shri giriraj vrat  

shri giriraj vrat pan. brajkishor bharadvaj ‘brajvasi’ shrigiriraj vrat ek aisa mahan, divya, pavan evan kalyankari vrat hai, jiske palan se manav asanbhav se asanbhav karya evan kamna ko purn karne men safal ho sakta hai. vaise to is vrat ka palan mas ki kisi bhi purnima se praranbh kiya ja sakta hai, parantu vaishakh shukla, asharh shukla ya kartik shukla paksh ki purnima se praranbh karne par vishesh falon ki prapti sahaj hi hoti hai. yah vrat jis purnima se shuru hota hai age ane vali usi purnima par udyapan ke sath purn bhi hota hai. is vrat purnima se ek din purva chaturdashi tithi ko sankalp lena hota hai ki he giriraj maharaj! main (amuk), gotra, vanshadi men utpann hua (amuk) kamna ki siddhi ke lie (amuk) mas ki purnima se apki pradakshina evan puja karunga. ap sarveshvar purn parabrahm hain, ap meri manokamna ko purn karen. punah purnima ko uttar pradesh ke mathura janpdantargat shri govardhanadham men padharakar shri giriraj maharaj ki sankalp aur purn vidhi-vidhan ke sath puja ardhna kar apni akanksha shri giriraj ko nivedan kar sat kos ki pradakshina ko purn karen. iske vishesh niyam is prakar hain. 1. purnima tithi ki sangya pratahkal suryoday se agle din ke pratahkal tak ki hai. yadi pratahkal se madhyahn tak purnima tithi ho aur taduprant pratipda ka pravesh ho, to use purnima tithi ke svarup hi janna chahie. isi prakar purnima tithi suryoday kal se hi prati mas vichar kar pradakshina purn karen. 2. parikrama se purva snanadi krityon se sharir ko pavitra karen. 3. parikrama se purva giriraj ji ka pujan vidhi-vidhan se karen evan parikrama samapti par bhi pujan kar kam se kam ek sadgrihasth brahman dampati ko mishtannadi ka bhojan karakar dravya dakshina dekar unke charnon men pranam kar ashirvad prapt karen. aisa pratimas karen. vrat ki purnata par gyarah brahmanon ko sapatnik bhojan karakar vastra v dravya dakshina se santusht kar unhen pranam kar unka mangalamay ashirvad prapt karen. apni manokamna ko man hi man shri giriraj maharaj evan brahmanon ke shri charnon men nivedan karen. yad rahe yadi kisi bhi purnima ko ap vrat ka palan karne men asamarth rahe to vrat bhang ho jaega. atah yah vishesh dhyan rakhen ki varshabhar ki pratyek purnima ko vrat ka palan ho. 4. parikrama ke samay jute chappal n pahnen. paidal parikrama lagaen, kisi vahan se parikrama n karen. 5. parikrama jis sthan se praranbh karen, vahin purn karen. praranbh aur purn karne ke lie govardhan men mansi ganga par sthit shrigiriraj mandir, danghati mandir evan jatipura men shri girirajmukharvind vishesh prashast hain. vaise kisi bhi sthan se pradakshina praranbh ki ja sakti hai aur vahin use purn bhi karna chahie. 6. parikrama marg men dain taraf mul-mutradi ka tyag n karen. karna hi ho to bain or karen evan indriyon ka shuddh jal se prakshalan karen. dirghashanka se nivritt hone par snan avashya karen. 7. parikrama vale din ratri men prithvi par hi shayan karen. asatya, apriya bhashan n karen, kisi ki ninda, chugli n karen. parikrama ke samay ‘shrikrishn sharanam mam’ ‘shriradhakrishn ke lai charan shri giriraj ji ki gah sharn’, ¬ namo bhagvte vasudevay, ¬ namo narayan ya hare ram hare ram ram ram hare hare, hare krishn, hare krishn, krishn krishn hare hare ka jap karen. yathasanbhav maun rahen. akele rahakar hi pradakshin karen. man ko pavitra rakhen. 