vastu ke anusar - hotal, restaran evan risort pramod kumar sinha vartaman samay men hotal vyavsay men kafi teji se pragti hui hai. hotal, restaran ya risort ka upyog shahri jivan shaili ka ek mahatvapurn ang ban chuka hai. shadi, parti, gharelu utsavon evan anya samajik evan sanskritik karyakramon ke lie hotal, risort evan restaran ek mahatvapurn kendra ban chuka hai. atah iska nirman vastushastra ke niyamon ke anukul karna chahie.
pra0- hotal, risort evan restaran ke vikas men sviming pul ya pani ke favvare ki kya bhumika hai ?
u0- hotal ya risort ke uttara-purva men talab, jhil, gaddha sviming pul ya bahte dariya ka hona vyavsay ko char chand lagate hain. vishvakarma prakash ke athven adhyay ke 15-17 ven shlok men pani ke lie sabse upyukt sthan uttara-purva ya uttar ki or bataya gaya hai. bhumigat pani ka srot ya boring bhi uttara-purva ki or karni chahie, isse yathashighra lokapriyata milti hai.
dhan ki kabhi kami nahin rahti tatha lakshmi ka nirantar vas hota hai. favvara jismen sangit aur prakash sath-sath hote hain use bhi uttara-purva men lagana chahie. isse dhanatmak urja ka pravah sucharu rup se parisar ke andar bana rahta hai. isse hotal ya risort ki taraf logon ke akarshan men vriddhi hoti hai. sviming pul ko dakshin-pashchim ya bhukhand ke madhya bhag men nahin rakhna chahie. madhya bhag men tarntal barbadi aur divaliyapan ka karan banta hai.
pra0- hotal, risort evan restaran men rasoighar ka kya mahatva hai ?
u0- kisi bhi restorent, hotal ya risort men rasoighar ka hona anivarya hai. rasoighar ko agney kshetra men banana chahie. iske vikalp men vayavya mane rasoighar banaya ja sakta hai. parantu is bhag mane bane rasoighar men khana banane ka pletfaerm ya gais chulha dakshin-purva men rakhna avashyak hoga anyatha kharch ki adhikta evan agni se durghatana ka bhay bana rahta hai.
rasoighar ko rnaitya, ishanya, uttar evan bhukhand ke madhya bhag men nahin rakhna chahie. uttara-purva disha men hone par khadya padarthon ki barbadi evan divaliyapan ka samna karna parta hai. dakshin-pashchim men hone par sanbandhane men vaimanasyata hoti hai tatha uttar ki disha men rakhne par arthik sthiti achchi nahin rahti. rasoighar men khana banane ka mukhya pletfaerm purva aur dakshin-purva kone men hona chahie aur khana banate vakt rasoiya ka chehra purva ki or rahna chahie.
pra0- hotal evan risort men yatriyane ke lie vyavastha kis tarah karen?
u0- hotal men yatriyon ke thahrne ke lie kamre pashchim, dakshin aur dakshin-pashchim disha men banana chahie. atithi kaksh ko brahm sthan men n rakhen. brahm sthan bahut sari urja ko khinchta hai islie aram aur shanti ke lie yah sthan upyukt nahin rah pata. kamre ke sath bathrum, bathatab, shauchalay, chenj rum adi rakhne hon to ise uttara-pashchim ya pashchim ki taraf banaen.
atithi kaksh ke dakshin-pashchim ya pashchim ka kona kabhi khali n rakhen. kamre men palang ko dakshin-pashchim ki taraf lagana chahie. palang ki sthiti kabhi bhi is tarah nahin rakhni chahie jisse sone vale ka sir athva pair sidhe dvar ki taraf ho. sote samay pashchim ki or sir kar sone se nam, yash evan bhagya, purva ki taraf mansik shanti evan dharmik pravritti tatha dakshin ki or dhan, bhagya evan svasthya men vriddhi hoti hai. palang kabhi bhi ubhri hui bim ke niche n rakhen.
jivan men jarurat hai jyotishiya margadarshan ki? abhi bat karen fyuchar point jyotishiyon se!