kuch samay pahle tak sat samudra par karke jane ko mlechchon ke deshon men jana, ya saza ke taur par videsh jana kaha jata tha. lekin ab videsh gaman ko samriddhikarak mana jata hai aur bharatavarsh ka har tisra vasi videsh jana apni shan samjhta hai. videsh men bhartvasi keval bhautik sanpda ki vriddhi ke lie hi nahin jate, varan apni shaikshik unnati, apni bimari ke ilaj ke lie, rajdut adi ban kar, deputeshan par aur yog aur adhyatm ke prachar-prasar ke lie bhi jate hain. kuch bachche apne man-bap ke sath videsh jate hain, to kuch jatak videsh men bas hi jate hain. kuch purush, ya striyan, jo viman chalak, ya eyar hostes adi hain, ve to prayah videsh yatra karte hain.
saeftaveyar injiniyaron ki videsh gaman men bahutayat hai. jab ashtam bhav se videsh jane ka vichar kiya jata hai, to uska arth hota hai samudri jahaj se kisi rog ke ilaj ke lie jana. par ajakal ham ise samudra par jana kah sakte hain, chahe jana pare havai jahaj se hi. naven bhav se lanbi yatra dekhi jati hai. jab navmesh navam bhav men rahu ke sath ho, to jatak ka pita videsh men pratishtha pata hai. isse bhi jatak ka videsh se sanbandh hua. dvadash bhav ka mukhya dhyey videsh gaman aur videsh men rahne ke lie hota hai.
yah navam bhav se chaturth bhav hai aur chaturth bhav rahne, ya basne ka hota hai. videsh yatra ka vichar karte samay nimn tathyon ko dhyan men rakhen-
-ashtam bhav: jal athva samudri yatra ka karak.
-dvadash bhav: videsh yatra tatha samudri yatra ka karak .
-saptam bhav: vyavsayik yatra ka karak.
-navam bhav: lanbi yatraon ka karak.
-tritiya bhav: choti yatraon ka karak. videsh yatra ke karak grah:
-chandrama: samudri, athva jal yatra (videsh yatra)
-guru: vayuyan se yatra (yatra)
-shani: vayuyan se yatra (videsh yatra)
-rahu: vayuyan se yatra (videsh yatra) uparyukt grahon tatha bhavon ka jab paraspar sanbandh hota hai, to videsh yatra ki prabal sanbhavna hoti hai.
videsh yatra yog: -rishi satyacharya ke anusar yadi lagnesh saptam bhav men ho aur kisi shubh grah se yukt ho, to jatak videsh men hi rahega aur vapas nahin aega.
-yadi tritiya bhav men sthit grah navam bhav ko dekhega, to jatak videsh jaega aur tirth yatra karega, jaise hindustan se log haj ke liye makka-madina jate hain. arth yah hua ki jatak videsh yatra thore samay ke lie karega.
-chaturth bhav rihaish (ghar) ka bhav hai. jab yah bhav papakrant ho, ya ashubh grahon ke prabhav men ho, to jatak ghar se dur rahega. vah videsh men ja kar bas jata hai.
-yadi bhagyesh saptamesh ke sath saptam bhav men ho, to jatak videsh men karobar karta hai.
-rishi satyacharya ke anusar yadi saptamesh lagn men ho, to jatak videsh ja sakta hai aur lagn men saptamesh ki yuti kisi shubh grah se ho, to jatak ka aksar videsh ana-jana laga rahta hai, jaise jahajchalak, ya vimanchalak.
-yadi saptamesh dvadash bhav men ho, to jatak videsh ke kai deshon ki yatra karta hai.
-yadi dvadshesh lagn men ho, jo shashthesh se yukt ho aur ashtam bhav pap prabhav men ho, to jatak videsh jata hai, kintu vahan use karavas milta hai.
-yadi dvadshesh lagn men ho, to jatak videsh jata hai.
-yadi dvadshesh navam bhav men ho, to jatak ki bhumi, aur uska bhavan videsh men honge.
-yadi navmesh aur lagnesh chaturth bhav men yuti karen, to jatak videsh men shandar tarike se rahega.
-yadi navmesh chaturth bhav men ho aur lagnesh sath nahin bhi ho, to videsh yatra hoti hai.
-yadi lagnesh navmesh ke sath, ya dashmesh ke sath kendra men ho, to jatak ko videsh men pratishtha milti hai.
-yadi navmesh dvadash bhav men ho, to jatak videsh men kisi guru ke ashram men rahega.
-yadi navmesh dvadash bhav men uchch ka ho, to pahle apne desh men dhan prapt karega, bad men videsh jaega.
-yadi navmesh dvadash bhav men nich ka ho, to jatak videsh men hi pratishtha prapt karega.
-yadi dvadash bhav ki char, ya dvisvabhav rashi ho, to jatak ke videsh men rahne ke jyada avasar hain. yadi sthir rashi ho, to jatak videsh men basta nahin hai; keval yatra kar ke vapas a jata hai.
