”ashram chatushtya ki dvitiya ikai ‘grihasthashram’ sampurn samajik gatyatmakata ki kendriya satta hai. grihasthashram men rah kar vyakti parivarik dayitvon ki purti karta hua apne samajik rinon aur kartavyon ka nirvah karta hai. shesh tinon ashramon men avasthit nagrikon ka uttaradayitva bhi grihasthashram par hota hai. is brihatayami dayitva-sanbhar ka paripalan tabhi sambhav hai jab dampatya jivan akunthit, adveshit, anahat aur anukul ho. inhin tathyon ko dhyan men rakh kar parinay se purva jatak aur jatika ke janmangon ka tulnatmak vishleshan kiya jata hai
is prakriya ko jyotish ki bhasha men ‘melapk’ kaha jata hai.
“1 ”anya deshon men stri sambandh laukik svarth ke lie kiya jata hai, parantu bharat men sabse bara sanskar aur dharmik kritya laukik aur parlaukik donon ke lie hai, kyonki ‘aputrasya grihan shunyam’ tatha ‘aputrasya gatirnasti’ donon baten shastra men milti hain. vivah se hi trivarg arthat dharm, arth aur kam ki prapti kahi gai hai. yatha - ‘bharya trivarg karnan shubhshilyukta.’ jab in tin padarthon ki siddhi ho jati hai tab us purush ko moksh bhi hastagat hi janna chahie.
“2 ”bharatavarsh men koi bhi pradesh aisa nahin hai jahan melapak n dekha jata ho - visheshta yahi hai ki kisi pradesh men kisi vastu ki pradhanta dusre sthan men dusri vastu ki pradhanta ho gai hai. melapak ko desh bhed se - melapak, ganna, ghatit, gunvichar, jotak, jorava tatha anukulya adi kahte hain.“
3 melapak ka artha: dae. suresh chandra mishra ke anusar ”mel karane ki chij ka nam melapak hai. isse yah bat jani jati hai ki stri-purush athva svami-bhritya inmen maitri kis prakar ki hogi - tatha grih banane ka sukh kaisa hoga.
“4 dae. shukdev chaturvedi ne ise aur spasht karte hue kaha hai ki, ”do yuglon ki kundali ki grah sthiti aur janm nakshatra ke adhar par unki prakriti evan abhiruchi men samyata tatha purakatva ka vichar melapak kaha jata hai. jo log ek dusre ke purak hote hain athva yah kahie ki jo log ek-dusre par ashrit rahte hain unka sath lambe samay tak chalta hai. melapak men isi samanta evan purkta ka vichar kiya jata hai. atah ham kah sakte hain ki melapak jyotish-shastra ki vah riti hai, jiske dvara kisi aprichit yugal ki prakriti evan abhiruchi ki samanta tatha jivan ke vividh pahluon men unki paraspar purkta ka vichar kiya jata hai.
“5 dae. chaturvedi ne milan se purva kuch anya tathyon par bhi vichar karne par bal diya hai. unhonne yagyavalkya-smriti men jo sukhad dampatya jivan ke melapak se pahle ke jo anya tathya hain. ve is prakar batae hain ki var aur kanya ke jyotishiya milan se purva unke vyaktitva, svasthya, shiksha, arthik nirbharata, kul aur parampara ki samanta hai. dae. chaturvediji ke anusar ”dampatya jivan sukhamay rahega ya duahkhmy? aur ise sukhamay kaise banaya ja sakta hai? - is prashn ka shastriya riti se samadhan jyotish shastra ke manishi acharyon ne sudur prachin kal men hi kar liya tha. unhonne sukhamay dampatya jivan ke lie upyukt var-vadhu ka chunav, unke gun-doshon ka vichar, unki prakriti evan abhiruchi men samanta, paraspar purakatva bhav adi ka vichar karne ke lie shastriya niyamon ka pratipadan kiya aur fir inke parinam svarup dampatya jivan men ghatit hone vali shubh ya ashubh ghatnaon ka vivechan kiya.
