vastu siddhanton ka anupalan karke nirmit kiya gaya aspatal rog ke jaldi thik hone men kafi maddgar hota hai tatha rogi kisi dusre prakar ki pareshaniyan viksit hone se bachta hai. daektar ko ‘vaidyo narayno hari’ ki sangya di gai hai jiska tatparya yah hai ki daektar bhagvan hote hain.
ajakal har jagah par narsig hom evan aspatal shahron men viksit evan lokapriya ho rahe hain. kisi bhi narsing hom ya aspatal ki prasiddhi daektar ki nishtha ke sath-sath bhavan ke vastu par bhi nirbhar karta hai. aj bhi hamare bare kahte hain ki jab unke daektar unka hath bhar chu dete the to unka bukhar thik ho jata tha.
kai daektar vastu vigyan ki andekhi karte hain tatha is par adhik vishvas nahin karte. halanki hal ke samay men vastu vigyan ne apni amit chap chori hai tatha daektar bhi aspatal nirman ke purva vastuvidon ki salah lena nahin bhulte tatha unhin ki salah ke anurup aspatal ka nirman karte hain. aise hi aspatal lokapriyata hasil karte hain tatha arthik rup se bhi safal hote hain.
jin aspatalon men vastu siddhanton ki andekhi ki jati hai un aspatalon ko ya to aspatal kisi n kisi vivad men niyamit rup se uljhe rahte hain. kai bar inhen rakhrkhav, staf ki anupalabdhata evan sansadhan ki kami jaisi pareshaniyon se bhi jujhna parta hai. vastunurup aspatal ka nirman shighra hi achcha munafa dena praranbh kar deta hai tatha iski prasiddhi din-duni rat chaiguni failti hai.
aise aspatalon men akar rogi bhi kafi sahaj mahsus karte hain tatha unka rog shighratishighra thik ho jata hai. vastu siddhanton ke anurup aspatal ke nirman men nimnalikhit tathyon ka dhyan rakha jana avashyak hai:
bhaugolik sthiti: aspatal nirman hetu sthan chayan ke lie uski bhaugolik sthiti ka dhyan rakhna avashyak hai. jahan aspatal nirman ki soch rahe hain vahan yah dekhna avashyak hai ki us sthan ke purva evan uttar disha men jal srot athva prakritik drishya adi hain athva nahin.
in chijon ki upalabdhata aspatal ke lie kafi sakaratmak hai. dusri or jal srot dakshin disha ki or kafi nakaratmak mana jata hai. dakshin disha ki or pahar athva unche nirman achche mane jate hain. bhukhand: aspatal nirman ke lie sabse upyukt bhukhand niyamit akar ka mana jata hai arthat bhukhand aytakar athva vargakar hona chahie.
pravesh dvar: aspatal ka praveshadvar purva athva uttar disha se upyukt grid men hona chahie. anya dishaon se pravesh dvar banane ki sthiti men kisi yogya vastuvid se salah lena avashyak hai. aisa islie hai kyonki anya dishaon se bhi pravesh dvar banaye ja sakte hain lekin iske lie kuch savdhaniyan bartni avashyak hoti hain.
aepreshan thiyetr: aepreshan thiyetar ka nirman ishan, agney evan vayavya konon ko chorakar kahin par bhi kiya ja sakta hai. aepreshan thiyetar men aepreshan karte vakt daektar ka mukh sadaiv purva athva uttar disha ki or hona avashyak hai jabki rogi ka sir dakshin disha ki or hona chahie. aisa hone par aepreshan kafi sahjta se sanpann hoga tatha safal rahega.
saflta ki dar kisi bhi aspatal ki prasiddhi evan munafa ko prabhavit karte hain. yadi rogi khush hokar jata hai to uske dvara aspatal ke paksh men niahshulk prachar ho jata hai. aepreshan thiyetar men mashinen ev anya upakaran dakshin-purva disha men vyavasthit kiya jana chahie. avashyak aujaron ko rogi ke bed se dakshin athva dakshin-pashchim athva pashchim disha men rakha ja sakta hai.
paramarsh kaksha: daektar se paramarsh ka kamra mukhya bhavan ke dakshin-pashchim athva dakshin athva pashchim athva uttara-pashchim disha men rakha ja sakta hai. rogi ki janch karte vakt daektar ka munh sadaiv uttara-purva athva purva athva uttar ki or hona chahie. kamre men use dakshin-pashchim athva dakshin bhag men hi baithna chahie tatha rogi ko uske samne nahin balki uske bagal men is prakar baithna chahie ki s ka akar bane tatha yah s uttara-purva disha ki or unmukh ho. yah sansthan ke sabse pramukh daektar ki prasiddhi evan samriddhi barhayega. chikitsakiya upakaran kaksh chikitsakiya upakaran mukhya bhavan ke dakshin-pashchim, pashchim athva dakshin bhag men bane kaksh men rakha jana chahie.
stor rum: stor rum ka nirman dakshin-pashchim, pashchim athva dakshin bhag men karvaya ja sakta hai. stor rum ka nirman is prakar kiya jana chahie ki yah us flor ke anya kamron se adhik uncha ho. medikal varda/ ai. si. yuapatkalin vard ka nirman is prakar se kiya jana chahie ki jaise hi rogi aspatal men ae vah dakshin-pashchim bhag men sthit kaksh men bheja ja sake. isse rogi ko tvarit labh milta hai.
bed ko is prakar se sthapit kiya jana chahie ki rogi ka sir sadaiv dakshin disha ki or ho kyonki isse sharir men sakaratmak urja ka pravah hota hai tatha ilaj ki gati men teji ati hai jisse rogi ko turant labh ka ehsas hota hai. vikalp ke taur par yah bhag dakshin athva pashchim men bhi nirmit kiya ja sakta hai.
mandir: kisi bhi aspatal men ek mandir ka nirman avashya hona chahie. mandir ka nirman bhukhand ke uttara-purva kshetra men kiya jana avashyak hai.
vidyut upkrn: sabhi prakar ke bare vidyut upakaran bhukhand ke agney kon arthat dakshin-purva bhubhag men lagaya jana chahie. kaksh men athva avashyak bhubhag par inki sthapna us kaksh athva bhubhag ke dakshin-purva disha men kiya jana avashyak hai.
rogi kaksha: rogi ka kamra purn rup se havadar hona chahie aur iska pravesh dvar uttara-purva disha se hona chahie jisse ki sakaratmak kirnon ka nirbadh pravesh rogi ke kamre men ho sake jisse ki vah jaldi thik hokar ghar ja sake.
pine ka pani: pine ke pani ki vyavastha aspatal ke uttara-purva hisse men kiya jana chahie. bathrum ke lie sabse upyukt sthan purva athva uttar ka bhag hai.
pustakaly: medikal ki kitabon evan patrikaon ke lie pustakalay dakshin athva pashchim disha men achcha mana jata hai.
eksare: eksare ke lie dakshin-purva disha sabse upyukt hai atah bhukhand ke dakshin-purva disha men hi eksare kaksh ka nirman kiya jana chahie. kaksh men bhi kaksh ke dakshin-purva ke hisse men mukhya mashin rakha jana chahie.
nars kvartara: aspatal men karyarat narson ke lie staf kvartar ki vyavastha dakshin-purva evan uttara-pashchim ke hisse men kiya ja sakta hai.
chenj rum evan taeylet: chenj rum evan taeylet bhukhand ke dakshin athva pashchim bhag men nirmit kiya jana chahie.
jivan men jarurat hai jyotishiya margadarshan ki? abhi bat karen fyuchar point jyotishiyon se!