-yadi dvitiyesh dvadash bhav men ho, to jatak videsh men amir banta hai.
-yadi tritiyesh dvadash bhav men ho, to jatak apne rishtedaron se alag rahta hai.
-yadi chaturthesh dvadash bhav men ho, to jatak videsh men rahta hai.
-yadi panchmesh dvadash bhav men ho, to jatak parhne ke lie videsh jata hai.
-yadi shashthesh dvadash bhav men ho aur dvadash bhav ki rashi char, ya dvisvabhav ho, to jatak ko kai bar yatra karni parti hai.
-yadi saptamesh dvadash bhav men ho, ya dvadshesh saptam bhav men ho, to jatak vyapar, ya vyavsay ke sandarbh men videsh jata hai aur kuch jatak vahin bas jate hain.
-yadi dashmesh ka sanbandh dvadash bhav se ho, to jatak karya-vyavsay ke lie videsh jata hai.
-yadi dvadash bhav, ya dvadshesh pap prabhav men ho, to jatak videsh yatra karta hai.
-jatak tatva ke anusar yadi chandrama kendra men ho, to jatak apne desh tatha videsh men yatra karta hai. aisa yog netaon ki kundliyon men dekha jata hai.
-yadi chandrama kark, ya min rashi men ho, to jatak videsh yatra karta hai.
-yadi chandrama uchch ka ho aur ashtam, navam, ya dvadash bhav men ho, to jatak videsh yatra bhi karta hai aur dhani bhi banta hai.
-vrihad parashar hora shastra ke anusar yadi shukra grah chandrama se chathe, athven, barhven bhav men ho, to jatak videsh yatra karta hai.
-rishi bhrigu ke anusar chandrama yadi ekadash bhav men ho, to jatak prem vivah karta hai aur videsh men rahta hai.
-faldipika ke anusar navam bhav sthit chandrama jatak ke videsh jane ka karan mana gaya hai.
-chamatkar chintamni ke anusar dvadash bhavasth chandrama videsh yatra darshata hai.
-saravli ke anusar yadi surya ashtam bhav men ho, to jatak videsh yatra karta hai.
-bhrigu rishi ke anusar lagn sthit surya jatak ko videsh le jata hai. -jatak parijat ke anusar yadi surya pancham bhav men ho, to jatak videsh jata hai. yah yog kutnitigyaon ki kundliyon men milta hai.
-vrihad parashar hora shastra ke anusar yadi ketu surya se chathe, athven ya barhven sthan men ho, to surya ki dasha aur ketu ki bhukti men jatak videsh jata hai.
-chamatkar chintamni ke anusar jatak videsh men karya-vyavsay karta hai, yadi surya chaturth bhav men ho.
-saravli ke anusar yadi rahu, ya ketu ki yuti saptamesh, ashtamesh, navmesh, ya dvadshesh se ho jae, to videsh yatra ka yog banta hai.
-chamatkar chintamni ke anusar yadi rahu lagn, dasham bhav, ya dvadash bhav men ho, to videsh yatra ka yog banta hai.
-vrihad parashar hora shastra ke anusar yadi uchch ka guru ho, ya svagrihi guru ho, jo lagn se kendra, ya trikon men ho, to rahu ki dasha aur guru ki bhukti men jatak videsh jata hai aur pashchim disha ke deshon ki yatra karta hai.
-yadi rahu ki dasha men ketu, ya surya ki bhukti ho, to bhi jatak videsh yatra karta hai.
-yadi rahu lagn, ya saptam men ho, to bhi videsh yatra deta hai. -yadi chandrama aur rahu dasham bhav men yuti karte hon, to jatak videsh jata hai.
-mansagri ke anusar shukra yadi mesh rashi men ho, to jatak videsh yatra karta hai.
-bhrigu rishi ke anusar shukra yadi chathe bhav men ho, to jatak videsh jata hai aur uske yahan chori ho jati hai.
-bhrigu rishi ke anusar yadi shukra saptam bhav men ho, to uska vivah sundar stri se hota hai aur vah videsh men basta hai.
-shukra yadi dvadash bhav men ho, to bhi videsh yatra ka yog banta hai.
-yadi navam bhav men mangal or shukra ki yuti ho, to jatak ki do patniyan hoti hain aur jatak videsh yatra bhi karta hai.
-yadi mangal dasham bhav men, lagn se, ya chandra se ho, to jatak videsh jata hai.
-jatak parijat ke anusar yadi chandra or mangal ki yuti dasham bhav men ho, to jatak videsh jata hai.
-shani yadi dvadash bhav men ho, to bhi videsh yog bana deta hai.
-yadi guru or shani navam bhav men yuti karte hon, to jatak videsh men pradhyapak, ya updeshak ho sakta hai.
