bhagvan shri ganesh ji ka devtaon men asadharan mahatva hai. kisi bhi dharmik ya manglik karya ka aranbh bina inki puja ke praranbh nahin hoti. kisi bhi utsava-mahotsav men unka pujan karna anivarya hai. itna mahatva kisi aur devta ki nahin. vistar se janna chahen to hamare sharir men panch gyanendriyan, panch karmendriyan aur char antahkaran hain. inke piche jo shaktiyan hain unko chaidah devta kahte hain. in devtaon ke mul prerak bhagvan shri ganesh hain. vastav men bhagvan shri ganesh shabd onkar ka pratik he. vaidik hindu dharm ke anusar samast upasna men is prachin paranpra ko svikar karke iska palan kiya hai. hamare sabhi karya nirvighn rup se purn ho jayen kyonki ve hi vighnaharta hain. ‘‘vakratund mahakay surya koti samaprabhah. nirvighn kuru me dev sarvakaryeshu sarvada.. bhagvan shri ganesh uma-maheshvar ke putra hain. ve ganon ke ish hain. svastik rup hain. inke anant nam hain. shubh karyon ke liye ganesh ji ke namon ko smaran karna chahiye. inke namon ka smaran karne se santan prapti, kalah aur sarvavighnon ka nash, vidya ki prapti ke liye, vivah ke liye, dhan prapti ke liye, chintaon ki samapti ke liye, siddhi prapti ke liye, anand aur prasannata ke liye, kort kachhri se mukti aur vijay prapti ke liye, rin mukti ke liye, rog mukti ke liye, netritva shakti prapti ke liye vidhi-vidhan se puja karni chahie. ganesh ji ki puja ke liye inhen namaskar karen. avahan karen, asan arpan karen. puja sthal par purva disha ki or mukh karke baithen apne samne ek chaiki par lal kapda bicha len is kapde par ek svastik banayen is svastik ke bichane-bich bhagvan ganesh ji ki pratima rakhen aur roli, mauli, chaval, supari, ilaychi, pan, pushp, pushpamala, durba, chandan dhup, kapur, dipak, shahad jal adi se puja karen. budhvar ka din ganesh puja ke liye sarvashreshth mana gaya hai. is din ganpti ji ki puja sabhi prakar ki pareshaniyon aur vighnon ko tunrat samapt karne vali hoti hai. budhvar ke din ganesh ji ki vishesh puja karne ka karan yah hai ki ganesh ji buddhi ke bhagvan mane gaye hain. budhvar ke din bhakt ki buddhi prakhar hoti hai aur sabhi prakar ki samasyaon ko hal karne ki shakti prapt hoti hai. jyotish shastra men bhi budh grah bhi budhvar ko hi ganesh ji ko riddhi-siddhi aur buddhi ke dene vale hain. inki aradhana se bhakt ke ghar men shri ganesh ji apni patniyon riddhi-siddhi aur putra shubh-labh sahit nivas karte hain. jis vyakti ki kundli men budh grah ashubh sthiti men ho ya pap pidit ho, karya men man n lagna ya samasya ka hal n ho pana to unhen budhvar ko ganesh ji ki puja karne se labh milta hai. yadi ghar men vastu dosh ho ya kisi bhi prakar ki uprokt varnit kisi prakar ki samasya ho to un barah prakar ke namon vale ganesh ji ki do pratima ghar ke mukhya dvar ke age piche (donon ganeshji ki pith mil rahe) lagane se vastu dosh nahin rahte. purani kahani bhi hai ki jab shiv ji ne aveg men parvati ji ke putra ka sir kata tha aur parvati ji ke jidd par gaj ka shish us balak par lagaya tha aur parvati ji ko shant karne ke liye vardan diya tha ki aj se sab devtaon se pahle gajanan ki puja hogi. inki puja se sab vighn dur honge, yah ganesh ji ke nam se prasiddh honge. isi liye bhi yah manyata prachlit hai.
Kya aapko lekh pasand aaya?
Subscribe