gajkesri yog ko asadharan yog ki shreni men rakha gaya hai. jis vyakti ki kundli men yah yog banta hai vah buddhiman aur dirghayu hota hai. dharma-karm men ruchi hoti hai. aise vyakti jis kshetra men jate hain unmen nirantar pragti ki or barhte rahte hain. is yog ki sabse bari visheshta yah hai ki is yog se prabhavit vyakti parhne-likhne men bahut hi hoshiyar hote hain, dayavan aur vivekshil hote hain. amtaur par is yog vale vyakti uchch pad par karyarat hote hain.
apne sadgunon ke karan mrityu ke pashchat bhi inki khyati bani rahti hai. vyakti ko jivan men kabhi bhi abhav nahin khatkta hai. is yog ke sath janm lene vale vyakti ki or dhan, yash, kirti svatah khinchi chali ati hai. inka vyaktitva ganbhir v prabhavshali hota hai jisse samaj men inhen shreshth sthan milta hai. arthik mamlon men ye bahut hi bhagyashali hote hain jisse inka jivan vaibhav se bhara hota hai. lekin yah tabhi sanbhav hota hai
jab yah yog ashubh prabhav se mukt hota hai. gajkesri yog ki shubhta ke lie yah avashyak hai ki guru v chandra donon hi nich ke n hon aur n hi ye donon grah shani v rahu jaise papagrahon se kisi prakar prabhavit hon. yah yog un sthitiyon men bhi banta hai jab guru aur chandrama ek dusre se 1-4-7-10 ghar men hota hai. kaha gaya hai ki chandrama aur guru ke bich sanbandh nahin bhi ho aur keval guru chaithe, satven ya dasven ghar men shubh sthiti men baitha ho tab bhi gajkesri yog banta hai. kendra ke alave ye donon grah trikon men navam evan pancham hokar bhi shubh fal dete hain.
kabhi-kabhi in grahon ki kshamata kam hone par jaise grah ke balyavastha, mritavastha athva vriddhavastha ityadi men hone par is yog ke prabhav ko barhane hetu lagn ke upay karne se is rajyog men vriddhi hoti hai evan vyakti aur adhik labh prapt kar pata hai. kundli men is yog ke hone par jahan kuch log unnati karte hain to kuch logon ki kundali men yah yog prabhavhin ho jata hai. is sandarbh men jyotish shastra lagnanusar kuch niyamon ki vyakhya karta hai ki kaise yah yog shubh fal deta aur kin sthitiyon men yah prabhavhin hota hai. lagnanusar gajkesri yog
mesh lagna: mesh lagn ki kundali men guru navmesha/dvadshesh tatha chandra sukhesh hokar gajkesri yog banata hai. is lagn men guru v chandra, donane yogkarak hote hain. inki yuti shubh faldayi hoti hai. is lagn men in donon grahon ki sabse shubh sthiti chaturth bhav men hoti hai. dvitiya evan pancham men bhi guru-chandra ki yuti shubh mani jati hai.
vrish lagna: vrish lagn ki kundali men guru labhesh/ashtamesh tatha chandra parakramesh hokar gajkesri yog banata hai.
samanyatah vrish lagn ki kundali men gajkesri yog uchit labh nahin de pata.
mithun lagna: mithun lagn ki kundli men guru saptamesh/dshmesh tatha chandra dhanesh hokar gajkesri yog banata hai. is lagn men guru ko kendresh hone ka dosh lagta hai parantu guru yadi dhanu rashi men hota hai to dhanesh chandra ke sath milakar gajkesri yog ka fal deta hai kyonki trikon rashi men hone se guru ka kendradhipti v saptamadhipti dosh prabhavhin ho jata hai.
kark lagna: kark lagn ki kundali men guru rogesh/ashtamesh tatha chandra lagnesh hokar gajkesri yog banata hai. agar lagn ka svami chandrama lagn men baitha ho aur guru mesh men sthit ho ya fir guru kark men ho aur chandra mesh men tab bhi uttam gajkesri yog banta hai jo vyakti ke lie shubh faldayi hota hai.
sinh lagna: sinh lagn ki kundali men guru panchmesh/ashtamesh tatha chandra dvadshesh hokar gajkesri yog banata hai parantu is lagn men yah yog tab falit hota hai jab guru min rashi men baitha ho aur chandrama dhanu rashi men baitha ho. anya sthitiyon men is yog ke falon men kami ati hai.
kanya lagna: kanya lagn ki kundali men guru kendresh v chandra labhesh hokar gajkesri yog banata hai parantu is lagn men yah yog tab falit hota hai jab guru apni rashi men baitha hota hai kyaneki aisi avastha men guru kendradhipti dosh se mukt ho jata hai. is sthiti men guru agar min rashi men ho tatha chandrama dhanu ya min men baitha ho to ise shubh faldayi gajkesri yog mana jata hai.
tula lagna: tula lagn ki kundali men guru parakramesh/rogesh tatha chandra dashmesh hokar gajkesri yog banata hai.
atah is lagn mane gajkesri yog ka purn fal nahin mil pata hai fir bhi yadi guru kark rashi men v chandrama makar rashi men ho to kuch had tak shubh fal ki ummid ki ja sakti hai. lekin ismen ek achchi bat yah hoti hai ki guru-chandra ki is sthiti se hans yog banta hai jinka inhen atyant shubh fal milta hai.
vrishchik lagna: vrishchik lagn ki kundali men guru panchmesh/dhnesh tatha chandra navmesh hokar gajkesri yog banata hai. guru, yadi kundali men lagn men ho aur chandrama satven ghar men vrish rashi men ho to donon ke bich drishti sambandh banta hai jisse yah yog bahut hi shubhkari hota hai.
dhanu lagna: dhanu lagn ki kundali men guru lagnesh/sukhesh tatha chandra ashtamesh hokar gajkesri yog banata hai. atah is lagn men chandra ke ashtamesh hone ke karan gajkesri yog ka purn fal nahin milta. lekin guru agar vrishchik rashi men ho aur chandrama vrish rashi men to is yog ka shubh fal mil sakta hai.
makar lagna: makar lagn ki kundali men guru parakramesha/dvadshesh tatha chandra saptamesh hokar gajkesri yog banata hai.
atah makar lagn ki kundali men gajkesri yog samanya faldayi hota hai.
kumbh lagna: kumbh lagn ki kundali men guru labhesh/dhnesh tatha chandra rogesh hokar gajkesri yog banata hai.
atah kumbh lagn ki kundali men bhi gajkesri yog samanya faldayi hota hai.
min lagna: min lagn ki kundali men guru lagnesh/dshmesh tatha chandra panchmesh hokar gajkesri yog banata hai. atah min lagn ki kundali men guru ki hi rashi men gajkesri yog bane to bahut hi shubhkari hota hai.
atah sabhi lagnon men mithun, kanya, vrishchik evan min lagn men banne vala gajkesri yog sabse shreshth mana jata hai. anya lagnon men iska prabhav inki apeksha kam hota hai.