gomukhi shankh ki utpatti satyug men samudra manthan ke samay hua. jab 14 prakar ke anmol ratnon ka pradurbhav hua tab lakshmi ke pashchat shankhakalp ka janm hua. usi kram men gomukhi kamdhenu shankh ka janm mana gaya hai. pauranik granthon evan shankhakalp sanhita ke anusar kamdhenu shankh sansar men manokamnapurti ke lie hi prakat hua hai. anya ratn aur bhi nikle jo is prakar hain- kalpavriksh, kamdhenu, amrit, chandrama, dhanvantri, kaustubhmni adi sabhi shankh vartaman men bhi samudra dev se hi prapt ho rahe hain. is shankh ki utp aj bhi shrilanka aur astreliya ke samudron men adhik hoti hai. yah shankh kamdhenu gay ke mukh jaisi rupakriti ka hone se ise gomukhi shankh ke nam se jana jata hai. pauranik shastron men iska nam kamdhenu gomukhi shankh hai. is shankh ko kalpana puri karne vala kaha gaya hai. kaliyug men manav ki manokamnapurti ka ek matra sadhan hai. yah shankh vaise bahut durlabh hai. iska akar kamdhenu ke mukh jaisa hai. lal-pila rang ka prakritik jabda munh ke rup ki shobha badha raha hai. upar do-tin sing bane hue hain. - kamdhenu gomukhi shankh ke prayog: kisi bhi shubh muhurt men lal vastra dharan kar lal rang ke uni asan par baithakar samne gomukhi shankh ko is prakar se rakhen ki apke samne shankh ka munh rahe. rudraksh ki mala se 11 din men 51 hajar jap karen. mantra jap ke samay shankh ke munh par funk maren. yah sadhna 11 din men siddh ho jati hai. yah shankh apki har manokamna purn karta hai sath hi vani siddhi bhi ho jati hai. mantra is prakar haiah un namah gomukhi kamdhenu shankhay mam sarva karya siddhi kuru-kuru namah. lakshmi prapti men kamdhenu shankh ke vibhinn prayog: durlabh kamdhenu shankh rishi-maharshi sakshi hain - rishi vashishth ne kaha ki main aj se lakshmi ko siddh aur pratyaksh karne ke lie sadhna men kamdhenu shankh ke samne baith raha hun aur sansar men isse badi sadhna, isse tejasvi mantra koi nahin hai, aisa ho hi nahin sakta ki main yah sadhna karun aur lakshmi mere ashram men purnata ke sath pratyaksh prakat n han. mantra- un namah kamdhenu hrin kamal vasinyai pratyaksh hrin fat. ratri ko snan kar pile asan par purva ki or munh karke kamdhenu shankh ke samne baithen. 11 mala rudraksh se mantra jap kar funk marte samay lakshmi apne purn svarup men vashishth ke samne prakat huin aur kaha- main kamdhenu gomukhi shankh ki sadhna se atyadhik prasann hun aur tumhari sadhna se jivanaparyant tumhare ashram men sthapit rahungi evan sthir vas kar hamesha vardan deti rahungi. isi karan rishi shankh ko sath men rakhte the. - maharshi pulastya ne kamdhenu shankh ke madhyam se lakshmi ko purnata ke sath prapt karne ke lie vishesh prayog sampann kiya jiski aj bhi pauranik shastron men vishesh charcha hai. unhonne apne samne prakritik kamdhenu shankh sthapit kar lal asan par ki or munh karke baithan aur sfatik mala se 21 bar jap kar lakshmi ko prakat hone ke lie badhya kar diya. yah siddh kar diya ki maharshi pulastya ka yah prayog atyadhik chaitanya purn hai. mantra:- un kamdhenu shankhay hrin hrin hrin kamal vasinyai agachch hrin hrin hrin namah. apar lakshmi prapti ke lie maharshi pulastya ka yah prayog purn siddh hai. sadhak yah sadhna kar apar lakshmi prapti kar sakta hai. - shankracharya apne samay ke advitiya vidvan hain. unke guru ne kaha