ank shastra men kundli milan v svasthya do. sanjay buddhiraja ank jyotish men mukhay rup se mulank (keval janm tithi ka yog), bhagyank (janm tithi, mah v varsh ke ankon ka yog) v namank (nam ke angreji aksharon ka sankhiyak yog) ko adhar manakar faladesh kiya jata hai. vivah ke sandarbh men var v vadhu ke namankon ko dekha jata hai. janmatithi ke adhar par mulank v bhagyank gyat karke bhi dono ke svabhav v bhavishya ka tulnatmak adhyayan kiya ja sakta hai. mukhay rup se dono ke namon ke anusar dono ka namank gyat kiya jata hai jo yah batata hai
ki bhavishya men dono ke bich men kaise sanbandh rahengen. udaharan ke liye yadi var ka namank 1 ho tatha vadhu ka namank 9 ho to ankshastra ke niyamanusar dono ka vaivahik jivan sukhamay rahega. ankshastra ke anya niyamo ke anusar, var v vadh u ke vibhinn namakanen ka paraspar sanbandh lekh men di gayi talika se jana ja sakta hai :- yadi dono jatkon ki janmatithi men koi ek ank do se adhik bar a raha hai to un dono ka milan thik nahin kaha ja sakta.
buy detail numerology report
ank v svasthya :- ankon ka jatak ke svasthya par bhi prabhav padta hai. yadi jatak ki janmatithi men kisi khas ank ka abhav hai to jatak ko us ank se sanbandhit svasthya-pareshani ho sakti hai. tab us ank se sanbandhit grah ke danadi v mantra jap se labh milta hai. lekh men di gayi svasthya talika se ank ke adhar par svasthya v uske upchar ke bare men jana ja sakta hai-
janmatithi men ankon ki adhikta ya kami ka hona :- yadi kisi jatak ki janmatithi men koi ank do se adhik bar ata hai to vah ank v uska svami grah apna mul svabhav chodakar apne viprit ank v uske svami grah ka svabhav apna leta hai. udaharan ke liye ankshastra ke anusar ank 8, jiska svami grah shani hai, vale jatak shani ke karan antrmukhi hote hain. parantu yadi kisi jatak ki janm tithi 28 agast 1988 hai to vah bahirmukhi hoga kyonki uski janmatithi men 8 ank do se adhik bar aya hai jiskaran yah 8 ank apne viprit ank 4 v uske svami grah rahu ka mul svabhav bahirmukhi ko apna leta hai.
isi prakar se jis ank ki janmaank tithi men kami hoti hai, jatak ke jivan men usi se sanbandhit kamiyan v pareshaniyan a jati hain aur yadi jatak ko us ank ke gun-dharm chahiyen to us ank se sanbandhit nimn upay kiye ja sakte hain :-
ank 1 hetu :- ank 1 ki kami hone se jatak ko jivan men age badhne ke liye dusron ke sahara ya paramarsh ki avashyakta parti hai. yah ank jal tatva se sanbandhit hai. atah surya ko tamra patra se ardhya den. ekveriyam ghar men rakhen. uttar disha men favvara rakhen. pyase vyaktiyon ko pani pilayen.
ank 2, 5 v 8 hetu :- ank 2, 5 v 8 bhumi tatva ke ank hain. at : shayanakaksh dakshin-pashchim men banayen. chakor dayning tebal ka prayog karen. ghar ke madhya men pila balb lagayen. ek rudraksh ki mala pahnen. dakshin-pashchim men pahadon ke chitra lagayen.
ank 3 v 4 hetu :- ank 3 v 4 kashth tatva ke ank hain. atah purva ya dakshin-purva men hare paudhe ya hariyali vale chitra lagayen, hara balb lagayen. mukhay dvar par vind chaims lagayen.
ank 6 v 7 hetu :- ank 6 v 7 dhatu tatva ke ank hain. atah pashchim ya u. p. disha men dhatu ki murtiyan rakhen ya pile rang ki vind chaims lagayen. pile rang ka piramid rakhen. dayen hath men sona pahnen.
ank 9 hetu :- ank 9 agni tatva ka ank hai. atah d. pu. disha men tandur ya ovan ya maikrovev rakhen. d. pu. men lal rang ka balb lagayen. baithak men fulon ke paudhe lagayen.
buy detail numerology report