauch tak nahin kar sakta. iski janmakundli men panchmesh aur pancham bhav aur pet ka karak guru donon ikatthe hain aur sath men shukra bhi virajman hai aur vah bhi surya se panchmesh hai. in sab pet ke dyotak grahon par shani ki purn tritiya drishti bhi par rahi hai
aur fir shani chunki surya aur ketu adhishthit rashi ka svami hai, ismen ketu tatha surya ka prabhav bhi sammilit hai. is prakar jahan lagn, chandra lagn aur surya lagn se panchmesh hone ke karan pet ke dyotak hain vahan pirit karne vale grah bhi bahut krur hain. iska fal bahut der tak pet men kasht utpann karta hai. gais islie ki shani ka prabhav mukhya hai aur shani vayu ka grah hai. yah kundli ek aise vivahit jore ki hai jinka vivah bina gun milan ke sampann hua. vivah ke saptah bad hi donon men kalah shuru ho gaya. yah vivah do varshon tak chalta raha, fir ye donon ek-dusre ko talak dekar alag ho gae. dekhte hain inka vavah kyon nahin nibh paya. var ki janmakundli ke lagn men ketu aur saptam men rahu vivah men asflta ka suchak hai.
sath hi bhog karak shukra bhog sthan arthat grihasth bhav se dvadash, lagn se shashth tatha rashi se chaturth ashubh grah iske atirikt shukra surya dvara ast bhi hai tatha ashtamesh mangal ke sath hai. parakramesh budh jahan shashth bhav men hai, vahin lagnesh mangal shatru bhav men shatru rashi men hai, itna hi nahin sabhi grah rahu-ketu ke madhya kalasarp yog bhi bana rahe hain. grihasth bhav se bhi kalasarp yog ban raha hai, surya, budh, mangal tatha shukra par shani ki pap drishti bhi hai. vadhu ki janmakundli men grihasth bhav se dvadash rahu hai tatha us par shani ki ashubh drishti hai. ashtamesh surya shani dvara drisht hai. saptamesh chandra kemduram yog bana raha hai, shashthesh budh ke sath ashtamesh surya sarvatha ashubh hai.
iske alava rashi evan mangal ki pap drishti hai. parakramesh guru ke donon or pap grah surya, shani v mangal papakartari yog bana rahe hanai. gosvami tulsidas ji ne shri ramchrit manas men iska spasht ullekh kiya hai- jo jas karai so tas fal chakha; kyonki karm pradhan vishva kari rakha. arthat is sansar men karm hi pradhan hai aur jaise karm vah karta hai usi ke anusar manushya ke jivnkal men n to akasmik rup se kuch hota hai aur n anayas hi. balki hamen jo kuch apratyashit lagta hai vah karm vidhan ke antargat durbhagya athva saubhagya ke rup men purva nishchit kramanusar hamare samne ata hai. janmakundli men grah sthiti ke anusar ham us karm fal ko jan pate hain.