“1 ”vivah se purva var evan vadhu ki bhali bhanti tatha savdhani purvak pariksha kar leni chahie. yah pariksha unmen vidyaman gun evan doshon ke adhar par hoti hai. is prakar gun evan doshon ka vichar karne ke bad jo var-vadhu yogya evan upyukt lagen unka melapak milana chahie.
“2 ayogya ya anupyukt larki-larke ka vivah karne se unka dampatya jivan kleshamay ban sakta hai. unhonne var ke vicharniya gun evan dosh ka varnan is prakar kiya,
”1. achcha svasthya, 2. samuchit shiksha, 3. uttam charitra, 4. achcha bhagya, 5. dirgh ayu evan 6. santanotpadan ki kshamata. tatha dosh is prakar batae hain - 1. alpayu, 2. rogi, 3. napunsak, 4. vyabhichari, 5. daridri, 6. sannyasi, 7. santanhin, 8. vidhur evan bahu vivah karne vala hona.“3 unhonne kanya ke gun-doshon ka varnan is prakar kiya hai - kanya ke gun ”1. achcha svasthya, 2. shalin svabhav, 3. achcha bhagya, 4. samuchit shiksha, 5. pativrata hona aur 6. santan sukh ka yog. kanya ke pramukh dosh - 1. asamyik mrityu ka yog, 2. rogini hona, 3. vyabhicharini, 4. daridra, 5. vidhva yog, 6. vandhya, 7. kak vandhya, 8. mritavatsa evan 9. vishakanya hona.“4 dae. suresh chandra mishra ne var tatha kanya ka chunav unke lakshanon dvara karne ka nirnay karte hue is prakar kaha - ”shastra ki agya hai ki vriddh, gunhin, murkh, daridri, rogi, badnam, ghrinit, ati krodhi, apbhashak, viklang, napunsak adi var se kanya ka vivah n karen. mu
kul, svasthya v rojgar in tinon baton ko var ke vishay men achchi prakar se dekh lena chahie tatha nirlajj, rogi, karkash, viklang, atyadhik bhure rang val (kabri), bhayankar nam vali, jise dekh kar man men prem n upje v akarshan n ho arthat avyavasthit rahne vali kanya se vivah n karen. atyant chaid e mathe vali atyant chote mathe vali, sare sharir par rom vali kanya ko bhi tyajya kaha hai. melapak se purva kuch baton ka dhyan rakhne par vishesh bal dete hue shrimti gayatri vasudev kahti hai ki - ß
when a prospective groom or bride is found unsuitable at the very fi rst instance, there is no point in commending the match on astrological grounds. for example, such unsuitability may arise out of a wide difference in academic qualifi cation, physical appearance, cultural or economic background in which case there would be no point in studying the charts since common sense would warn against such a match. sooner or later, in most cases, such differences may surface bringing in an everwidening gap between the two, making marital life meaningless.
5 vivah hetu sarvapratham var-vadhu ke mata-pita ke kul ki pariksha avashyak hai. manu ne kulotkarsh hetu uttam kul se vaivahik sambandh sthapan ka nirdesh diya hai. yatha - ”uttamairuttamairnityan sambandhana charetsah. ninishuah kulmutkarshamadhamanadharmanstyajet..
“6 melapak ke bhed: vivah hetu upasthit janmangon ka melapak karte hue sarvapratham var-vadhu ki ayu, svabhav, prakriti, pravriÿia, mansik-sharirik gathan, charitra v mahattvakanksha adi binduon par dhyan karna avashyak hai. is sandarbh men mridula trivedi melapak men ”nakshatra-melapk’, ‘grah-melapk’ tatha ‘bhav-melapk’ tin bhed svikar karti hai
“7 jabki dae. shukdev chaturvedi ”melapak ke do bhed ”nakshatra-melapk’ tatha ‘grah-melapk’ svikar karte hain.
“1 dae. kursija, es.si. bhi ”janm kundali melapak ke do bhed mante hain - ‘grah milan’ tatha nakshatra milan.
“2 dae. radheshyam mishra ne janm kundaliyon ka milan janma-nakshatra, janma-rashi, grah-sthiti tatha bhavon ke madhyam se janne ki avashyakta par bal diya hai.
