‘‘sadhvo hridyan mahyan sadhunan hridyan tvaham. madanyate n jananti nahan tenyo managpi..’’ ‘‘sajjan mera hriday hain, main unka hriday hun. vah mere sivay kisi ko nahin jante aur main unke sivay kisi ko nahin janta.. ‘‘shrimadbhagavat - 9ah4/68 hriday rog, adhunik jivan shaili ka sarvasamanya sarvalaukik kasht hai. adhunik samay men mansik tanav, vyavsayik spardha, akhadya-apachya bhojan, vyayam ki kami, sharir ki kam kriyashilta, dhumrapan adi is rog ki or unmukh karte hain. jyotishiya drishtikon: chaturth bhav jatak ke vaksh sthal ka suchak hai. pancham bhav kalpurush ke hriday ko suchit karta hai. surya hriday ka karak hai.
yadi chaturthesh/panchmesh 6, 8 ya 12ven bhav men sthit ho, chandra v surya nirbal ho, chaturthesh/panchmesh krur grahon se drisht ya yut ho to jatak hriday rog se pirit hota hai, yadi ye shubh navanshon men hon to rog ki ganbhirta kam ho jati hai. yadi chaturth /pancham bhav men surya-chandra tatha chaturthesh par mangal ki drishti ho to jatak ko hart ataik (daura) parte hain jo lailaj hote hain.
shani grah ki drishti hriday ko kamjor bana deti hai tatha jatak lanbe samay tak hriday rog se grast rahta hai jisse uski ayu kam ho jati hai. ayurvedik drishtikon: hriday (surya) dvara rakt (mangl) fefron (chandrama) tak bheja jata hai jahan rakt men aeksijan ghul jati hai aur rakt men vidyaman anupyogi vayu ke ansh fefron men akar shvans dvara sharir se bahar nikal jate hain. aeksijan yukt rakt fir hriday men chala jata hai aur hriday use sanpurn sharir men bhej deta hai.
ek bar shvans lene par 1200 mi.li. aeksijan rakt men ghul jata hai, jiska sharir panch minat men hi upyog kar leta hai. is sari pranali ko ‘kaerdiyo vaiskyular sistama’ kahte hain. jab yah pranali apne niyamit rup men karya karne men aksham hone lagti hai to ‘hriday rog’ ke lakshan shuru ho jate hain. hriday rog ke jyotishiya udahrn
udaharan 1: kadiyomayopaithi-hriday rog lagn kundli yah stri cardiomyopathy rog se pirit hai, jo dhire-dhire barhne vala ‘hriday ki manspeshi’ ka ek vanshanugat rog hai. iske thik hone ki sanbhavna kam hoti hai. lagn men vakri guru, lagnesh shani ashtam men, shashthesh budh tatha ashtamesh surya ke sath sthit hai. saptam men nich ka mangal lagn (svasthya tan ka) ko dekhta hai.
ashtam men sthit surya ke ek or shani tatha dusri or budh hai. panchmesh nich ka shukra rahu-ketu ke aksh par hai. pancham tatha panchmesh shukra, vakri guru se tatha pancham bhav shani se drisht hai. chaturthesh + panchmesh nich ke hain. surya + chandra pirit hain. navansh kundli: pancham bhav shani tatha mangal se drisht hai jabki panchmesh shukra mangl-shani tatha rahu-ketu aksh ke prabhav men hai. surya uchchasth hai parantu pancham bhav adhik pirit hai. dreshkan kundli: surya ashtam bhav men hai. pancham bhav rahu-ketu ke aksh (5-11men) par tatha panchmesh mangal tatha shani se drisht hai. surya se chaturth tatha pancham bhav kramshah rahu aur shani se pirit hain. dvadshansh kundli: shashthesh pancham men hai tatha panchmesh ko dekhta hai jo mangal se bhi drisht hai. surya se chaturth tatha pancham bhav pirit hai.
udaharan -2: ‘‘kaeronri artari dijij’’ (balloon angioplasty) se jatak pirit hai jise ‘‘baipas shalyakriya’’ se niyantrit kiya gaya. panchmesh surya shashthesh budh evan rahu ke sath hai parantu guru ke samip (anshon men) hai. pancham bhav jahan sinh rashi bhi hai, shani tatha guru se drisht hai. surya se pancham bhav shani, guru tatha mangal se drisht hai. lagn tatha surya se chaturth bhav pira rahit hai. navmansh kundli: navmansh kundli men panchmesh surya do naisargik shubh grahon ke sath hai tatha tisre chandra se drisht hai, jabki shani se bhi drisht hai, pancham bhav pira rahit hai jabki surya se chaturth tatha pancham bhav pirit hai.
dreshkan kundli: surya punah panchmesh hokar uchch rashi men hai tatha guru, shukra v mangal ke prabhav men hai. pancham bhav, ashtam bhav men sthit shani se drisht hai.
udaharan 3: is jatak ki ‘‘koronri baipas sarjari’’ 25 julai 1990 ko hui aur aepreshan asafal raha tatha rog ke lakshanon se rahat nahin mili. lagn kundli: surya chaturth bhav men shashthesh mangal tatha vakri shani se pirit hai. lagn se chaturth bhav tatha surya se chaturth bhav pirit hai. pap grah sinh rashi ko pirit kar rahe hain.
panchmesh guru nich hai tatha ashtamesh budh ke sath hai. navmansh kundli: surya pancham bhav men rahu-ketu aksh par hai jabki panchmesh shashth bhav men, nich ashtamesh chandra dvadash bhav se panchmesh mangal ko dekh raha hai. surya se pancham jo sinh rashi bhi hai shani tatha mangal se drisht hai. dreshkan kundli: surya ashtam bhav men nich rashi men hai tatha rahu-ketu ke aksh (yuti) par hokar shani aur mangal se pirit hai tatha shubh drisht nahin hai. surya se pancham bhav (dvadsh) shani se pirit hai. dvadshansh kundli: surya punah pancham bhav men nich hai. surya se panchmesh shani, shashthesh mangal tatha ketu se pirit hai.
udaharan 4: is jatak ko ‘saynotik janmajat hriday rog’ (cyanotic congenital heart disease) hai jise aepreshan ke bad anshik rup se sudhara ja saka tha. lagn kundli: vakri guru lagnesh hokar lagn men hi sthit hai. surya ashtam bhav men shashthesh shukra tatha shani se pirit hai.
surya se chaturth bhav bhi mangl-shani se pirit hai. surya navmansh, dreshkan evan dvadshansh kundliyon men bhi pirit hai. in kundliyon men pancham bhav tatha panchmesh par vibhinn prakar ke pap prabhav hain. vinshottari dasha ke anusar jatak ka janm pratikul dasha men hua. vakri lagnesh jiski dasha janm ke samay chal rahi thi, lagn men hai.
varg kundliyon men lagn tatha lagnesh par shubh-prabhav ke karan shalya kriya ke bad kuch anshik rahat hui. aur ant men ‘‘rogon ki utpatti v parinam ka nirnay karne ke lie jyotish ke sukshm niyamon, jaise -baisven dreshkan, chaisthven navansh, sarpadreshkan, gulik adi ka prayog karna chahie.