sarvarth chintamni ke anusar shiksha ka vichar tritiya evan pancham bhav se kiya jata hai. jatak parijat ke anusar chaturth evan pancham bhav se shiksha ka vichar kiya jata hai. faldipika men lagnesh, pancham bhav evan panchmesh ke sath-sath chandra, brihaspati evan budh ko shiksha ka karak bataya gaya hai. bhavat bhavan siddhant ke anusar pancham se pancham hone ke karan navam bhav se bhi shiksha par vichar kiya jata hai.
navam ka shani vigyan evan darshan ki shiksha prapt karata hai. shiksha ki sthiti ka pata lagane ke lie dasham evan ekadash bhavon ka vishleshan bhi kiya jata hai. dvitiya bhav se balyakal men vidya grahan karne ki yogyata ka bodh hota hai. pancham bhav shiksha ka mukhya bhav hota hai. pancham bhav aur panchmesh ke sath grahon ka drishti ya yuti sambadh shiksha ko sarvadhik prabhavit karta hai. trik sthanon men sthit panchmesh ya guru shiksha men rukavat dalta hain. yahan yadi koi bhi grah svagrihi, ya uchch ka hokar baitha hai to vah uchch shiksha pradan karta hai.
yah snatak aur snatkoÿar tak ki shiksha asani se dila deta hai. dasham bhavasth surya, mangal aur rahu rajnitishastra v takniki gyan, surya, chandra aur shani dharmik grathon ka aur budh v brihaspati vanijya v vyapar ka gyan pradan karte hain. chandrama v shukra saundarya prasadhan, vadya v gan vidya pradan karte hain. ekadash bhav men sthit chandra aur guru evan pancham bhavasth shukra anek shastron ka gyan pradan karte hain.
upar varnit grah sthitiyon ke atirikt pancham bhav ke karak guru ka bal bhi avashya dekhna chahie. guru jitna hi balshali hoga jatak utna hi vidvan hoga. vidya prapti ke lie jyotishiya yog char ya unse adhik grahon ke falakathan ke vishay men varah-mihir kahte hain, ‘‘aise jatak vidya prapti evan prapt vidya ke upyog ke lie sannyasi hote hain aur yogkarak grahon ke balabal ke bhed se bhinn prakar ke hote hain arthat ye ek vishisht prakar ke jatak hote hain
jo tap bal dvara vidya prapt kar lok kalyankari karya hetu hi vidya dan bhi dete hain. isi vishay men acharya kalyan varma saravli men kahte hain ki ‘‘is prakar ke yogon men tapasviyon ka janm hota hai. aise jatak sannyasi hote hain. kisi-kisi jatak ki kundli men ek vishisht yog bhi hota hai jise gol yog kahte hain. is yog ki rachna tab hoti hai jab ek hi bhav men ath grah ekatrit hote hain. gol yog kai varshon men ekbar banta hai. yah ek param vichitra yog hota hai.
is yog men utpann vyakti param vilakshan pratibha vale hua karte hain. yah vilakshan sthiti dhanatmak bhi ho sakti hai aur rinatmak bhi. sthiti ke adhar par hi yah nirnay liya ja sakta hai ki vah sapeksh hai ya nahin. budhaditya yog evan fal lagn chakra ke dvadash bhavon men budh jab surya ke sath hota hai tab is yog ka nirman hota hai. budh surya ke sarvadhik nikat ka grah hai. yah surya ki parikrama matra 88 dinon men puri kar leta hai. atah kundli men budh surya ke sath hi dikhai deta hai.
is yog ke bare men shri bi. vi raman likhte hain ki ‘‘jab budh tatha surya ke anshon men 14 digri ya adhik ka antar ho tabhi purn budhaditya yog hota hai aur purn fal deta hai. kanya rashi men budh evan surya ki yuti uchch koti ka budhaditya yog banati hai. sinh lagn men yah ek prabal dhandayak yog hota hai kyonki budh labhesh aur dhanesh hokar uchch ka, lagnesh surya se yut hota hai. nau grahon men keval budh hi ek matra aisa grah hai jo apne ghar men uchch ka hota hai. kai kundliyon ke adhyayan se pata chala hai ki budhaditya yog men budh anshon men jab surya ke age nikal jata hai to is yog ka sarvadhik labh ganit ya bhautik men avashya milta hai.
