hriday rog ke yog prayah dekha gaya hai ki aveg, udveg ya sanveg ki ugratavash dil ka daura parta hai. jyotish shastra ke anusar chaturth bhav se hriday rog ka vichar kiya jata hai. chaturth bhav tatha chaturthesh par pap prabhav se yah rog hota hai. vaidyanath, pramti tatha anya acharyon ne hriday rog ko chaturth evan pancham bhav tatha chaturthesh aur panchmesh par pap prabhav se is rog ka sanbandh bataya gaya hai. hriday shul, hriday kanp tatha udar rog - hriday rog ki shreni men ate hain. hriday rog ke jyotishiya karan kal purush ki kundli men chaturth bhav, kark rashi tatha chaturthesh chandrama ka sanbandh hriday se mana gaya hai. kuch vidvan surya ko raja ya niyantrak grah mante hain.
atah rakt sanchar pranali ke niyaman v niyantran ke lie ve surya ko karak mante hain. islie hriday rogon par surya ka adhikar adhik upyukt hai. mangal rakt hai. atah surya (niyamk), chandrama (rakt sanchar), mangal (rakt ke lal kan), chaturth bhav tatha kark rashi (hriday sthan) par papatva ki matra barhne se ya inka sanbandh shashthabhav, shashthesh, shani ya rahu se hone par hriday rog ki sanbhavna barhti hai. kuch daivagya surya ko hriday rog ka karak mante hain tatha surya ke vibhinn grahon se yuti ke anusar rog ka svarup nishchit karte hain.
- surya tatha mangal se rakt sanchar dosh ka vichar kiya jata hai.
- surya tatha shani se hriday kanpan ka vichar kiya jata hai.
- surya tatha ketu se hriday pira ka vichar kiya jata hai. chaturth bhav sanbandhi yog - surya, shashthesh tatha pap grah chaturth bhav men hon.
- mangal, guru tatha shani ki yuti chaturth bhav men ho. - mangal tatha ketu ki yuti chaturth bhav men ho.
- guru, shani v shashthesh ki yuti chaturth bhav men ho.
- pap yukt ya pap drisht chandrama chaturth bhav men ho tatha pap grah ek hi rashi men hon.
- pap grah chaturth bhav men tatha chaturthesh pap yukt tatha pap madhya ho.
- shani chaturth bhav men tatha surya, shashthesh aur pap grah ek hi rashi men hon. - rahu chaturth bhav men pap drisht ho tatha lagn bali ho.
- shani chaturth bhav men tatha rahu vyay sthan men hon. hriday rog hone ke jyotishiya yog:
- yadi surya evan guru ke sath, shani chaturth bhav men sthit ho.
- kunbh rashi men surya ho ya kark rashi ka chandra, pap ya shatru grah yukt ho.
- chaturth bhav men shashthesh surya, krur grah se yukt ho.
- chaturth bhav men guru, mangal v shani, pap grahon arthat rahu-ketu ya trikesh se yukti, drishti dvara prabhavit ho.
- yadi shashthesh surya ki rashi ya surya ke navansh men ho ya surya, chandrama evan mangal shatru kshetri ho.
- yadi chaturth bhav men mangal nich ka sthit hokar shani v brihaspati ke sath sthit ho.
- chaturth bhav par rahu ki 5vin drishti ho, shashthesh budh ki 7vin drishti ho, chaturthesh chandra rahu ke sath 12ven bhav men sthit ho ya surya kunbh rashigat ho.
- chaturth bhav men pap grahon ki sthiti tatha chaturthesh ki papagrahon ke sath yuti ho.
- ast, nich, vakri, shatru rashigat chaturthesh ashtam bhav men sthit ho.
- surya, mangal v guru ki yuti chaturth bhav men sthit ho.
- chaturth v pancham bhav men pap grah sthit ho. - yadi chaturthabhav men sthit shani par rahu ka pap prabhav ho.
- chaturthesh, panchmesh ya shubh grah nirbal hokar trik bhav (6, 8, 12) men ho.
- yadi chaturth bhav men sthit mangal par shani ki drishti ho.
- rahu chaturth bhav men sthit ho tatha shashthesh papi grah ho.