shankar jab tak tum lakshmi ki aradhna aur sadhna siddhi kamdhenu shankh ke dvara nahin kar lete tab tak jivan men purnata sanbhav hi nahin hai. lok kalyan ke lie unhonne ek gopniya prayog shankracharya ko bataya ki kisi bhi purnima ke din ratri ke samay kamdhenu gomukhi shankh ke samne safed vastra dharan kar disha ki or munh karke rudraksh ki mala se 11 bar jap kar shankh par funk mare. mantra- un namah kamdhenu hrin hrin shrin shrin hrin hrin fat. jab mantra jap pura ho jaye to ratri men vahin jamin par shankh ke samne so jayen, pratah pujan karen. - yogi shivanand sanpurn himalay men vikhyat hain aur lakshmi se sanbandhit saikdon sansmaran unke sath jude hue hain. sharir chodne se pahle unhonne apne mukhya shishya yogi kripacharya ko yah lakshmi siddh prayog bataya tha jo sone ki kalam se likhne yogya hai kyonki himalay par sannyasi aur yogiyon men is sadhna ki atyadhik charcha hai. mantra- un namah kamdhenu shankhay mam grih dhan varsha kuru-kuru svaha. shukla paksh men kamdhenu gomukhi shankh ke samne ki or munh karke lal vastra dharan kar lal munga ki mala se lal asan par baithakar 51 bar jap kar shankh par funk maren to sadhna siddh hogi. - himalay par nandan van men sannyasi svami yogiraj sachchidanand ji ka ashram hai jo ki atyadhik vikhyat hai. aj uski badi charcha hai. unhen nepal se ek prachin garath shankh kalp sanhita prapt hua tha. usmen vishisht lakshmi prayog tha jisse yogiraj sachchidanand kamdhenu shankh ke madhyam se siddh kiya tha. unki hastalikhit jivni men is prayog ki charcha hai evan himalay ke kai yogiyon ne is sadhna se purn labh uthaya hai. shukla paksh ke kisi bhi budhvar ko pili dhoti dharan kar pile asan par ki or manh karke kamdhenu shankh ke samne baith jayen. sfatik mala se 21 bar jap kar shankh par funk maren. mantra- un namah gomukhi shankhay mam grih ann dhan svarn varsha kuru-kuru svaha. jap ke samay bich men asan nahin choden chahe cham-cham ghunghruon ki avaj ya sakshat lakshmi dikhai de. - pagla baba ne to apne jivan men lakhon rupye dan diye fir bhi unke khajane men koi kami nahin ai. unhonne iske lie yauvnavastha men ek kamdhenu gomukhi shankh lakshmi prayog kiya tha jo ki atyant gopniya hai. lal asan par lal rang ki dhoti dharan kar ki or munh karke gomukhi shankh ke samne baithen aur apar lakshmi ki kamna karen. kamalagatte ki mala se 21 bar jap kar shankh par funk maren. mantra- un kamdhenu shankhay hrin aishvarya shrin dhan dhanyadhipatyai ain purnatva lakshmi siddhayai namah. yah prayog kabhi bhi asafal nahin hua. sadhna siddh hone par shankhodak jal ka achaman kar lakshmi ka avahan karne par apar dhan varsha hoti hai. kamdhenu shankh ke siddh tantrik: gorkhnath: tantra ke kshetra men guru gorkhnath ka nam atyant samman ke sath liya jata hai. kamdhenu gomukhi shankh se unhonne lakshmi se sanbandhit uchch koti ki sadhna kar ek aisa vatavaran apne ashram men bana diya tha ki ve jitna bhi kharch karte the usse sau guna jyada prapt hota tha. kahte hain ki unke ashram men lakshmi har samay pratyaksh rahti thin aur kisi-kisi ko dikhai bhi de jati thin. kisi bhi ravivar ki ratri ko gomukhi kamdhenu shankh ko samne sthapit kar ratri ko sadhak ek dhoti pahanakar purva disha ki or munh kar khada ho jaye, hath men kamalagatte ki mala se 21 bar