vighnaharta mangalakarta gauri putra ganesh ji ki mahatta ko sanatan dharmavlanbi pratyek vyakti svikar karta hai. sabhi manglik karyon men sabse pahle ganesh ji ki puja ka shastriya vidhan hai. inki kripa drishti se manushya ke sabhi manorath purn hote hain. jis ghar men nitya ganesh ji ki puja hoti hai vahan vighn, sankat adi ka nivaran shighra ho jata hai. unki yantra, mantra, murti ki sanyukt sadhna karne se shighra labh prapt hota hai. shvetark ganpti: shvetark ek vanaspati hoti hai. iske adhikansh paudhon men lal tatha kuch men safed rang ke ful khilte hain. safed ful ko hi shvetark kahte hain. is paudhe ki jad se ganesh ji ki murti banai jati hai jise shvetark ganpti kaha jata hai. shvetark ganpti ki is murti ki vidhivat puja karne se ghar men sukh samriddhi bani rahti hai, aur puja karne vale ki sabhi abhilashaen purn hoti hain. sfatik ganesh: yah murti sfatik se banai jati hai. sfatik apne ap men svayansiddh ratn hai. iski chamak varshon tak barkrar rahti hai. is murti ki puja karne se dhan ke apavyay evan vighnon se raksha aur jivika tatha vyavsay men barakat hoti hai. iske atirikt sfatik se bane ganesh laket ko dh ran karne se mansik shanti prapt hoti hai. vrish tatha tula lagn rashi valon ko bhi laeket dharan karna shubh hota hai. ganesh rudraksha: yah rudraksh ganesh ji ki akriti jaisa hota hai, islie ise ganesh rudraksh kaha jata hai. vidyarthiyon ko padhai men unnati ke lie ise gale men dharan karna chahie. isse buddhi tivra hoti hai tatha vidya arjan men ane vali badhaon ka shaman hota hai. ganesh yantra: ganesh yantra ko ghar men athva vyavsay sthal, faiktri, dukan ya karyalay men sthapit karke nitya pujan darshan karne se karya vyavsay men ane vali badhaon ka nash hota hai. jivan men unnati evan labh ke avasar bane rahte hain. ganesh shankh: is shnkh ki akriti ganesh ji ki akriti jaisi hoti hai. yah dikhne men akarshak hota hai. is shankh ko ghar, vyavsay sthal athva karyalay men sthapit karke pujan karne se ganesh ji ki kripa prapt hoti hai, karyon men ane vali badhaon ka shighra shaman hota hai aur parivar men sukh shanti bani rahti hai. haridra ganpti: haridra ki jad se nirmit ganesh mangal ke pratik man jate hain. jinke vivah adi men vilanb ho raha ho unhen haridra ganpti ka pujan karna chahie athva haridra ganpti ko laket ke rup men dharan karna chahie. iske atirikt is murti ko ghar men rakhne se har prakar se mangal hota hai. parad ganesh: parad dhatu se nirmit ganpti ki murti ki puja karne se shubh fal ki prapti hoti hai. inki puja karne se ajivika aur vyavsay men sthayitva bana rahta hai. vyakti ka chitt sthir rahta hai aur use apne karya kshetra men saflta milti hai. san sitara ganesh san sitara ratn men manmohak chamak hoti hai jo ise anya ratnon se alag karti hai. isse bani hui murtiyan, yantra adi pavitra evan siddhi prad hote hain. is ratn se bani ganesh ki murti ko ghar athva vyavsay sthal men sthapit karne se dhan, yash aur kirti ki prapti hoti hai. iske atirikt karyakshetra ka vistar hota hai tatha man-samman, sukh, vaibhav adi ki prapti hoti hai. munga ganesh: yadi naukri ya vyavsay men shatru hamesha badhaen khadi karte han to munga ganesh ki murti ki puja karni chahie athva munga ganesh laeket dharan karna chahie. isse badhaon ka shaman hota hai aur unnati ke dva r khulte hain. sankshipt pujan vidhi: uparyukt kisi bhi samagri ko sarvapratham gangajal athva shuddh taje jal se abhishikt karke sthapit karen aur roli, chandan, akshat, pushp, dhup, dip se bari-bari se pujan karen. fir nimnalikhit ganesh bij mantra ka 108 bar nitya jap karen - manovanchit fal ki shighra prapti hogi. mantra: om gan ganptye namah
Kya aapko lekh pasand aaya?
Subscribe