ganesh kripa paen nav varsh men rashmi chaudhri hindu dharmanusar koi bhi karya praranbh karne se purva bhagvan ganesh ji ki aradhna karne ka prachalan hai. ganeshopasna ka mahatmya sarvabhaumik v sarvalaukik hai. shri gosvami tulsidas ji ne bhi 'shriramchrit mans' jaise mahan evan pavitra granth ki rachna karne se purva ganesh ji ki aradhna ki thi. ap bhi naye varsh men ganeshopasna ke dvara ganesh ji ki kripa prapt kar len jisse apke sabhi karya nirvighn evan saflta purvak sanpann hote rahen. ganesh-puja ka mahatva : kamna bhed se alg-alag vastuon se ganpti ki murti banakar uski puja karne se manovanchit fal ki prapti hoti hai. svayan murti n bana saken to bajar men upalabdh murti ke samne baithakar bhi puja kar sakte hain. ganesh gayatri un mahakarnay vidmahe vakratunday dhimhi tanno dantiah prachodyat॥ anya mantra : pranamya shirsa devan gauriputram vinayakam. bhaktavasan smarejjityan sarva kamarth siddhaye॥ gajannan bhutgnadisevitan kapitth jambunfal charu bhakshanam, umasutan shok vinash-karakam, namami vighneshvarpad pankjm॥ vakratund mahakay suryakoti samaprabhah.
nivighnan kuru men dev sarva karyeshu sarvada॥ un gan ganptye namah mantra ka jap karne se bhi karyon men abhisht siddhi prapt hoti hai. chaturthi tithi ka mahatva : vaise to ganesh ji ki puja ke lie kisi vishesh tithi ki avashyakta nahin hai fir bhi ganesh puja men chaturthi tithi ka alag hi mahatva hai. usmen bhi visheshakar shukla-paksh ki chaturthi tithi ko upvas kar jo bhagvan ganesh ka pujan karta hai, uske sabhi karya siddh ho jate hain aur sabhi anisht dur ho jate hain. shiva, shanta tatha sukha-tin prakar ki chaturthi ka fal aur unka vrat vidhan- ''bhavishya puran'' men 'sumanta' muni ne tin prakar ki chaturthi ka varnan kiya hai- shiva, shanta aur sukha. inka vistrit varnan is prakar hai- bhadrapad mas ki shukla chaturthi ka nam 'shiva' hai. is din jo snan, dan, upvas, jap adi satkarm kiya jata hai, vah ganpti ke prasad se sau guna ho jata hai.
is chaturthi ko gur, lavan aur ghrit ka dan karna chahie. yah shubh mana gaya hai. gur ke mal pua se brahmanon ko bhojan karana chahie tatha unki puja karni chahie. is din jo stri apne sas-sasur ko gur ke pue tatha namkin pue khilati hai vah ganpti ke anugrah se saubhagyavti hoti hai. pati ki kamna karne vali kanya vishesh se is chaturthi ka vrat karke ganesh ji ka pujan karen to use manovanchit var ki prapti hoti hai. yah shiva chaturthi ka vidhan hai. shanta chaturthi : magh mas ki shukla chaturthi ko 'shanta' kahte hain. yah shanta tithi nitya shakti pradan karne ke karan 'shanta' kahi gai hai. is din kiye gae snan danadi satkarm ganesh ji ki kripa se hajar guna faldayak ho jate hain. is 'shanta' namak chaturthi tithi ko ganesh ji ka pujan havan karen tatha lavan, gur, shak evan gur ke pue brahman ko dan den. yadi upvas kar saken to pujan aur bhi falaprad rahta hai. visheshrup se saubhagyavti vivahit striyan apne sasur adi pujyajnon ka pujan karen evan unhen bhojan karaen. is vrat ke karne se akhand saubhagya ki prapti hoti hai. samast vighn dur hote hain evan ganesh ji ki kripa prapt hoti hai. kisi bhi mahine ke bhaumvar yukt shukla chaturthi ko 'sukha' kahte hain. yah vrat striyon ko saubhagya, uttam rup aur sukh dene vala hai. bhagvan shankar env mata parvati ke sanyukt tej se bhumi dvara raktavarn ke mangal ki utpatti hui.
bhumi ka putra hone se vah 'bhaum' kahlaya aur kuj, rakt, vir, angarak adi namon se prasiddh hua. vah sharir ke angon ki raksha karne vala tatha saubhagya adi dene vala hai, isilie angarak kahlaya. jo purush athva stri bhaumvaryukt shukla chaturthi ko upvas karke bhakti purvak pratham ganesh ji ka, tadantar rakt chandan, rakt pushp adi se bhaum ka pujan karte hain, unhen saubhagya aur uttam rup sampatti ki prapti hoti hai. pujan vidhi : shukla paksh ki chaturthi ke din sarvapratham gangajal se mishrit jal se snan kar ganesh ji ka smaran karen. tatpashchat nimn mantra ka uchcharan karte hue durva ka sparsh karen. durva sparsh karne ka mantra : tvan durve amritnamasi sarvadevaistu vandita. vandita dah tatsarvan duritan yannmayakritan tatpashchat gau mata ko sparsh karke gaumata ke ashirvad len evan nimn mantra ka uchcharan karen- sarvadevmyi devi munibhistu supujita. tasmat sprishami vande tvan vandita papha bhav॥
shraddhapurvak pahle gau ki pradakshina karen fir uparyukt mantra ko parhakar gau ka sparsh karen. gau ki pradakshina karne se sanpurn prithvi ki pradakshina karne ka fal prapt hota hai. is prakar gau ka sparsh karne ke uprant hath pair dhokar asan par baithakar achaman karen. tatpashchat tanbe ki thali men lal vastra tatha lal pushp bichakar ganesh bhagvan ki chitra ya murti sthapit karen. ganesh ji ko sarvoshidhi evan sugandhit drivya padarthon se uplipt karen tatha vighnesh ke samne baithakar brahmanon se svativachan karvaen ya (svayan hi karen) tadantar shiv-parivar (bhagvan shankar, parvati, kartikey evan ganesh) ki puja karke sabhi pitron tatha grahon ki puja karen. tatpashchat khair ki samidhaon se agni prajvalit kar ghrit, dugdh, yav, til tatha vibhinn bhakshya padarthon se mantra parhte hue havan karen. ahuti in mantron se den. un sharvay svaha, un sharvaputray svaha, un kshinyutsanrgan bhavay svaha, un kujay svaha, un lalitagany svaha, un lohitangay svaha.
in pratyek mantron se 1, 11, 21 ya 108 bar ahuti den. havan ke pashchat hath men pushp, durva tatha sharshap (sarson) lekar ganesh ji ki mata parvati ko tin bar pushpanjli pradan karni chahie. mantra uchcharan karte hue is prakar prarthana karni chahie. rupan dehi yasho dehi bhagan bhagvti dehi me. putran dehi dhanan dehi sarvan kamakshan dehi me. achlan buddhi men dehi dharayan khayatimevch॥ prarthana ke pashchat brahmanon tatha guru ko bhojan karakar unhen vastra tatha dakshina samarpit karen. is prakar bhagvan ganesh tatha grahon ki puja karne se sabhi karmon ka fal prapt hota hai aur shreshth lakshmi ki prapti hoti hai.