8. kundon, sarovron men achaman len, varun dev evan devmandiron men devtaon ke darshan kar sashtang pranam karen. 9. yathashakti abhyagton, atithiyon ko v dev sthanon men dan karen. 10. kisi se niahshulk seva ka labh n len. 11. datun ya anya prayojan hetu hare-bhare vrikshon ko n toren. 12. brajaraj ko mastak ke sath sath sharir ke vibhinn angon v mukh men dharan avashya karen aur brajaraj men lot lagaen. 13. shrigiriraj maharaj ke charitron ka shravan karen. shri giriraj maharaj avataran katha charitra - pratham ek samay brajraj shri krishn chandra ke kul purohit mahatma gargacharya ji maharaj apne ashram men bhaktajanon ke bich viraj kar dharmik pravachan kar rahe the. usi samay anek bhakton ne hath jorakar shri gargacharya ji se prarthana ki ki he maharaj! aj hamen ap devon ke dev shri govarddhan nath ke avataran, unki mahima aur mahatmya batane ki kripa karen, hamari sunne ki bari ichcha hai. bhakton ki is vinit vani ko sunakar daya ke sagar mahatma gargacharya ji gadgad ho gae, prem aur bhakti ke karan unke netron men ashru bhar ae. bole- saubhagyashali bhaktagano! tumne jo prasang prastut kiya hai usse main ati prasann hun. shri giriraj govarddhan to devon ke dev hain, unke nam ke smaran karne se hi alaukik adhyatmik shanti milti hai, vah dinon ke rakshak aur bhakton ki manokamna purn karne vale hain. ap dhyan dekar sunie. brahmand men mutyu lok aur mrityulok men keval bhartkhand arthat bharat varsh hi aisi pavitra bhumi hai, jise karmabhumi kahte hain. yahan par parabrahm parmeshvar svayan avtar lekar ate hain. aur braj mandal to sakshat gaulok dham hai jismen bhraman karne ke lie devta bhi sadaiv ichchuk rahte hain. shri giriraj govarddhan braj mandal ke hriday hain jahan shrikrishn ne bal lilaen karke bhakton ko anandit kiya tha. nandlal ne shri giriraj ka apne hathon se abhishek kiya aur braj vasiyon se pujvaya. inki avataran katha is prakar hai. bharatavarsh ke pashchimi bhag men shalmali dvip hai, jahan parvatraj shri dronachal ke grih men unki patni ke garbh se shri govarddhan ka janm hua. janm ke samay devtaon ne pushp varsha kar shri govarddhan ki jay jaykar ki. kuch samay pashchat ek din muni pulastyaji dronachal ke grih padhare, jahan shri govarddhan ke sundar rup ko dekhakar muni ke hriday men ichcha hui ki yadi govarddhan mujhe mil jae, to inhen main kashi le jaun aur inki shant kandraon men baithakar nirvighn tapasya karun. muni ne apne man ki bat jab dronachal se kahi to vah bare dukhi hue aur netron men ashru bharakar bole- ‘munivr! mera putra govarddhan mujhe pranon se bhi adhik pyara hai. main iske bina jivit nahin rah sakunga.’ kintu muni ke hath aur shrap ke bhay se unhonne dukhit ho govarddhan ko muni ke sath bhejna svikar kar liya. shri govarddhan muni se bole - ‘he munivr! ap meri is vishal dehi ko kis prakar le chalenge? muni bole- ‘he putra! tum mere daen hath ki hatheli par baitho, main yog bal se tumhen kashi le chalunga.’ shri govarddhan bole- ‘muni raj! ap mujhe jahan bhi utar denge main vahin rah jaunga. meri is ichcha ki ap purti karen to main apke sath chalne ko taiyar hun.’ mahatma pulastyaji ne bachan de diya. govarddhan mata-pita ke charnon men namaskar kar sukshm rup dharan kar muni ki hatheli par baithakar chal die, chalte-chalte marg men jab braj mandal aya to uski adbhut chata par shri giriraj ji mohit ho gae, sochne lage ki dvapar men yahan bhagvan shrikrishn ke rup men