- yadi rahu-ketu, surya, chandra, chaturth v pancham bhav ko pirit karen.
- yadi patri men tritiya bhav pira karak ho.
hriday rog ke anya yog:
- hin bali ya pap pirit chandrama shatru kshetri ho.
- kisi trik sthan men surya v shani ki yuti ho.
- surya tatha shani ki yuti shashth sthan men ho, pap yukt, pap drisht budh lagnasth ho.
- shani kendra men tatha chandrama rahu saptam bhavasth hon.
- surya vrishchik rashi men, shashthesh pap yukt tatha guru ka sanbandh papi mangal se ho.
- surya tatha chandrama paraspar rashi parivartan ya navansh men parivartan karen.
- surya tatha chandrama ki yuti, kark ya sinh rashi men ho.
- ashtamasth guru, jal tatva rashi men sthit hokar, pap yukt ya pap drisht hon.
- surya shani ki rashi nakshatra ya navansh ka hokar pap yukt ho.
- chandrama pap madhyatva men tatha shani saptamasth ho.
- surya shani ki rashi, nakshatra ya navansh ka hokar pap yukt ho. nimnalikhit yogon men se koi yog ho to hriday rog hota hai-
- chaturth sthan men pap grah hon tatha chaturthesh pap grahon ke sath hon.
- chaturth sthan men pap grah hon tatha chaturthesh pap kartari yog men pirit ho.
- chaturthesh jis navansh men ho uska svami krur shashthansh men ho tatha us par krur grah ki drishti ho.
- chaturthesh ashtamesh ke sath ashtam sthan men ho.
- yadi chaturthesh nich rashigat ho, shatrurashigat ho ya astagat ashtam sthan par ho. - chaturth sthan men shani surya evan pap grahon ke sath hon.
- surya mangal evan guru chaturth sthan men ho.
- chaturth evan pancham sthan men pap grah hon. hriday shul hriday men tivra dard ya ashniya vedna hriday shul kahlati hai. iska vichar chaturth bhav, chaturthesh evan surya se kiya jata hai. iske nimnalikhit yog hain-
- chaturth bhav men rahu sthit ho tatha pap grahon se drisht ho tatha lagnesh nirbal ho.
- chaturthesh ki rashi tatha navansh ka svami krur shashthansh men ho tatha pap grahon se drisht ho.
- pap grahon ke sath surya vrishchik rashi men ho.
- shashthesh surya papakrant ho tatha shubh grah shashth sthan tatha vyay sthan men ho. dvadash sthan men rahu ho to gais ya vayu se hriday men dard hota hai. hritkampa: hriday men hone vali ghabrahat ya bechaini ko hritkanp kahte hain. is rog ke nimnalikhit yog hain-
- chaturth bhav men shubh grah hon.
- din men janm ho tatha nesht mangal ko guru dekhta hai.
- shubh grah krurakrant hon tatha shashthesh papyukt ho.
- surya vrishchik rashi men ho.
hriday rog hone par jyotishiya upay hriday rog ek vishesh rog hai tatha is rog ke nidan men jara si bhul bhi jatak ke lie ghatak siddh ho sakti hai. yadi koi upay pramanit n ho to kisi ke jivan se khilvar n karen. jyotishiya upay se jansadharan ka yah ashay hota hai ki kis prakar ka ratn dharan karna chahiye athva kis prakar ke dan dakshina se hriday rog ka nidan kiya ja sake. yah ek marm vishay hai
tatha isapar purn pramanik upchar par chikitsak dvara di gai jankari ka bhi jatak ko dhyan rakhna chahie. kuch vishesh jankariyan niche di ja rahi hain jo jatak ke hit men hogi tatha jatak ke lie labhdayak siddh hogi. havn: havan ek aisi prakriya hai jisse jatak ko labh pahunchta hai kyonki jo havan samagri havan men dali jati hai vah vad rup men jatak ko dobara prapt hoti hai. yah ek pramanik satya hai ki havan ke vashpit kan jatak ko atyant prabhavit karte hain
tatha is tathya ko dhyan men rakhakar kuch vidvanon ne prayog kie hain jiske parinam jatak ke lie labhdayak siddh hue hain. surya adi grahon ki samidhaen - ark, palash, khadir, apamarg, ashvatth, uthumbar, shami, durba evan kusha ko madhu, ghi evan dahi milakar in samidhaon se havan karne apratyashit labh prapt hota hai. havan men nimn grahon ke anusar samagri mishrit karke havan karne se rogi ko labh ki purn sanbhavna hoti hai. havan kriya men ukt samagri ki ahuti ke sath gayatri mantra tatha mahamrityunjay mantra navagrah purn mantra ki kam se kam 1 mala (108 bar) ki jani chahie.
