hriday rog acharya avinash sinh hriday prani ke sharir ka vah mahatvapurn ang hai jo janm se lekar mrityu tak kriyashil rahta hai. parantu kuch vishesh karnon se jab hriday vikaragrast hota hai to rog utpann hote hain, jo prani ko hani pahunchate hain, yahan tak ki janleva bhi sabit hote hain. jindgi ki daur-dhup evan tanav men hridy-shul ki shikayat barhti ja rahi hai. yah kab, kaise aur kahan prahar karega, yah kahna asan nahin. islie is samay duniyan bhar men iski vishesh charcha hai. hamare sharir men hriday kya karya karta hai? in pahluon par vichar karne par malum hota hai ki hriday sharirik rachna ka vah mahatvapurn ang hai jisse sharir ke pratyek sukshm hisse tak poshak samagri pahunchti hai aur vahan se anupyogi tattvon ko ikaththa kar unhen sharir se bahar nikalne men sahayak hai. is karya ke lie rakt ka upyog hota hai . islie rakt ka nirantar pravah avashyak hai. hriday dvara rakt fefron tak bheja jata hai jahan rakt men aksijan ghul jati hai aur rakt men vidyaman anupyogi vayu ke ansh fefron men akar shvans dvara sharir se bahar nikal jate hain. aksigyaukt rakt fir hriday men chala jata hai aur hriday use sanpurn sharir men bhej deta hai. ek bar shvas lene par 1200 mililitar aeksijan rakt men ghul jati hai. sharir panch minat men hi iska upyog kar leta hai. is sari pranali ko kardiyo-veskular sistam kahte hain. jab yah pranali niyamit rup se apna karya karne men asamarth ho jati hai to kai tarah ke hriday rog ho jate hain. hriday rog men ayurvedik karan ayurved men kisi bhi rog ka mukhya karan tin vikaron par nirbhar karta hai. vat, pitt aur kaf ka asantulan bhi hriday rog ka mukhya karan hota hai. prakop-karnon se, jaise adhik parishram, bhay, shok, chinta, tanav evan adhik garm, amliya, kasaile, tikhe evan nashile padarthon ke sevan se kupit, vatadi dosh hriday men pahunchakar rakt ke sath milakar hriday rog utpann hota hai, sans rukne lagti hai aur kabhi-kabhi to ruk hi jati hai. uska turant upchar n hone par vyakti ki mrityu bhi ho jati hai. ayurved men is rog ko hridy-shul kahte hain. adhunik yug men ‘dil ka daura’ kahte hain. hridy-shul ‘vayu’ pradhan dosh hota hai. vayu niji prakop-karnon se to kupit hota hi hai kaf tatha pitt dvara uska avrodh hone se unke prakar men aur adhik vriddhi ho jati hai. yahi vayu rakt ke sath milakar hriday ke kam men badha dalti hai, jisse dard utpann hota hai aur dil ka daura ya hriday ka karan banta hai.
Kya aapko lekh pasand aaya?
Subscribe