mahak vale tikhe tatha chirmire adarak ko hindustan hi nahin eshiya ke bhi sabhi log jante honge. yah adarak haldi, muli adi ki tarah jamin ke niche upjta hai. iska guda safed, pila ya fir lal rang ka hota hai. iske gude ke upar ki tvacha patli ya moti ho sakti hai. iska mota ya patla hona is par nirbhar karta hai ki jar ko kis avastha men jamin se nikala gaya hai. svasthya ke lie upyogi: ulti, mitli adi men adarak bahut labhdayak hai. khasakar un logon ke lie jinhen samudra men jahaj par chakkar aur ulti ati ho ya fir paharon ki sair par jane vale sailaniyon ke lie jinhen sarpakar raste se gujrne se aisa hota ho. adarak ka asar is lakshan ke lie upyog ki ja rahi davaon se bhi behatar hota hai.
kuch garbhavati mahilaon ko pahli timahi men bar-bar chakkar aur mitli ati hai. is avastha men bhi adarak atyant labhkari hai. khasakar aisi avastha men jabki aspatal men hi bharti kar ilaj karna pare ;bhlachmtmaumepe latanapkantnauddh . yahi nahin davaon ke anchahe prabhav ya unse hone vale nuksan se bhi bacha ja sakta hai. ostiyoathrraitis ;vejmvantjitpjpeddh rog men iske niyamit istemal se dard, sujan, aur uthne, baithne, shauch jane men hone vale kasht se bacha ja sakta hai. iske sevan ke sath-sath thori himmat kar paka hua bhojan dhire-dhire kam kar kachche bhojan kiya karen aur chamatkar dekhen. jinhen pindliyon men, sharir men, kamar mane, ya anya kahin manspeshi men dard rahta ho, ve bhi adarak ke sevan se labh pa sakte hain.
jin logon ko mansik tanav ya maigren ki vajah se sir dard rahta ho, unke lie bhi adarak ka niyamit sevan labhdayak hai. in sabhi labhkari gunon ke piche adarak men paya jane vala rasayan jinjerol hai. yah rasayan aise fri redikal, jo ki naitrik aksaid se banta hai peroksinaitrait, ;chmatavagaladapajatapajamaddh ko nishkriya karne men ati saksham hai. sath hi fri redikal se rakt men sthit charbi ko bhi aksikrit ;vgapakapemaddh hone se bachata hai aur glutathiyaen ;lasnjanjipavadaddh namak entiaksident ke star ko bhi samanya rakhta hai. kainsar rodhi: adarak kainsar, khasakar ant ke kainsar, rogiyon ko tatha jo kainsar ka ilaj kirnon se kara rahe hain, unhen kirnon se hone vale dushprabhav se bachane men atyant saksham hai.
minnesota vishvavidyalay ne to kainsar ke ilaj ke lie 6. jinjerael ke petent ke lie avedan bhi kar diya hai. tvacha rogon ka rakshak adrk: yah karya adarak pasina barhakar karta hai. jyada pasina ane se tvacha ke upar darmisaidin namak protin a jata hai aur tvacha ke upar kitanuon ke sankraman ko rokta hai. adarak ko jyada khane ki jarurat nahin hai. chay ke sath keval ek se do gram adarak paryapt hai. joron ke dard se pirit logon ke lie iska din men tin bar bhojan ke sath sevan faydemand hota hai. adarak ka sanskrit nam ‘shringver’ hai jiska arth sing akar hai.
itihaskaron ke anusar adarak ka sevan manushya hajaron varsh purva se karta a raha hai. rom vasi ise karib 2000 varsh purva chin se ayat kiya karte the aur yah atyant kimti hota tha. ab ise vest indij, bharat, meksiko aur dakshini amerika jaise deshon men bhi ugaya aur niryat kiya jata hai. astreliya, jamaika, fiji, indoneshiya aur bharat iske pramukh utpadak hanai. bhojan banate samay adarak ko shuru men dalne se bahut halki mahak ati hai jabki ant men dalne se tikhi mahak aur svad ata hai.
jin khadya padarthon ke sevan se pet ful jata hai aur gais jyada banti hai, unmen adarak dalne se yah samasya khatm ho jati hai. isi karan se fulgobhi, pattagobhi, chole, rajma, urad ki dal aur sukhe matar adi men gharane ke bare burhe pakate samay adarak avashya dalte hain. ganne ke ras men nibu, adarak aur pudine ka ras dalakar pina, ya fir shahad ya pani men bhi nibu, adarak aur pudine ka ras dalakar pina ajakal bajar men pae jane vale kritrim pey padarthon se hajar guna svasthyakar evan kam kharchila hai.
adarak ko kaddukas kar salad men bhi dalakar khana labhdayak hota hai. shakrkand ko bhunakar adarak aur santre ke ras ke sath khaen, atyant anand aega.