kal sarp yog ki ashubhta ko barha deta hai grahan yog pan. sunil joshi junnarakar shastron ke anusar grahan namak jyotishiya yog anek prakar se banta hai. is yog ka vistrit fal bhi prapt hota hai kyonki yah yog kalasarp yog ki ashubhta ko barha deta hai. parantu kis had tak, iska purn vivechan janne ke lie parhie yah lekh. surya siddhant ke anusar surya se 6 rashi ke antar arthat 1800 ansh ki duri par prithvi ki chaya rahti hai. prithvi ki chaya ko bhuchchaya, pat ya chaya grah rahu, ketu bhi kahte hain. purnima ki ratri ke ant men jab chandrama bhuchchaya men pravesh kar jata hai to chandrama ka lop ho jata hai. is khagoliya ghatna ko khagras (purna) chandra grahan kahte hain. chandra grahan ke samay prithvi, surya v chandrama ke madhya men a jati hai, is karan prithvi ki chaya chandrama par parti hai jisse chandrama achchadit ho jata hai.
jab bhuchaya se chandrama ka kuch hissa hi achchadit hota hai to ise khandagras chandra grahan rahte hain. purnima tithi ke ant men surya v pat ka antar 90 ke bhitar rahne par chandra grahan avashya hota hai. tatha 90 se 130 anshon ke bich antar rahne par bhi kabhi chandra grahan hone ki sanbhavna rahti hai. dinank 15 jun 2011 ko surya v pat bindu (ketu) vrishabh rashi men 290 anshon par arthat ek saman rashi anshon par rahenge tatha rahu 290 ansh v chandrama 190 ansh par vrishchik rashi men rahenge. arthat chandragrahan ke samay rahu-chandra ke madhya sirf 100 ansh ka antar rahega. surya grahan : amavasya ke din jab surya ki rahu ya ketu se yuti ho tatha surya se rahu ya ketu ka antar 150 ansh se kam ho to avashya hi surya grahan hota hai. aur 180 anshon ke antar par kabhi-kabhi surya grahan sanbhavit rahta hai.
isse adhik antar par grahan nahin hota hai. surya grahan ke samay surya binb ke achchadit hone ka tatparya yah lagaya jata hai ki rahu/ketu ne surya ko gras liya hai. prithvi ke jis hisse men surya grahan dikhai deta hai, us hisse par rahu-ketu ka adhik kuprabhav parta hai. grahan ka shubhashubh prabhav : maharshi vashishth ke anusar jinki janmarashi men grahan ho, unhen dhan adi ki hani hoti hai. jinke janmanakshatra par surya ya chandra grahan ho, unhen vishesh rup se bhayaprad rog v shok dene vala hota hai. maharshi garg ke anusar apni janmarashi se 3, 4, 8, 11 ven sthan men grahan pare to shubh aur 5, 7, 9, 12 ven sthan men pare to madhyamafal tatha 1, 2, 6, 10 v sthan men grahan anishtaprad hota hai.'' is prakar janm rashi men grahan ka hona sarvadhik anishtaprad hota hai. janmakundli men grahan yog :
1. jis jatak ki janmakundli men chandrama ki rahu ya ketu se yuti ho us jatak ki kundli men grahan yog hota hai.
2. surya, chandra aur rahu ya ketu yah tin grah yadi ek hi rashi men sthit hon to bhi grahan yog hota hai. yah yog pahle vale yog se adhik ashubh hai kyonki ismen chandra v surya donon hi dushit ho jate hain.
3. grahnkal men athva grahan ke sutak kal men janm lene vale jatkon ke janmasth surya v chandrama ko rahu-ketu hamesha ke lie dushit kar dete hain.
4. rahu-ketu ki bhanti surya ya chandrama se shani ki yuti ko bhi bahut se acharya grahan yog mante hain.
prabhavi grahan yog :
1. tula rashi ko chorakar anya kisi bhi rashi men yadi yuvavastha (100 se 220 ansh) ka surya ho tatha uski rahu ya ketu se yuti ho to aisa grahan yog prabhavhin hota hai kyonki prachand kirnon vale surya ke sammukh chaya grah (rahu-ketu) tik hi nahin sakte to fir grahan kya lagaenge? krishn paksh ki chaturdarshi, amavasya aur shukla pratipda ko hi rahu-ketu prabhavi rahte hain.
2. kark ya vrishabh rashi men shuklapaksh ka balvan chandrama ho tatha grahnkal ka janm n ho to chandra+rahu ya ketu ki yuti se banne vala grahan yog aprabhavi rahta hai arthat anisht prabhav nahin deta hai.
grahan yog ka fal :
1. jis vyakti ki janmakundli men grahan yog hota hai, vah vyakti apne jivan men anek badhaon v kashton se dukhi rahta hai. use sharirik, mansik ya arthik pareshani bani rahti hai.
2. jis bhav men grahan yog hota hai, us bhav ka shubhafal kshin ho jata hai. tatha grahnshil surya, chandra jis bhav ke svami hote hain, us bhav se sanbandhit vastuon ki hani hoti hai.
