srishti men sadiyon se saikron tarah ki siddhiyan hain-tantra - mantra, jadu-tona, sammohan, vashikaran, taran, maran, stanbhan adi. in siddhiyon ka apna vishesh mahatva hai. ek prashn har jigyasu man ko vichlit karta hai ki inke mapdand kya hain. kisi bhi siddhi ki jar men jane ka matalab hai gahre samudra men gota lagana. aisi hi ek siddhi hai tantrik jari-buti jis par durbhagya se jyada shodh nahin hua hai. yadyapi bharat ke prachin siddh sadhkon ne inke prabhav ko mahatvapurn bataya. is prakriya se vanaspati itni jivant v prabhavi ho sakti hai ki sara jivan hi badal de. kisi visheshagya ki madad se koi bhi vyakti tantrik jari-buti ka sahara lekar asanbhav karya sanbhav kar sakta hai.
sammohan v vashikaran se yash, kirti, shatru - shaman, dhan-vaibhav ki prapti, rog nivaran, karjamukti, rajniti men uchch pad adi ki manokamna puri kar sakta hai. jin vanaspatiyon ko ham hin drishti se dekhte hain ve kitni faldayi v upyogi hain, iska vivaran unse sanbandhit prachin granthon men dekha ja sakta hai. ayurvedik granthon men vanaspati ko tin vargon men banta gaya hai - devagan, manavagan v rakshasagan. jis vanaspati ko jis gan men shamil kiya gaya hai usmen us gan ke gun hote hain. vaidik, daihik v bhautik kriyaen hamare sanpurn jivan chakra ka adhar hain. vibhinn vanaspatiyon men praniyon nirog rakhne ki apar kshamata hoti hai.
hamare rishi-muniyon ne unki inhin kshamataon ko pahchanakar jivan chakra men ane vali kamiyon v samasyaon ke nirakaran khoje. ye jari butiyan hamari mitra hain, hamare jivan ko sukhamay banati hain aur hamare shatruon ka shaman karne men hamari sahayta karti hain. kintu, inka upyog shastrokt vidhi vidhan ke anusar kisi visheshagya se paramarsh lekar karna chahie. in jari butiyon men gultura (divyata pradanakarta ), tapasadrum (bhutadi grah nivark), shal (daridrata nashk), bhojapatra (grah badhaen nivark), shankhpushpi (alakshmi v bhut-pret nivark), kali haldi (tantrik kriya hetu achuk), vishnukanta (muth kriya v shatrunashk), mangalya (tantrik kriya nashk), gulbas (divyata pradanakarta), jivak (aishvaryadayini), gorochan (vashikrn), hathhori (vashikrn), guggul (chamunda siddhi hetu), agast (pitri dosh nashk), apamarg (bajikrm), banda (chunbkiya shaktidata), shvet v kali gunja (bhut-pret v pishach badha nashk), utktari (rajyog data), mayur shikha (dushtatma nashk), ekakshi nariyal adi pramukh hain.
vrikshon men chupa parimal badal sakta hai jivan hamare rishi muniyon ne rangon, dishaon, rashiyon, vanaspatiyon, grahon, nakshatron adi ka gahrai se adhyayan kiya. jan sadharan ke hitarth pujan ki kai vidhiyan viksit kin. unhen manushya ke sharirik, mansik aur arthik vikason men a rahi badhaon ko dur karne men maharat hasil thi. hamari laprvahi ya yon kahen ki hamare durbhagya se unki khojen lupt hone ki kagar par hain. ayurved ek utkrisht vigyan hai jise jan kalyanarth sahi disha men punah sthapit karne ki jarurat hai.
ham apni anmol dharohar ko pahchanen aur ismen chupe hue rahasyon ke prayog se apni sharirik pareshaniyon se mukt ho apne arthik v mansik parivesh ko badlen. pandulipiyon se pata chalta hai ki har rashi ka apna ek vriksh hota hai aur uske kuch nakshatra hote hain. nakshatron ke bhi kuch vriksh tay hain. rashi ke anurup din, rang, var, disha adi ke anusar dhyanpurvak puja-archana kar vriksh ko siddh kiya jae to vah apne andar chipe adrishya parimal ka utsarjan karega. u