jap kare. mantra- un kamdhenu gomukhi shankhay hrin hrin lakshmi agachch agachch jat fat namah. yah achuk prayog hai. sadhak apne ghar par gomukhi shankh ko ishan kon men sthapit kar de. matsyendranath: tantra ke kshetra men jitna gorkhnath ka nam hai. utna hi matsyendranath ka bhi. ve gorkhnath se bhi kai guna age the. kamdhenu gomukhi shankh se unhonne lakshmi se sanbandhit ek gopniya prayog siddh kiya tha jo tibbat ke ek prachin granth shankhakalp sanhita se prapt hua. sadhak snan karne ke bad safed dhoti pahan kar jamin par baith jayen. disha ki or munh karke samne kamdhenu shankh sthapit karke is shankh ke samne rudraksh mala se nimn mantra ki 21 bar jap karen mantra- un kamdhenu gomukhi shankhay dhan lakshmi hun fat. ye apne ap men lakshmi ka bij mantra hai. pratyek sadhak ko iska prayog karke labh uthana chahie. svami bhairvanandn: lakshmi se sanbandhit ek mahatvapurn prayog pure himalay men prachlit hai aur saikdon sadhkon ne is prayog ko ajmaya hai. apne samne gomukhi shankh sidha rakh den. shukla paksh men ratri ke samay men ki or munh karke lal asan par baith jayen aur svayan bhi lal dhoti dharan karen. rudraksh ki mala se purn bhagyoday lakshmi ka jap karen. mantra- un kamdhenu shankhay lakshmi abaddh abaddh siddhay siddhay fat. is mantra ka 51 bar jap karen. mantra jap sampann hote hote lakshmi ki kripa prapt ho jati hai. kalvi: himalay par tapovan men tantrik kalvi ka nam vishvavikhyat hai. unke anusar shukla paksh ko kisi bhi ratri men kamdhenu gomukhi shankh ke samne ki or munh karke baith jayen. kamalagatte ki mala se 51 bar mantra jap karen. mantra-un kamdhenu shankhay siddheshvaray. lakshmi prapti ki drishti se yah prayog adbhut aur mahatvapurn hai. kamdhenu shankh ke shastrokt matah shankhakalp sanhita: yah shankh sabhi manokamnaon ko purn kar ant men moksh ke dvar kholta hai. dakshinavarti shankh to keval lakshmi ko prasann karte hain. yah lakshmi ke sath-sath manav ki har mahatvakanksha purn karta hai. goraksh sanhita: is shankh ki 108 bar shankhnad badh jaisi prakritik apda ko turant rok deti hai. ise kamna siddhi ka shankh kaha jata hai. kedar kalpa: yah shankh sabhi shankhon men mahan kaha gaya hai kyonki yah sabhi bhautik evan parlaukik siddhiyon ko pradan karne vala hai. islie prachinkal men devi-devta v rishi-maharshi ayudh ke rup men ise sath rakhte the. iski mahima anubhav se hi siddh ho sakti hai. iska rojana darshan karne matra se hi moksh prapt hota hai. brahmavaivart puran: yah shankh samudra manthan ke 14 ratnon men shreshth ratn hai kyonki satyug se lekar aj kaliyug tak iska barabar astitva raha hai tatha shrikrishn ka panchajanya evan arjun ka devadant namak shankh se bhi bhari hone ke karan iski mahima ka varnan nahin kiya ja sakta hai. mukh mandal kamdhenu ke saman hone se darshan tulya hai. iska shankhodak jal v dhvani sabhi manokamnaon ko purn karne vali hai. aghori tantra granth: kamdhenu shankh ko shankhraj kaha gaya hai. yah durlabh evan chamatkari hone se iske kai prayog hain. nagarjun tantra: kamdhenu shankh ki sadhna kar sadhak sukhi-sanpann ban sakta hai. yah bahupyogi shankh hai. kriyoddish tantra: kamdhenu shankh ke samne baithakar sadhna karne se kalpana purn hoti hai, atm bal men vriddhi hoti hai.
Kya aapko lekh pasand aaya?
Subscribe