pratyek dharm men guruon ka ati vishishth sthan hai, unhen devtulya mana jata hai. unhonne dharm ki uchit vyakhya kar uske anuyayiyon ko anukul margadarshan kar kabhi n samapt hone vale adbhut v alaukik sanskar pradan kie. hajaron varshon ke dharm itihas v puranon men pramukh rup se guruon ka ullekh parhne men ata hai fir vo guru brihaspati ho ya guru shukracharya ya guru dronacharya aur yah bhi satya hai ki guru agya ka palan nahin karne par apayash bhi jhelna parta hai, fir vo devtaon ke raja indra hi kyon n hon.
guru govind sinh ji ne sikh sanpraday ke guru banakar sanpurn sikh samaj ko gaurvpurn pratishtha pradan ki. shri jinadattasuri ji, shri jinkushlsuri ji evan shri hirvijysuri ji ne jain dharmavlanbiyon ko guru gyan pradan kar satvik jivan ka gyan karaya, sainbaba ke gurutva ne sabhi dharmon ko samanta ka ahsas karaya, tatparya yah hai ki hajaron varshon se aur ane vale hajaron varshon tak guruon ka pratap anmol hi bana rahega. apne upar ke shabdon men guru ki mahima ko to samjha kintu aj ke samaj men, aj ke jivan men guru kaun? mul prashn ka uttar dhundhna abhi baki hai.
ap jinhen guru mante hain kya vo vakai men guru kahlane ki yogyata rakhte hain? svayan ke guru ka akalan ap nahin kar sakte kyaneki ap manav yoni ka sadhan matra hain kintu svavivek se, apni mansik shakti se, apne khule netron se itna to avashya hi dekh sakte hain ki apke dvara guru ki puja, unke prati apka man-samman, apki shraddha apko unke kitna samip le ja pata hai? kya vastron ka rang badal lene se ya fir puranon ki katha ko suna dene se ya fir thora sa bhakti sangit kar lene se vyakti guru ho sakta hai? shastranusar bhi janm, vivah, mrityu adi sanskar karane vale pandit ji kahlate hanai.
pauranik kathaon ko sunane vale ‘katha vachk’ kahlate hain. achchi aur gyan ki baton ko madhur vani men sarvajnik rup se kahne vale pravchnkar kahlate hain, mandir men bhagvan ka shringar karne, puja, arti karne vale pujari kahe jate hain to mul prashn fir vahi hai, ki apke lie, apke jivan ke vyaktigat guru kaun? kya jise ap guru mante hain vahi guru hai? chalie, dekhte hain ki guru men ati vishisht gun kaun-kaun se hone chahie?
1. vyaktigat star par uchit margadarshan.
2. adhyatmik gyan ka vikas karna.
3. samy-samay par sahi galat ke bare men margadarshan karna.
4. sukh-duahkh men apka sahbhagi banakar apko sthiti- paristhitiyon men dhalna athva unse niklne/suljhne ke upay batana.
5. dharmik evan adhyatmik star par guru mantra athva avashyaktanusar mantron ka gyan dekar apke vyaktitva ka uchit vikas kar kirti v man samman ki raksha karna. shishya ko guru ka sneh, kripa v marg darshan prapt karna chahie tabhi guru viprit paristhitiyon men bhi shishya ka patan nahin hone denge.