ratnon ka jyotish men mahatva atyant prachin hai. grahon ko anukul banane hetu ratn dharan kiye jate hain. grahon ke anusar ratn is prakar hain: grah ratn surya manikya chandra moti mangal manuga budh panna guru pukhraj shukra hira shani nilam kai bar jyotishi bolte namanusar rashi tay kar ratn dharan karne ki salah dete hain tatha kai bar paristhitivash athva grah dasha/ gochar ke anusar salah dete hain. lagn ke anusar ratn dharan karna hi shreshth hai tatha is prakar jivan bhar in ratnon se labh uthaya ja sakta hai.
barah lagn anusar jatak kaunsa ratn dharan kare yah nimn prakar se hai: mesh lagn mesh lagn ke jatak ko munga v manikya v pukhraj dharan karna uchit rahega kyonki lagnesh mangal hai, panchmesh surya v navmesh guru hain. inhen dharan karne se jatak ke vyaktitva, vidya, santan, yash, ayu, bhagya ka vikas ho sakta hai. vrish lagn vrish lagn men shani yogkarak grah hota hai kyonki kunbh v makar rashiyan kramshah navam (trikon) v dasham (kendra) men hoti hai atah vrish lagn ke lie nilam sarvashreshth ratn hai. nilam dharan karne se jatak ko bhagya, shiksha, shasan, naukri, man-samman, pratishtha, pad prapti ho sakti hai.
shukra ka lagn hone ke karan hira bhi dharan kar sakte hain. parantu iske lie shukra ki sthiti ka akalan kar lena chahie kyonki mulatrikon rashi tula shashth bhav men sthit hai. mithun lagn mithun lagn men budh yogkarak hota hai kyonki mithun v kanya rashiyan kramshah pratham (kendra v trikon) tatha chaturth kendra men sthit hain atah mithun lagn ke lie panna, sarvashreshth ratn hai. panna dharan karne se jatak ko mansik shanti, vyaktitva vikas, samast sukh, sanpatti, vahan v jan sahyog prapt ho sakta hai. shukra ki rashi mul trikon bhav men sthit hai atah hira v nilam bhi pahan sakte hain.
parantu vrish rashi vyay (dvadsh) bhav men tatha makar ayu/mrityu (ashtama) men sthit hai atah achchi tarah se vichar kar lena chahie. kark lagn is lagn men mangal yogkarak hota hai kyonki vrishchik v mesh rashiyan kramshah pancham (trikon) tatha dasham (kendra) men sthit hain atah kark lagn ke lie munga sarvashreshth ratn hai. ise dharan karne se vidya, santan, pad, man-samman-pratishtha tatha pita se labh prapt ho sakta hai. kark lagn men lagnesh chandra ka ratn moti dharan karne se vyaktitva men chahunmukhi vikas ho sakta hai. sinh lagn sinh lagn men mangal yogkarak hota hai kyonki mangal chaturth (kendra) v navam (trikon) sthan ka svami hota hai. munga dharan karne se jatak ko bhagya men prablta v sabhi sansarik sukhon ki prapti ho sakti hai. lagnesh surya hai atah manikya dharan kar sakte hain. kanya lagn kanya lagn men budh yogkarak grah hota hai
kyonki pratham (kendra v trikon) tatha dasham (kendra) men sthit kramshah kanya v mithun rashiyon ka svami hai islie kanya lagn ke jatak ke lie panna dharan labhkari ho sakta hai jisse vyaktitva vikas, pad, pratishtha, man samman ki prapti ho sakti hai. tula lagn is lagn men shani yogkarak grah hota hai kyonki chaturth (kanedra, v pancham (trikon) bhav ki rashiyan kramshah makar v kunbh ka svami hota hai. atah nilam dharan karna labhkari ho sakta hai jisse sukh-sampaÿia, dhan, vahan, vidya, santan, yash vriddhi ho sakti hai. tula shukra ki mul trikon rashi lagn men hai atah hira bhi labhkari ho sakta hai. vrishchik lagn vrishchik lagn men kark rashi bhagya (navm) bhav men sthit hoti hai atah in jatkon ke lie moti dharan karna labhkari ho sakta hai jisse bhagyavriddhi ho. dhanu lagn dhanu lagn men guru yogkarak hota hai kyonki dhanu v min rashiyan kramshah pratham (kendra v trikon) v chaturth (kendra) men hoti hain atah guru ratn pukhraj dharan karna chahie. bhagyesh surya tatha panchmesh mangal hone ke karan manikya v munga bhi labhaprad ho sakte hain. makar lagn makar lagn men shukra yogkarak hota hai
kyonki pancham (trikon) v dasham (kendra) ka svami hota hai. atah hira dharan karna labhaprad ho sakta hai jo vidya, santan, yash, pad, man adi men vriddhi kar sakta hai. bhagyavriddhi ke lie panna dharan kar sakte hain kyonki budh ki mul trikon rashi kanya navam bhav men sthit hai. kunbh lagn kunbh lagn men bhi shukra yogkarak hota hai kyonki chaturth (kendra) v navam (trikon) bhav ka svami hota hai atah hira dharan karna labhaprad ho sakta hai jisse bhagyavriddhi, vahan, sukh, shanti, samriddhi, pad adi ki prapti ho sakti hai.
shani ki mul trikon rashi kunbh lagn (kendra v trikon) men sthit hai atah nilam dharan karne se vyay men kami ayegi v vyakti ka vikas bhi hoga. min lagn min lagn men guru yogkarak hota hai kyonki pratham (kanedra v trikon) tatha dasham (kanedra) ka svami hota hai. atah pukhraj dharan karna labhaprad ho sakta hai jisse vyaktitva vikas, pad, man, samman, dhan adi men vriddhi ho sakti hai tatha moti bhi dharan kar sakte hain kyonki kark rashi pancham bhav men sthit hai jisse, vidya, santan, yash labh mil sakta hai.