3. yadi chandrama rahu ki yuti ho to jatak bahut si striyon ke sevan ka ichchuk rahta hai. vriddha stri aur vaishya se bhi sanbhog karne men nahin hichkichata hai. aisa vyakti charitrahin, dusht svabhav ka, purusharthahin, dhanhin v parajit hota hai.
yadi chandra-ketu ki yuti ho to jatak achar-vichar se hin, kutil, chalak, pratapi, bahadur, mata se shatruta rakhne vala v rogi hota hai. aisa jatak chamra ya dhatu se sanbandhit karya karta hai.
5. jinki janm kundli men surya, chandra, rahu ek hi rashi men baithe hon vah paradhin rahne vala, kam-vasna se yukt, dhanhin v murkh hota hain
6. surya, chandra, ketu ki yuti ho to vah purush nimn darje ka injiniyar ya maikenik hota hai, lajjahin, pap karmon men rat, dayahin, bahadur v karyakushal hota hai. grahan yog v kalasarp dosh ka ashubh fal rahu ya ketu ki dasha ya antardasha men prapt hota hai athva rahu-ketu se sanbandhit grah ki dasha ya antardasha men prapt hota hai athva gochriya rahu-ketu jis samay janmasth rahu-ketu ki rashi men sanchar karte hain, us samay kalasarp v grahan yog ka fal prapt hota hai. in ashubh yogon ki shanti men mahamrityunjay mantra ka jap evan shri rudrabhishek karagar hai.
grahnyog kalasarp dosh ko bhayanak banata hai :
1. yadi janmakundli men kalasarp dosh hai tatha rahu-ketu ki adhishthit rashiyon men surya chandra bhi baithe hon to is grahan yog ki sthiti men kalasarp dosh aur bhi bhayanak arthat anishtaprad ho jata hai.
2. kalasarp dosh tabhi manya hoga jab kundli men grahan yog ho. ek hi rashi men chandrama aur rahu ya ketu 130 ansh se kam antar par baithe hon. athva surya ki rahu ya ketu se yuti 18' ansh se bhi kam antar par ho.
3. kalasarp dosh men yah avashyak hai ki us kundli men grahnyog bhi ho. kalasarp yog men rahu-ketu apne sath sthit grahon ko evan unki vakra gati men ane vale (rahu-ketu se 12 ven sthan men sthit) grahon ko dushit kar dete hain. yah kalasarp yog/dosh ki sima hai.
4. yadi kisi janmakundli men anshik kalasarp yog ho kintu purn grahan yog ho to rajyog pradayak surya ya chandra ke dushit hone ke karan kalasarp yog ashubh fal deta hai.
5. yadi rahu-ketu kendra sthan men ho tatha grahan yog ho aur kalasarp bhi ho to kalasarp dosh sarvadhik ashubh ho jata hai kyonki kendriya bhavon men sabhi papagrahon ke hone se prachin sarpayog hota hai. sarpayog men utpann jatak dukhi, daridri, parastrigami, kami, krodhi v aduradarshi hota hai.
1. vina yog men kalasarp v grahan yog ki shubhta : janmakundli ke kinhin sat bhavon men surya, chandra, mangal, budh, guru, shukra, shani ho to 'vina' namak sankhya yog hota hai. rahu-ketu kahin bhi baithe hon, isse vina yog par koi prabhav nahin parta hai kyonki yavnacharyon, maharshi parashar, acharya varahmihir adi ne vinayog men rahu-ketu ki ganna nahin ki hai. vinayog ek shubh yog hai, yadi is yog men kalasarp dosh ya grahnyog ho to bhi vinayog ki shubhta samapt nahin hogi, kyonki vina yog kalasarp v grahan yog ka dosh samapt kar dega. vinayog men utpann jatak anek mitron v naukar vala, git, sangit, nritya adi lalit kalaon men pravin ya shaukin hota hai. prasann chitt, sukhi, dhanvan v prakhyat hota hai.
2. arddhachandra yog men kalasarp v grahan ki shubhta : kendra sthan ke atirikt anya kisi sthan se praranbh hokar sat grah lagatar sat bhavon men sthit ho arthat ek bhav men ek grah ho to 'arddhachandra' namak akriti yog banta hai. arddhachandra yog men rahu-ketu shamil nahin hai. arddhachandra yog men rahu-ketu kahin bhi baithe hon, isse koi fark nahin parta hai. arddhachandra yog men yadi kalasarp dosh ya grahan yog bhi maujud ho to isse arddhachandra yog ki shubhta samapt nahin hoti hai. balki vah grahan aur kalasarp ke dosh ko samapt kar deta hai. arddhachandra yog men utpann hone vala vyakti sundar, balvan, akarshak vyaktitva ka dhani, sanpann, sukhi, suhriday v rajapriya hota hai.
3. janmakundli men kalasarp ke atirikt yadi koi rajyog ho to kalasarp yog bhi shubh fal hi pradan karta hain shiv aradhna se kalasarp v grahan yog ki shanti : grahan yog v kalasarp dosh ka ashubh fal rahu ya ketu ki dasha ya antardasha men prapt hota hai athva rahu-ketu se sanbandhit grah ki dasha ya antardasha men prapt hota hai athva gochriya rahu-ketu jis samay janmasth rahu-ketu ki rashi men sanchar karte hain, us samay kalasarp v grahan yog ka fal prapt hota hai. in ashubh yogon ki shanti men mahamrityunjay mantra ka jap evan shri rudrabhishek karagar hai.