kundli milan aur manglik dosh karan nivaran jab bhi jivnsathi ke chunav hetu grah melapak, kundli milan ki charcha hogi to manglik yog ki bat jarur hogi. danpatya jivan ko sukhamay v samriddhimay banane ki lok kamna manglik dosh se utpann vaidhavya, santanhinta, kalah, rog bhay se santrast rahti hai parantu manglik yog se darne ki avashyakta nahin hai. jyotish men yog v kuyog ka nivaran bhi hai. manglik yog shastron men: sarvarth chintamni, chamatkar chintamni, devkeralam, agastya sanhita, bhavdipika jaise granthon men mangal ke bare men ek shlok milta hai.
lagne vyaye patale, jamitre chashtame kuje. bharyabhartrivinashay, bhartushch strivinashanam.. arthat janm kundli ke lagn sthan se 1/4/7/8/12 ven sthan men mangal ho to aisi kundli manglik kahlati hai. manglik yog jarur dekhna chahiye, mangal apna prabhav jarur dikhata hai. chandra se manglik yog kya chandrama se bhi manglik yog dekhna chahie. janm lagn se evan janm ke chandrama donon se mangal ki sthiti par vichar karna chahie. - mangal, shani, rahu, ketu, surya ye panch krur grah hain. atah uprokt sthanane men inki sthiti v saptamesh ki 6/8/12 ven ghar men sthiti bhi manglik dosh ko utpann karti hai.
yah bhaum panchak dosh kahlata hai. - dvitiya bhav bhi uprokt grahon se dushit ho to uske shamnadi par vichar abhisht hai. - vivaharth drashtavya bhav men 2re, v 12ven bhav ka vishesh sthan hai. dusra bhav kutunb vriddhi, dhan, vani se sanbandhit hai jabki barhvan bhav shaiyya sukh se. chaturth bhav men mangal ghar ka sukh kharab karta hai tatha saptam bhav jivnsathi ka sthan hai, vahan patni v pati ke sukh ko nasht karta hai. - lagn sharirik sukh hai. atah asvasthata bhi danpatya sukh men badhak hai. - ashtam bhav guda v ling/yoni ka bhav hai atah vah rogotpatti ki sanbhavna deta hai. yogayog
1. lagn men mangal apni drishti se 1, 4, 7, 8 bhavon ko prabhavit karega. yadi ashubh hai to sharir v guptang ko bigadega, rati sukh mane kami karega evan danpatya sukh bigadega.
2. isi tarah saptamasth mangal pati, pita, sharir aur kutunb saukhya ko prabhavit karega.
3. chaturthasth mangl- saukhya, pati, pita aur labh ko prabhavit karega. chaturth mangal ghar ke sukh men kami karta hai.
4. lingmul se gudavdhi ashtamabhav hota hai. ashtamasth mangal indriya sukh, labh, ayu v bhai-bahnon par pratikul prabhav dalta hai.
5. dvadash bhav shayan sukh ka bhav kahlata hai.
shaiyya param sukh kanta hai tatha (barhvan) mangal shayan sukh ki hani karta hai. dhan bhav ka mangl-kutunb, santan, indriya sukh, avak v bhagya ko, ek mat se pita ko prabhavit karega. striyon ki kamvasna ka mangal se vishesh sanbandh hai. yah raj hai. masik dharm ki garbriyan prayah isi se dushit hoti hai. purush ki kam vasna ka sanbandh shukra virya se hai. mangal raktavarniya hai. shukra shvetavarniya hai. in donon ke shubh hone v samagam se hi santan pusht aur viryavan hoti hai.
agar kundli men kisi bhi drishti se mangal v shukra ka sanbandh n ho to santanotpatti dushkar hai. mangal makar men uchch ka hota hai aur shukra min men. janmakundli men dvitiya bhav dayan netra, dhan, vani, vakchaturya evan marak sthan ka mana gaya hai. dvitiya bhavasth mangal vani men dosh, kutunb men kalah karata hai. dvitiya bhav men agar mangal sthit hai to uski drishti pancham, ashtam evan navam men paregi. aisa mangal santti, svasthya, (ayu) evan bhagya men rukavat dalta hai. dvitiya sthan men mangal kutunb sukh men kami karta hai.
vani ashubh hoti hai.
5. jab kisi kundli ke 1/4/7/8 ya 12ven bhav men mangal ho to vah kundli manglik hoti hai. inhin bhavon men yadi mangal apni nich rashi men hokar baitha ho to mangal dvigunit prabhav dalega. mangal ke sath in bhavon men surya, shani, rahu, ketu ho to jyada prabhav dalega.
kundli milan ke niyam
1. yadi ek ke mangal 7ven men ho dusre ke 8ven men ho to milan n karen.
2. saman bhav men mangal ki sthiti donon ke jivan men dosh men vriddhi karegi.
3. saptamesh evan shukra par tatha saptamesh v guru par parne vale kuprabhav hon to bhi milan n karen.
4. mangal v saptamesh kin nakshatron ki dasha men sthit hai. yah bhi dekhna jaruri hai.
5. milan men janm kundli, chandra kundli, navmansh, shukra kundli, dasha mahadsha bhi dekh len.
6. nari dosh, grah maitri, grahon ka balabal bhi dekhna jaruri hai.
mangal dosh nivaran ke upay
1. var, kanya donon munga ratn jarit mangal yantra dharan karen.
2. kanya mangla gauri ka vrat karen.
3. vat savitri ka vrat karen.
4. mangal grah ke das hajar jap evan uski havnatmak shanti karen.
5. parvati mangal stotra ka nitya path karen.
6. manglvar ke 28 vrat karen.
7. pukhraj yukt ‘guru yantra’ gale men dharan karen.
8. guruvar ka vrat karen.
9. ghat vivah karen.
10. shukravar ka vrat karen.
11. shukra yantra dharan karen.
12. kanya brihaspati dev ki puja karen balak shukradev ki puja karen. vishesh upay vivah hetu mantra patni manorman dehi manovrittanusarinim tarini durgasansarsagarasya kulodbhavam yadi stri jatak path kare to patni ki jagah pati parhe.
1. yog maya mandir men jakar devi se pratah prarthana karen.
2. kanya ke vivah ulajhan ko dur karne vali devi parvati ji ki puja karen.
3. katyayni mata ki puja karen. mantra- katyayni mahamaye mahayoginyadhishvari nand sutan devan patin kurute namah!
4. vivah vilanb hetu sundar kand ka path karen.
5. un someshvaray namah mantra ka jap karen.
6. brihaspati ki nirantar puja karen.
7. somvar ko parvati mata ka shringar karen.
8. pukhraj dharan karen.
9. 90 din pipal par jal charhaen.
10. durga saptashati ka path karen.
11. hamesha pila rumal sath rakhen.