-yadi budh dasham men ho aur chandrama dvadash men ho, to videsh yatra dete hain.
kis desh, ya disha men jana hoga aur kitne samay aur kis kam ke lie: sarvavidit hai ki pratyek desh ki disha nishchit hai. akash men pratyek grah ki sthiti bhi nishchit hai aur prithvi se un grahon ki dishaen nishchit hain. ab dekhna chahie ki yatra karak grah kaun-kaun se hain ? rahu videsh yatrakarak grah hai. rahu ek chaya grah hai, jiska astitva nahin hai.
prithvi apni kaksha men surya ki parikrama karti hai. chandrama apni kaksha men prithvi ki parikrama karta hai. jahan ye kakshaen ek-dusre ko katti hain, use rahu-ketu ki sangya di gayi hai. atah yah man sakte hain ki rahu aur ketu ke gun prithvi aur chandrama ke gunon ke saman hain, arthat rahu aur ketu ka astitva prithvi ke hi pas hai. atah rahu ke prabhav men jatak choti videsh yatra karta hai, parantu kyonki rahu ek kutnitigya grah mana gaya hai, islie rahu ke prabhav men jo yatra ki jati hai, vah gupt rakhi jati hai. atah bina bataye ghar se jane vale agyat vas, gupt vas, bhumigat (chor, dakait, ugravadi) ho jana adi aisi yatraen hain, jo rahu ke prabhav men ati hain.
brihaspati akash ka svami hai, jiske do arth hain:
1. dharti se upar koi karya.
2. akash men vicharan. brihaspati ek bara grah hai, jiske karan use ’guru’ kaha gaya hai. guru dharmik grah hai, atah dharma-karm (tirth yatra) vidya, parvat adi shubh karyon ke lie ki gayi yatraen isi grah ke antargat ati hain. atah is grah ke prabhav men jatak us desh ki yatra karega, jahan parvat honge, ya jo desh samatal se bahut unchai par honge, ya jahan koi tirth sthan adi (nankana, makka-madina) honge. isi prakar budh surya ke bahut pas hai aur budh gyan, vigyan, vidya ka karak hai.
atah parhai aur naukri donon ke lie videsh yatra budh ke antargat ati hai. sansar ke manchitra men khagol shastriyon dvara desh ki rashiyan nishchit ki gayi hain. udaharan ke lie briten, jarmani adi mesh rashi ke antargat ate hain. amerika, kanada adi mithun rashi ke antargat ate hain. isi prakar bharat, pakistan adi makar rashi men ate hain. dusre shabdon men pratyek desh ki rashi nishchit kar di gayi hai. ab dekhna chahie ki yatrakarak grah kaun-kaun se hain? in grahon men se jo grah balvan ho aur us grah ki jo disha ho, us disha men jo desh hain, unki yatra hogi. yah bhi dekhna hota hai ki ye grah janmakundli men kin bhavon men sthit hain.
kendra men hone par inki disha kuch aur hoti hai aur kendra se bahar hone par inki disha kuch aur hoti hai. prayah dekha gaya hai ki ek jatak kisi desh men jata hai aur vahin se kisi dusre desh ki yatra karta hai. aisa tabhi sanbhav hota hai, jabki yatrakarak grah char rashiyon men baithe hote hain. yadi yatrakarak grah dvisvabhav rashiyon men baithe hon, to jatak videsh jata-ata rahta hai. prayah dekha gaya hai ki amerika ki rashi mithun mani gayi hai. mithun ka svami budh hai.
budh aushdhi, kanpyutar, vidya aur rog ko batata hai. atah kundli men yatrakarak grah budh balvan hone se jatak aushdhi, kanpyutar, bimari, ya uchch shiksha ke lie amerika ki yatra karega. yadi budh ka sanbandh chathane bhav se hai, to bimari ke lie, yadi iska sanbandh dasham bhav se hai, to ajivika ke lie, yadi budh ka vishesh sanbandh navam se hai, to uchch shiksha ke lie vah vahan jaega. bharat se ganna karne par yadi yatrakarak grah ka sanbandh surya se hai, to jatak purva ke desh, arthat japan, bangladesh, filipin, barma adi deshon men jaega.
yadi yatrakarak grah ka sanbandh chandrama se hai, to vah uttara-pashchim, arthat yugoslaviya, rus ka dakshini bhag, yurop, yuropiya desh adi jaega. isi prakar mangal se sanbandh hone par jatak dakshin, arthat shri lanka, aesteªliya, nyujilaind, budh se sanbandh hone par uttar, arthat eshiyai desh, rus, amerika adi (amerika ki rashi mithun hone ke karan amerika ko budh ki ganna men rakha gaya hai ) jaega.
yadi yatrakarak grah ka sanbandh brihaspati se ho, to uttara-purva, arthat chin, hangkang adi, yadi shukra se ho, to malyesiya, singapur, vietnam adi, yadi shani se sanbandh ho, to pashchim, arthat pakistan, afganistan, iran, arab desh adi aur yadi yatrakarak grah rahu ho, to dakshin-pashchim, arthat afrika, maerishas adi deshon ki yatra hogi.