hipnothirepi dvara safal aur nirbadh jivan prapti sangita gupta manushya ko parmatma ne bahut sari shaktiyan dekar bheja hai. par svayan manushya se ye shaktiyan aksar chipi rahti hain kyonki vah apne ap ko janta nahin hai. jo rishi-muni tapasya dvara un shaktiyon ko jan lete hain ve unhen prapt kar lete hain.
adhunik yug men aisi hi ek rahasyamay shakti ka nam hai, hipnothirepi athva hipnosis. yah hamare man ki shakti hai. us par kam karte samay bren anek prakar ki bren vebs utpann karta hai, jo pure brahmand ko prabhavit karti hain. inhen alfa, bita, gama, dailta kahte hain.
alfa aur dailta tarangen kafi prabhavshali hoti hain. alfa leval ki bren vev hipnotist se upalabdh hoti hai. alfa leval men ja kar manushya apni ichcha, akanksha, samasya ityadi ka samadhan kar sakta hai. hipnothirepi ka upyog purva janm, bhavi janm, sprit rilij v sprit gaids se batchit ityadi men kiya ja sakta hai.
mere pas ek vidyarthi aya jo lae kar raha tha. vah bar-bar fel ho jata tha. hamne us par fyuchar hipnothirepi ka saishan liya. kuch saishan men to use kuch nahin dikha, par thora mehanat karne ke bad use pariksha ke prashnapatra men ane vale 4-5 prashnon ka abhas ho gaya aur vah achche nanbar se pas ho gaya. fir bhi hamne use salah di ki vah baki silebas ko bhi achche se parhe aur chans n le. usne aisa hi kiya. hipnothirepi ka uddeshya chetna do prakar ki hoti hai.
chetan man aur achetan man. chetan man men mastishk ki keval das pratishat kshamata heati hai parantu achetan man men brahmand ki sari jankari, shakti, yaddasht vidyaman hoti hai. achetan man men pahunchna hi hipnothirepi ka uddeshya hota hai. achetan man hamen har badha, vighn, dushman ityadi se mukti dila sakta hai. achetan man ki programing se ham apne grahon ko bhi apne vash men kar sakte hain.
kuch varsh purva mainne kalakatta ke ek vikhyat jyotishacharya ke sath kam kiya unhonne apne upayon ke sath-sath hipnothirepi ki taknik ko bhi apnaya. ve mujhe apni klaint ki samasya fon par batati aur uske jo grah nakshatra anukul hote the main uske adhar par klaint ke lie hipnothirepi ki sidi banakar bhej deti thi. hamen bahut achche parinam milne shuru ho gaye. prayog kamyab raha.
dhire-dhire unhonne bhi jyotish vidya ke sath-sath hipnothirepi bhi apna lin. ab unke klaint kafi achche parinam apne jivan men pa rahe hain. hipnothirepi kaise kam karti hai jab ap gahri tanavshunya avastha men hon, use hipnothirepi avastha kahte hain. us samay achetan man grahnshil hota hai, vah sab kuch man leta hai.
us samay achetan man yani alfa leval aisi bren vevs bhejta hai jo brahmand men apke karya ki purti karva sakta hai. pahle jamane men eksare tatha medikal test nahin hote the, fir bhi dhyanavastha men vaidya, muni v gyani vyakti rogon ke bare men ankh mund kar hi jan liya karte the. ve apne achetan man men jakar us gyan ki prapti kar lete the.
hipnothirepi ek purani vidya hai jo aj nayi jaisi lagti hai. par uska upyog anek vidvan log bahut hajaron sal se kar rahen hai. yah sikhne men bahut hi saral hain mainen to apni ek yu.ke ki shishya ko fon aur skaip par iska prashikshan diya. par achcha rahta hai yadi guru ke samipya men 3-4 din lagakar ise sikha jae.
hipnothirepi ka upyog bachchon ke upar bhi kiya ja sakta hai. dar, atmavishvas ki kami, narvasnais, chinta, dipreshan, tanav, smriti-lop ityadi samasyaen hone ki sthiti men bachchon ko hipnotaiz karke unki mastishk ki kshamata ko bachapan se hi barhaya ja sakta hai. hipnothirepi vyakti ke ilaj men bhi karagar sabit hoti hai. kainsar tatha eds jaise rogon men hipnothirepi dvara rog ki tivrata ko kam kiya ja sakta hai.