janmakundli ki tarah hi 1 se 9 tak ke sabhi ankon ka brahmand ke sabhi 9 grahon se sanbandh hota hai aur har ank ka apna ek adhipti grah hota hai. kundli ke 12 bhavon par ankon aur grahon ke parne vale prabhavon ka vishleshan kar kisi vyakti ke bare men jankari prapt ki ja sakti hai. ek jatak ki janmakundli ka ank vidya evan grahon ke adhar par vishleshan is prakar hai.
jatak ki janmatithi 30-8-1964 mul ank: 3$0 = 3 bhagya ank = 3$0$8$1$9$6$4 = 4 mul ank v bhagya ankon ka yog 3$4 = 7 ank svami 3 guru 4 rahu 7 ketu janmakundli men ank prabhav:
- 3, 4 tatha 7 ank ki kundli men bhav sthiti tatha un bhavon par grahon ka prabhav dekhna.
- guru, rahu tatha ketu ki kundli men sthiti tatha in par grahon ka prabhav dekhna.
- ank 3 lagn ka svami bana, parantu usmen rahu hai jo ank 4 ka svami hai. tatha 7 ank ke svami ketu ka drishti prabhav hai.
- ank 4 ka svami grah rahu lagn men hai tatha ank 4 dhanesh hai. n
- ank 7 ka svami ketu, guru ki mulatrikon rashi men hai tatha lagn ko purn drishti se dekh raha hai aur ank 7 panchmesh hokar saptamesh hai. bhav vishleshn
- rahu pancham bhav (sankhya 7), saptam bhav (guru) tatha bhagya bhav ko purn drishti se dekh raha hai. rahu jahan baithta hai vahan se dasham bhav par purn niyantran rakhta hai.
- ketu saptam bhav men baithakar labhesh, lagnesh tatha parakramesh ko prabhavit kar raha hai.
- lagn, pancham, saptam tatha dasham bhav evan guru purn rup se prabhavit hain. kundli men dashmesh dvadesh hai arthat karm ka deri se uday hona darshata hai. mul aur bhagya ank ki yuti chandal yog bana rahi hai tatha ketu ka purn prabhav bhi hai.
ankon ke svami grahon ka jivan par prabhav ank 3: guru - dhan aur santan ka deri se prapt hona. ank 4: rahu - jaldi-jaldi karya karna, parantu nirnay kshamata men kami. ank 7: ketu - asafal prem sanbandh, vivah men deri, joron men dard. ketu ke karan uparyukt jatak ki do santanon ki mrityu hui. rahu aur ketu ke karan guru ke karak tatva vishesh rup se prabhavit ho rahe hain.
dasha vishleshn: bhagya ank 4: rahu ki dasha 1983 se 2001 tak rahi. is dasha men jatak ne naukri ki, jismen use koi vishesh labh prapt nahin hua. vyapar kiya parantu usmen dhan ki kshati hui.
mul ank 3: guru ki dasha san 2001 se chal rahi hai. parantu abhi tak jatak jivan men safal hone ka prayas kar raha hai.
nakshatra vishleshn: guru (sankhya-3) surya ke nakshatra men aur rahu mangal ke nakshatra men hai. chunki mithun lagn men mangal ko ek ashubh grah kaha gaya hai aur mangal lagn men hi baitha hai, rahu ka mangal ke nakshatra men hone ke karan rahu dasha fal achcha nahin raha tha. ketu (sankhya-7) apne hi nakshatra men hone ke karan purn bali hai, usne jatak ko purn ashubh fal pradan kie. abhi jatak ke joron men dard rahta hai. nishkarsha: ank vidya men grahon tatha janmakundli ke grahon ka laghutam len to rahu ka sthan sarvapratham ata hai. arthat rahu bhagya ank ka svami bhi hai tatha lagn men bhi hai aur kundli ko prabhavit kar raha hai.
upay: bhairav upasna, man sarasvati ki puja tatha rahu se sanbandhit vastuon ka dan karna chahie aur gomed ratn jivan bhar dharan karna chahie. ketu ki vastuon ka dan bhi karna chahie. guru, brahman tatha baron ka adr-samman karna chahie taki guru ko bal prapt ho sake.
jatak ki janm tithi: 18-7-1963 mul ank: 9 (svami grah mangl) bhagya
ank: 8 (svami grah shani) mul aur bhagya ank ka yog: 8 mulank 9: jatak ka lagnesh mangal hai (sankhya 9) dhanesh bhav ka svami hai parantu ketu vahan upasthit hai. mangal shatru rashi men virajman hai. bhagyaank 8: ank 8 lagn ka svami bana tatha shani apni hi rashi men hai.
jatak par prabhav:
- mangal ke karan jatak men kafi krodh hai.
- shani ke karan pratyek karya men rukavat ati hai. dasha prabhav: jatak ka janm mangal ki dasha men hua tatha janm nakshatra mrigshira hai. jatak par 5-12-2000 se shani ki dasha prabhavi hai. mul aur bhagya ank ki yuti ka prabhav: mangal tatha shani ki yuti ashubh mani gai hai jo chot ityadi ko darshati hai. shani ki dasha men jatak ki tang par plastar charha. ankon ke svami grahon tatha janmakundli ke adhar par jatak par anya grahon ka prabhav spasht dikh raha hai.
jatka ki janm tithi: 6-3-1982 mul ank: 6 bhagya ank 2: mul aur bhagya ank ka yog: 8 6, 2 tatha 8 ankon ke svami kramshah shukra, chandra aur shani hain.
mul ank 6: is ank ka svami grah shukra hai jo lagn ka svami bana. lagnesh rahu se drisht hai. ank 6 kundli men dvadash bhav ka svami bana, jismen sankhya 8 ka svami shani vidyaman hai. bhagya ank 2: is ank ka svami grah chandrama hai aur janmakundli se dekhen to jatka ki rashi kark hai jiske svami chandrama hai. sankhya 8: shani dvadash bhav men hai. mul aur bhagya ank ke adhar (yuti) par jatka sundar tatha komal hriday vali hai
parantu shani ke prabhav ke karan karya safal karne men svayan ko asamarth mahsus karti hai. upay: bhagvan shiv ki aradhna karna tatha pipal ke vriksh par jal charhana shubh rahega. isse rashi aur bhagya ank ko bal prapt hoga tatha shani ki vastuon ka dan karne se shani dosh dur hoga. nishkarsha: yadi kisi jatak ki janm tithi ho parantu janm samay gyat n ho to tithi ke adhar par fal kathan kiya ja sakta hai.