“3 dae. nemi chandra shastri ne safal dampatya-jivan ke lie nakshatra, grah, rashiyon ke atirikt janm kundaliyon ke shubh aur ashubh yogon dvara var aur kanya ke svabhav aur gun ka nirnay karne ki bat kahi hai.
“4 shri ram yatan ojha ne chandra rashi v chandra nakshatra se melapak par bal diya hai. unke anusar - ”jyotish ke falit shastra men do hi vastuon ki pradhanta hai - lagn v chandrama. lagn ko sharir tatha chandrama ko man kahte hain. islie prem sambandh men tatha vivah men apsi prem sambandh bana rahe islie chandra rashi se tatha chandra nakshatra se melapak ka vichar kiya jata hai.
“5 grah melapak tatha bhav melapk: kut vichar ko sabhi jyotish ke acharyon ne svikar kiya hai, kintu grah-melapak v bhav melapak melapak men matbhed hai. priyavrat sharma ke anusar ”vashishth, narad adi sanhita granthon men var-kanya ke vivah sambandh ke nirnay ke lie keval varn gan, nari adi kuton ke vichar ki hi bat likhi hai. in granthon ke milan prakrnon men in kuton ke kufal evan inke parihar adi ki suvistrit vivechna milti hai aur inhin kuton ke adhar par hi var kanya ke vivah sambandh ki shakyashakyata ka vahan nirnay kiya gaya hai. lekin vahan kahin bhi kundali milan ki charcha tak nahin hai. 16vin shati ke muhutrtachintamni, muhutrt matrtand adi muhutrt granthon men bhi milan ke prasang men ashtakuton ko hi vicharya likha gaya hai. janm kalik mangal adi ki sthiti adi se milan ka koi sambandh in mauhutrtikon ne kadapi nahin mana.
17vin shati ke prashnamarg ka anukulya (milan) prakaran suvistrit hai. vahan bhi varn adi kuton ko hi vivah sambandh ke lie ekmatra adhar likha gaya hai. jyotirvidabharan adi samast prachin muhutrta-granthon men bhi kuton ko hi var kanya ke sambandh ke lie vicharniya vishay batlaya gaya hai.“6 ”vivah vrindavn’ jiska ekmatra vishay var-kanya ke safal vivah sambandh ke jyotish shastriya adhar ka sangopang vivechan hi hai, keval ashtakuton ka hi vivechan karta hai. iske rachyita keshvark ne bhi milan ke prasang men ashtakuton ke alava anya kisi vishay ko nahin mana. ‘vrihajjatk’ (5-6 thi shati) adi ke sabhi prachin jatak granthakaron ne dampatya jivan ko daurbhagya-saubhagyashali banane vali grah sthiti, yuti adi ka suvistrit falit shastriya vivaran avashya diya hai, lekin var-kanya ki grah sthiti ke milan se uska koi sambandh unhonne kahin bhi pradarshit nahin kiya.
atyant paravarti (shayad 16vin shatabdi ke) daivagya vaidyanath ki kriti ‘jatak parijat’ men var-vadhu ki grah-sthitiyon ke milan se dampatya sukhhari kuyog ke kufal ki nivritti ki bat keval is shlok men avashya milti hai - ‘dyun-kutumgatau yadi payau dar viyogj-duahkh karau tau. tadrishyogj-daryutashchet jivti-putra dhanadiyutashch..’7 ‘muhutrt chintamni’, ‘dharm sindhu’ tatha ‘bhavkautuhl’ adi ke katrtaon ne var-kanya ki janm kalik grahasthiti se utpann vaidhurya evan vaidhavya yog ke doshon ki nivritti ke lie prajapatya, chandrayan vrat tatha kumbha-pratima vivah ko hi batlaya hai.
‘markandey puran’ men bhi vaidhavya yog ki shanti ke lie kanya ke kumbha-drum-pratimadi ke sath vivah ki prakriya ka nirdesh hai. iske pratikar ke rup men kundali milan ka in shastrakaron ne sanketmatra bhi varnan nahin kiya hai.