sukhad danpatya jivan ke lie shubh lagn men vivah karna jaruri dilip kumar dampatya jivan men madhurta, sthirta aur saflta ke lie vivah lagn ati mahatvapurn aur sarvatha grahya karak hai. bahudha anya karkon ka akalan kie bina panchang men vivah muhurt sarni dekhakar vivah ki tarikh nishchit kar di jati hai, jo sarvatha galat hai. anya karak bhi utne hi mahatvapurn hain jitna ki vivah muhurt sarni, islie unka bhi akalan avashya kiya jana chahie. 24 ghante men barah lagn hote hain aur pratyek lagn lagabhag do ghante ka hota hai. vastutah ‘lagna’ muhurt ka parmavashyak ang hai. janm samay ki grah sthiti ko ham badal nahin sakte, lekin shubh samay men kisi karya ko aranbh karke saflta pana sanbhav hai. muhurt ke ath angon men sarvadhik fal ‘lagna’ ko prapt hai. in ath angon men tithi fal ko ek guna, nakshatra fal ko char, var ko ath, karan ko solah, yog ko baÿais, tara ko sath, chandra ko sau aur lagn ko ek hajar guna mahatva prapt hai. isilie vivah ke lie muhurt prakaran men lagn ka nirdharan aur uska anupalan avashyak hai. vivah ke uprant do vyakti ekatm hokar grihasth jivan men padarpan karte hain. shubh vivah lagn ka arth hai, shubh samay men grihasth jivan ko praranbh karne ka anushthan taki jivan rupi samar ko bakhubi jita ja sake. kaha jata hai ki kanishth pandav bhrata sahdev ne mahabharat yuddh shuru karne ka muhurt nirdharit kiya tha. tadnusar yuddh ka shankhnad hua aur jit pandav ki hui. dhyatavya hai ki pandav men sabhi bhrata ko kisi n kisi kshetra men maharat hasil thi. yudhishthir satyavadi the to bhim mahabli, arjun dhanurdhar the to nakul pashu chikitsak aur sahdev muhurt shastra ke gyata. ashay yah ki ve sabhi mahatvapurn karya, jinka prabhav hamare sanpurn jivan kal, ghar-parivar aur samaj par parta hai, shubh samay men karne chahie. samaj aur rishtedaron ko bhi do atmaon ko dampatya sutra men shubh lagn men bandhne men sahyog karna chahie. paya gaya hai ki janmapatri men dampatya sukh badha ho ya nahin, yadi vivah lagn doshpurn ho, to dampatya jivan kashtamay hota hai. islie shubh samay men vivah karna shreshyakar hai. vivah lagn nirdharan sanbandhi nimnankit mukhya tathya vicharniya hai. lagna- dirgh aur sukhi vaivahik jivan ke lie shubh sthir lagn men vaivahik anushthan sampadit karna chahie. var-kanya ki janm rashi ya janm lagn se lagn 3, 6, 10 ya11 shubh mana jata hai. janma-lagn ya janm rashi se chaturth, ashtam ya dvadash lagn ashubh mana jata hai. visheshtah ashtam rashi dosh hi chintniya hai, atah shubh yut ashtam bhi tyajya hai. vaise, iske parihar bhi hote hain jinka vivaran yahan prastut hai. lagn se ashtam rashi 2, 4, 6, 8,10 ya 12 hone par dushit nahin hoti. lagn se ashtam rashi ka svami kendra ya shubh sthan men sthit ho, to vah dosh ka parihar kar deta hai. ashtamesh apne shubh navansh, svarashi ya mitra rashi men ho to ashtam lagn dosh dur ho jata hai. tribal shu(i- guru bal- guru janm rashi se rashi 2, 5, 7, 9 ya 11 men ho to thik hai. vivah karya men janm rashi v lagn ko mahatva diya gaya hai. janm rashi gyat n hone par nam rashi ka prayog hona chahie. guru janm rashi se 1, 2, 3, 6, 10 pujya hai. 4,8,12 sthanasth thik nahin