vyakti ka janm jis grah sthiti aur nakshatra men hota hai, usi ke anusar jivan men shubh tatha ashubh ghatnaen ghatit hoti hain. jyotish shastra ke falit granthon men grah nakshatron ki sthiti se banne vale ashubh yogon ki shanti ke lie upayon ka vidhan bhi diya gaya hai. mul, ashlesha, magha, jyeshtha, ashvini aur revti nakshatra gandmul sangyak hain. gandmul sangyak nakshatron men janmen logon ke lie ye nakshatra prayah ashubh hote hain. gosvami tulsidas ka janm mul nakshatra men hua tha, falasvarup unhen balyavastha men hi matri-pitri sukh se vanchit hona para. parantu in nakshatron men janm lene vale sabhi jatkon par inka ashubh prabhav pare hi yah avashyak nahin.
nakshatra ke charan ke anusar fal shubh ya ashubh fal hota hai. ashvini nakshatra: is nakshatra ke pratham charan men janm hone par jatak apne pita ke lie arishtakari, dusre charan men janm hone par dhan ka apavyayi, tisre charan men janm lene par bhramnshil aur chaturth charan men janm lene par svayan sharirik kasht se pirit hota hai. magha nakshatra: iske pratham charan men janm lene par jatak mata-pita tatha mama adi ke lie kashtakari mana gaya hai. dusre charan men janm ho to pita ko kathinai tisre charan men ho to shubh hota hai. chaturth charan men janm hona shiksha evan dhan ke lie shubh hota hai.
û ashlesha nakshatra: pratham charan men janm hona samanya doshkarak hota hai. dusre charan men janm hone se paitrik dhan ki hani, tisre charan men mata-pita ke lie ashubh, chaturth charan men pita ke lie kashtakari hota hai.
û jyeshtha nakshatra: pratham charan men utpann hone par bare bhai ke lie kashtakari, dusre charan men janm lene par chote bhai ke lie arishtakari, tisre charan men janm lene par pita ke lie arishtakarak aur chaturth men utpann hone par vyakti apne tatha apne pita ke lie ashubhkari hota hai.
mul nakshatra: pratham charan men janm lene par vyakti pita ke lie tatha dusre charan men mata ke lie ashubh hota hai. tisre charan men janm lene par dhan ki hani hoti hai, kintu chaithe charan men janm lene par koi ashubh nahin hota hai. revti nakshatra: pratham charan men janm lene se vishesh sukh, dusre men samanya sukh aur tisre men dhan labh hota hai kintu, chaithe men janm hone par vyakti mata-pita ke lie anishtakari hota hai.
abhukt mul: mul nakshatra ke praranbh ki do aur jyeshtha nakshatra ke bad ki do ghatiyan abhukt mul gand nakshatra mani jati hain. inmen janme putra, kanya, sevak, pashu kul ke lie ashubhkari hote hain.
inmen utpann navjatshishu ke pita nakshatra shanti karvane ke pashchat bachche ke darshan karen. in chah gandmul nakshatron men utpann jatak ke gandmul nakshatra ki shanti avashya karvani chahie chahe charan bhed ke anusar vah shubhfldayak hi kyon n ho, kyonki in nakshatron men janm lene par nakshatra dosh lagta hai.
shanti vidhan: jis gandmul nakshatra men janm ho vah nakshatra jab 27ven din dobara ae us samay shanti karvani chahie. yadi ismen n karva saken to 27 ven mas men aur yadi 27ven mas men bhi sanbhav n ho to 27ven varsh men gandmul nakshatra ki shanti karvani chahie.