yadi yah havan kriya 40 din se 47 din lagatar ki jae, to jatak ko apratyashit labh prapt hone ke purn yog hote hain. dhyan: yah bhi ek aisi vidya hai jo jatak ke lie labhkari siddh hoti hai. bhartiya paddhati men chakron ko shmdamatahal bmadajatamash kaha jata hai. vidvanon ne anahat chakra ko ‘‘hriday chakra’’ se sanbodhit kiya hai. yadi is chakra par dhyan kendrit karke ‘un’ mantra ka uchcharan kiya jae to jatak ko labh prapt hota hai. is mantra ka uchcharan karte samay o o. o ---- o man man ma----- man man jitna adhik se adhik lanba khincha jaega utna adhik labh prapt hoga. yah mantra samast sharir men kanpan utpann kar deta hai.
yadi yah kriya panch minat tak ki jae to man ko purn shanti milti hai tatha jatak ko labh prapt hota hai. ukt sabhi upayon se jatak ko labh pahunchne ke purn yog hain tatha is prakar ki vidhaon men jatak ko koi hani hone ki sanbhavna nahin hai. in upayon ka koi dushparinam bhi nahin hai. shesh ishvar ki ichcha par nirbhar hai. manav utne hi sans le pata hai jitne vah apne bhagya men apne sath likhva kar laya hai. hriday rog karan, upay jyotishiya drishti se hriday rog par kark evan sinh rashi ka adhikar hai jinke svami grah kramshah chandra v surya hote hain. isi tarah, chaturth evan pancham bhav se hriday rog ka vichar karte hain. sharir men bhi ‘atma’ ka pradhan sthan hriday ko hi mana jata hai.
surya, atma evan mastishk ka karak grah hai. chandra, man-mastishk ka karak grah hai. jyotish se, man ka vichar chaturth bhav se v mastishk (buddhi, vivek) ka vichar pancham bhav se kiya jata hai. hriday rog, adhikanshtah man-mastishk yani dilo-dimag par dabav ke karan utpann hote hain aur dil ka daura aveg, udveg, uttejna, avesh, krodh ki tivrata ke karan hota hai aur hriday gati rukne par sharir mrit ho jata hai. atah patrika men surya, chandra, chaturth, pancham bhav, karak budh, guru chaturthesh panchmesh nirbal hokar trik bhav men ho ya in sabhi par pap grahon ka ashubh prabhav hriday rog ka karan hai. mangal grah rakt ka karak grah hai. janm lagn se saptam lagn, jinke madhya chaturth lagn bhi a jata hai, jismen shuddh rakt rahta hai jise vaya ya dev bhag kahte hain.
saptam se lagn pratham bhav, jinse madhya men dasham lagn rahta hai, hriday ka dahina bhag jo ashuddh evan kale rakt bhandar ka hota hai aur khagol men prithvi ka niche vala bhag, vah andhkar yukt hota hai jise danav bhag kahte hain. ye uttari evan dakshini dhurav ke bhi pratinidhi hain. hriday ko sarvadhik surakshit rakhne ka kam shukra evan budh karte hain.
budh grah, hriday karak surya ke sarvadhik nikat hai, iske pashchat shukra nikatatam grah hai. budh hi hriday ke charon bhagane ki jhilli hota hai tatha shukra bahri bhag evan maha dhamniyon (jo hriday se shuddh khun ko sharir men pahunchane ka karya karti hai) ke sanpark ka sadhan hota hai. shani grah, ashuddh kale khun ko shiraon ke madhyam se shuddh karne hetu fefrane tak pahunchane ka karya karta hai tatha chandra punah isi shuddh pranvayu yukt rakt ko hriday tak lane ka kam bhi karta hai. hriday ka spandan (bharkna) svayan duri hi hai, jise ham atma kahte hain.