hai, kintu svarashi ya uchch ka hone par grahan nahin hota. avashyak hone par puja dan kar aur shanti path karakar vivah kiya ja sakta hai, kintu yadi kisi ki janm kundli santan ke lie achchi nahin hai to vivah pujya dosh hone par nahin karna chahie. kanya ke lie guru bal avashyak hai. surya bal- janm rashi se rashi 3, 6, 10 ya 11 men sthit surya achcha hai, rashi 1, 2, 5, 7 ya 9 men ho to pujya hai. var ke lie surya bal avashyak hai. pujya hone par vivah nahin kiya jata, kintu yah samay ek mah ka hota hai, tyaga ja sakta hai. rashi 4, 8 ya 12 men sthit surya achcha nahin hai. chandra bal- janm rashi se rashi 1, 2, 3, 5, 6, 7, 9, 10 ya 11 men sthit chandra shreshth hai. 12van chandra pujya hai, jabki rashi 4 ya 8 men ho to sthit kharab hai. avashyakta parne par 12 van chandra grahan kiya ja sakta hai. iske atirikt vivah lagn men kartari dosh ka vishleshan bhi kiya jata hai. lagn se dvitiya men vakri grah aur lagn se 12ven men margi grah hon to kartari dosh hota hai. is doshyukt lagn men vivah karya sanpadit hone se dampatya jivan prabhavit hota hai. janm se 12 ven sthan men vakri pap grah aur dvitiya men margi pap grah hone se kartari dosh nahin hota. vivah lagn men chandra bhi kartari dosh se mukt ho to aur achcha hai. kaha gaya hai ki vivah lagn men chandra yadi surya se yukt ho to daridrya, mangal se yukt ho to maran, budh se yukt ho to shubh, brihaspati se yukt ho to shubh, shukra se yukt ho to shatruta, shani se yukt ho to vairagya tatha rahu se yukt ho to ashubh fal deta hai. muhurÿamartand ke anusar rashi 1, 4, 5, 9 ya 10 men budh ho to ek sau, shukra ho to do sau, tatha guru ho to ek lakh doshon ka nash hota hai. yah tathya bhi vivah lagn ki mahÿaa ko ujagar karta hai. janm rashi ya janm lagn men vivah ashubh mana jata hai, parantu yadi janm rashi aur janm lagn ka svami ek ho athva donon men paraspar mitrata ho, to yah dosh nahin lagta. vivah men jyeshth var, jyeshth kanya aur jyeshth mas tyajya hanai arthat jyeshth mas men jyeshth var ka jyeshth kanya se vivah nahin karna chahie. ek jyeshth men dosh nahin lagta. uÿarafalguni nakshatra tyajya kaha gaya hai. is nakshatra men sita ka vivah hua, kintu unhen vaivahik sukh ki prapti nahin hui. nakshatra samrat pushya bhi tyajya kaha gaya hai. vivah lagn men grahon ki nimn sthiti vighnakarak evan tyajya hai- lagnesh bhav 6, 8 ya 12 men, surya 1 ya 7 men, chandra 1, 6, 7, 8 ya 12 men, mangal 1, 7, 8 ya 10 men, budh 7 ya 8 men, shukra 3, 6, 7 ya 8 men, shani 1, 7 ya 12 men au rahu 1 ya 7 men. yadi ham lagn shuddhi, chandra shuddhi aur muhurÿamartand ki budh, shukra aur guru ki sthiti prapt kar len to vivah uÿam ho. guru v shukra ke ast hone par vivah tyajya bataya gaya hai. jis tarah kanya ke vivah ke lie guru bal avashyak hai, usi tarah var ke vivah ke lie shukra bal avashyak hai. kuch log kahte hain ki sab samay ishvar ka banaya hua hai, atah sab thik hai. lekin vicharniya hai ki sanpurn srishti ishvar ki hi banai hui hai, fir bhi ismen sakaratmak aur nakaratmak paksh hain, achche aur bure log, daivi aur danvi tatva hain. kul milakar, yadi shubh jivan ki abhilasha ho to vivah shubh lagn yukt samay men karen.