shatru badha nivaran aur baglamukhi dae. anil shekhar shatru sanhar ke lie tatha shatru badha ke nivaran ke lie agar koi sadhna hai, to vah hai bhagvti baglamukhi sadhna. rajasatta par baitha vyakti, chahe vah koi bhi ho, anivarya rup se is sadhna ki prapti ke lie atur hota hai. itihas sakshi hai ki bharat ke bahut se rashtrapti tatha pradhanmantri datiya men baglamukhi ke siddh pitanbar pith par apna matha tekne ate rahe hain. baglamukhi ko stanbhan ki devi mana jata hai. vah shatru ka stanbhan kar dene men advitiya hain. shatru badha ho, ya korta-kachahari ka chakkar, baglamukhi sadhna se anukulta ki prapti hoti hi hai. bhagvti baglamukhi ke mantra ke bare men yah kaha jata hai, ki yah akela mantra prachand tufan ko bhi rokne men purnatah saksham hai. aise advitiya mantra ki sadhna karna jivan ka saubhagya hota hai. apni jivan raksha tatha viprit paristhitiyon se bachav ke lie yah advitiya hai. baglamukhi sadhna ke lie kuch vishesh savdhaniyon par dhyan dena anivarya hai: purn brahmacharya ka palan karen. sadhna kram men stri sparsh, charcha, sansarg ka purnatah nirjit (jagrat aur svapnavastha, kisi men bhi) hota hai. sadhna darpok vyaktiyon ko tatha bachchon ko nahin karni chahie. baglamukhi devi apne sadhak ko bhaybhit kar ke pariksha leti hain. sadhna kal men bhayanak avajen, ya vichitra abhas ho sakte hain. islie drirh ichcha shakti aur sankalp se yukt vyakti hi sadhna karen. sadhna se pahle guru ka dhyan aur pujan anivarya hain. baglamukhi ke bhairav mrityunjay hain. islie sadhna ke purva ek mala mahamrityunjay mantra ka jap karen. pile rang ke vastra tatha asan hone chahien. sadhna uttar ki or dekhte hue karen. mantra jap haldi ki mala se karen. haldi ki mala bajar men mil jati hai. yadi n mile, to haldi ki ganthon ko pani men bhigo den. ve ful kar mulayam ho jaengi. tab 108 tukre kat kar mala gunth len. ek tukra sumeru, arthat mala ke praranbh ko ingit karne vala bich ka manka, bana kar laga len. is prakar 109 tukron ki jarurat hogi. yad rakhen, katne aur gunthne ka kam gile tukron se hi karen. yadi sukhe tukron ko chedne ki koshish karengen, to ve tut jaenge. ab is gunthi hui mala ko sukha len aur mala taiyar hai. isse mantra jap kar sakte hain. jap ke bad yah mala apne gale men dharan kar len. is bat ka dhyan rakhen ki ise koi anya vyakti sparsh n kare. yadi is bat ka dar ho, to jap ke bad mala sadhna kaksh men hi rakhen. sadhna ratri 9 se 12 baje ke bich praranbh karen. mantra ke jap ki sankhya nishchit karen. yah sankhya svayan ki kshamatanusar nishchit karen. is prakar kam se kam 16 din tak mantra jap karen. mantra jap shukla paksh men hi praranbh karen. nav ratri sarvashreshth hain. mantra jap ke pahle hath men jal le kar apni ichcha, spasht rup se bol kar, vyakt karen. galat ichcha, ya parpira ke lie prayog n karen. mantra jap ke samay yadi avaj apne ap tej ho jae, to use n roken. sadhna kal men iski charcha kisi se n karen. sadhna kal men tel, ya ghi ka dipak avashya jalaen. shatru nash ke lie baglamukhi mantra ¬ inin baglamukhi sarvadushtanan vachan mukhan padan stanbhay jihnan kilay, bu(in vinashay inin ¬ svaha.. baglamukhi bij mantra inin apni kshamatanusar shatru nash, ya bij mantra ka upyog karen. purashcharan, arthat purn anushthan 125000 mantron ka, ya 1250 mala jap se purn mana jata hai.
Kya aapko lekh pasand aaya?
Subscribe