yah sansar ki atma bhi hai. mangal rakt ka karak hai tatha brihaspati grah shuddh rakt ko vikaron se bachane ka kam bhi karta hai. pap grah rahu, ketu in 7 grahon ke sath milakar rog ka karan ban jate hain ya svayan ye 7 grah nirbal ho trik bhav men ho to jatak ko hriday rog dete hain. jyotish men chaya evan pap grah rahu-ketu kafi kashtakarak mane gaye hain. ye kalasarp yog ke sath pitri dosh bhi banate hain. surya, chandra ke sath grahan ashubh yog, mangal ke sath angarak yog, budh ke sath jar yog, guru ke sath chandal yog, shukra ke sath abhotvak yog v shani ke sath nandi namak ashubh yog banate hain, jo hriday rog ka karan bante hain.
upay
- yadi hriday rog se rogi atyant pirit ho to gayatri mantra ka sankalp lekar sava lakh ya 24 lakh mantron ke jap ka anushthan karayen. iske alava din men tinon sandhya (pratah, din, sayan) ko gayatri mantra ki 1 mala (tulsi/chandan ki) jap karen. gayatri ji ki tasvir ya yantra sthapit karen.
- uprokt ki tarah mahamrityunjay yantra ke sava lakh mantron ka sankalp lekar jap karen/krayen. iska yantra ya shriyantra bhi sthapit karen.
- yadi janmapatri nahin ho to nimn prakar se navaratn pendent gale men dharan karen jisse nau grah anukul ho jayen aur hriday rog ke alava sabhi kshetron men labh mile. navaratn pendent pratyek ratn ka vajan lagabhag 1 gram (sava 5 ratti) lena hai. ye baron ke lie hai. yah 15 varsh se adhik umra ke vyaktiyon ke lie ratnon ka vajan hai.
tinon upay 1-3 jinke pas janmapatri hai ya nahin hai, sabhi ke lie labhdayak hai. ratn chayan upay ratnon ke do grup e v bi hain. grup e men manik, munga, pila pukhraj v moti ate hain. grup bi men panna, hira ya safed pukhraj, nilam, gomed v lahsuniya ate hain.
gurap e ke ratn apas men mitrata v grup bi ke ratnon se shatruta rakhte hain, isi tarah grup bi ke ratn apas men mitrata v grup e ke ratnon se shatruta rakhte hain. jinka lagnesh mesh, vrishchik, sinh, dhanu, min v kark ho ve grup e ke ratn dharan kar hriday rog se labh len tatha jinka lagnesh vrish, tula, mithun, kanya, makar, kunbh ho ve grup bi ke ratn se labh len. mantra ya dan upay jinka lagn 1, 4, 5, 8, 9, 12 ho tatha budh, shukra, shani, rahu v ketu nirbal nich adi ho, trik bhav men ho ya uprokt lagn ke svamiyon par pap prabhav dal rahe hane, in grahon ke mantra kramshah 5000, 16000, 23000, 18000 v 17000 sankalp lekar jap karen ya karaven tatha ant men havana/yagya karaven ya in grahon ki dan vastuon ka sanbandhit din kisi brahman ya garib ko dan karen.
lagna- 2, 3, 6, 7, 10, 11 ho tatha surya, mangal, guru, chandra nirbal nicha/shatrurashi trik bhav men ho ya uprokt lagn ke svamiyon par pap prabhav yuti/drishti dvara dal rahe hon in grahon ke mantra kramshah 6000, 10000, 19000, 11000 sankalp lekar jap karen karke tatha ant men havana/yagya karaven. ya in grahon ki vastuon ka sanbandhit din dan karen. amavasya ko pitri paksh karya men prasad charhayen, kutton, kauon ko khane ko den adi. kundli men kalasarp yog ho to iske ashubh prabhav dur karne hetu nagpanchmi ya anya shubh din, muhurt men sankalp lekar shanti puja karayen.