aise jatak ka ganit bahut hi achcha hota hai. gannaon ko hal karne men budh ka hi aksar yogdan hota hai. yadi budh surya ke sath kisi bhi bhav men shubhgrihi, shubh drisht, shubh rashisth ho to jatak gurh shastron ka adhyayan karne vala, dharm karyon men dhan kharch karne vala, upasak v yashasvi hota hai. vah dayalu, paropkari, vidya vinay aur samriddh hota hai kintu yadi budh surya ke sath kisi bhi bhav men ashubh grihi, ashubh drisht, ashubh rashisth v pap grihi ho to jatak rajadrohi, vyangya v katu vachan bolne vala, apne apko adhik vidvan batane vala aur ati buddhivadi hota hai. jatak ki vidya jatak ki kundli ke anusar uski vidya ka vichar chaturth sthan se aur buddhi ka pancham sthan se kiya jata hai.
vidya aur buddhi men ghanishth sanbandh hai. dasham bhav se vidya janit yash ka vichar kiya jata hai. budh evan shukra ki sthiti se vidvaÿaa, panditya tatha kalpanashakti ka aur brihaspati se vidya ke kshetra men hone vali pragti ka vichar kiya jata hai.
punah dvitiya bhav, chaturth bhav evan navam bhav se vidya men nipunta, pravinta adi ka vichar kiya jata hai. budh grah se vidya grahan ki shakti tatha navam bhav aur chandrama se kavya kushlta aur dharmik tatha adhyatm vidya ka vichar kiya jata hai. shani tatha navam aur dasham bhav se gyan ka vichar kiya jata hai. shani se hi angreji evan videshi bhashaon ka bhi vichar kiya jata hai.
yadi chaturth bhav ka svami lagn men athva lagn ka svami chaturth sthan men ho athva budh lagnasth ho aur chaturth sthan bali ho aur us par pap grah ki drishti n ho, to jatak yashasvi vidvan hota hai. yadi chaturthesh chaturthasth aur lagnesh lagnasth ho to bhi jatak vidya yashasvi vidvan hota hai. yadi chaturth sthan men chaturthesh ho athva shubh grah ki us par drishti ho, ya vahan shubh grah baitha ho, to jatak vidya vinyi hota hai. buddhi kshamata
- yadi pancham bhav ka svami budh ho aur vah kisi shubh grah ke sath ho athva us par shubh grah ki drishti ho, to jatak samjhdar, hoshiyar v buddhiman hota hai.
- yadi panchmesh shubh grahon se ghira ho, to us sthiti men bhi jatak samjhdar, hoshiyar aur buddhiman hota hai.
- budh ke uchch ya panchamasth hone par bhi jatak samjhdar, hoshiyar aur buddhiman hota hai.
- panchmesh jis navansh men ho, uska svami yadi kendrasth ho aur shubh grah se drisht ho to us sthiti men bhi jatak samjhdar, hoshiyar evan buddhiman hota hi hai.
- panchmesh jis sthan men ho, us sthan ke svami par yadi shubh grah ki drishti ho athva uske donon taraf shubh grah baithe hon to jatak ki buddhi bari tikshn hoti hai.
- yadi pancham sthan do shubh grahon ke bich men ho, brihaspati panchamasth ho aur budh doshrhit ho to jatak tikshnabuddhi hota hai.
- yadi lagnadhipti nich ho athva papyukt ho to jatak ki buddhi achchi nahin hoti.
- yadi panchmesh, budh, brihaspati v shukra duahsthan men hon v ast hon to is sthiti men bhi jatak ki buddhi durbal hoti hai. smaran shakti yadi pancham sthan men shani v rahu hon aur shubh grah ki pancham sthan par drishti n ho to smaran shakti durbal hoti hai.
panchmesh athva pancham sthan shubh drisht ya shubh yukt ho ya brihaspati pancham sthan ke svami ke kendra ya trikon men ho, to smaran shakti prabal hoti hai.