16. kalasarp yog v pitri dosh shanti nivaran hetu nageshevar jyotirling mahakal, mahakali, kal bhairav ki puja visheshakar ashtami tithi (krishn paksha) ko karen. 11. shri harike varah v kurmavtar rup ki puja bhi in donon ashubh prabhav ko dur kar hriday rog men labh degi.
rudraksh dvara: ank jyotish dvara surya ke liye 1 mukhi, chandra hetu- 2 mukhi, mangal hetu-9 mukhi, budh hetu 5 mukhi, guru hetu- 3 mukhi, shukra hetu- 6 mukhi, shani hetu 8 mukhi, rahu evan ketu hetu kramshah 4 v 7 mukhi rudraksh dharan karne se labh hota hai. jinka lagnesh ya janm nakshatra svami uprokt grah men se koi bhi ho to isse sanbandhit rudraksh dharan karne par labh hota hai. rashi svami ke var ka vrat karna svasthya hetu labhaprad hota hai. ab ham kundli ke udaharan dvara ise samjhne ka prayatn karte hain. udaharan 1 udaharan kundli 1 men lagn v lagnesh: lagn men ketu tatha lagnesh budh, rahu v ketu ke madhyatva men sthit hai. lagnesh chaturth bhav men surya v hin bali chandrama yukt hai. lagnesh par ashtamesh shani tatha badhkesh guru ki purn drishti hai. lagnesh pap prabhav men hai. chaturth bhav v chaturthesh: chaturthesh budh svagrihi haittha shani, ashtamesh badhakesh guru dvara purn drisht hai tatha hin bali chandrama yukt hai.
pancham v panchmesh: pancham bhav par shashthesh mangal tatha ketu ki purn drishti hai. panchmesh shukra shashthasth hai tatha pap prabhav men hai. karak grah surya, chandrama tatha mangl: surya hin bali chandrama yukt tatha surya par ashtamesh shani ki purn drishti hai tatha surya ki rashi dvitiya bhav men sthit hai. is par rahu ki purn drishti hai. surya vakri guru vyay bhav se purn drishti pap prabhavit hai. chandrama ke lie bhi yahi kaha ja sakta hai kyonki donon chaturth bhavasth hain. mangal shashthesh hokar ashtamesh yukt hai tatha marak bhavasth hain. nishkarsha: ukt sabhi karnon se jatak uchch raktachap se pirit raha tatha hridyaghat ke karan guru men rahu ki bhukti tatha chandrama ke pratyantar men mrityu ko prapt hua. (27-11-1972 ko mrityu hui). udaharan 2 kundli bharat ke bhutpurva pradhanmantri shri lal bahadur shastri ji ki hai.
chaturth bhav tatha chaturthesh: chaturth bhav par shani markesh tatha vyayesh mangal ki purn drishti hai. chaturthesh guru par shashthesh shukra ki drishti hai. lagn v lagnesh: lagn par rahu ki krur drishti hai. pancham bhavasth guru ki lagn par purn drishti arthat shubh grah ki shubh bhav se drishti marak siddh hoti hai. shashthesh shukra ki lagnesh par purn drishti hai. kai vidvan guru tatha shukra ko ek dusre ka shatru mante hain. pancham bhav tatha panchmesh: pancham bhav men lagnesh guru vidyaman hain tatha kalpurush ki kundli ke anusar guru pancham bhavasth shubh fal pradan nahin karte. panchmesh mangal rahu yukt navam bhav men pap pirit hai. karak grah surya, chandrama tatha mangl: surya hin bali chandrama (chandrama ashtamesh bhi hai.) budh markesh yukt dasham bhavasth chaturth bhav ko dekhte hain.
(purn drishti pap yukta) ye tinon grah vyayesh mangal tatha shashthesh shukra ke madhya hain. nishkarsha: chaturth bhav par shani tatha ashtamesh chandrama ki drishti hai. chaturthesh guru ka shashthesh shukra se drishti vinimay abhishtaprad hai. vyayesh mangal ki chaturth bhav par drishti/ketu niyantrak shani ki drishti shukra ko ati pap yukt banati hai. surya ki sinh rashi men vyayesh mangal rahu ati pap yukt banati hai. surya ki chandrama, ashtamesh ki yuti akasmat mrityu ko darshati hai. sabhi jatak jante hain ki shastri ji ka nidhan 11-1-1966 ko hriday rog ke karan hua tha.